தமிழ்வாழ்க..! தமிழன்வளர்க..!

1500 ஃபாலோவர்ஸ் - பனித்துளி சங்கருக்கு வாழ்த்துகள்..!!

2011-06-14T11:08:00.004+05:30

வணக்கம் நண்பர்களே..!! பதிவின் தலைப்பிலேயே அனைவருக்கும் புரிந்திருக்கும். பதிவு யாரைப்பற்றி என்றும், எதற்காக என்றும், ஆம் நண்பர்களே..!! நம்ப பனித்துளி சங்கர் 1500 ஃபாலோவர்ஸ் பெற்றமைக்கு எமது மனமார்ந்த வாழ்த்துகளையும் பாராட்டுகளையும் தெரிவிக்கவே இப்பதிவு. இதுதான் அவரது பிரபல லோகோ இது அனைவரும் அறிந்ததே.

இது அவரது போரட்டம் நிறைந்த வாழ்க்கையை விளக்குவதாகவும், தன்னம்பிக்கை, விடாமுயற்சி, கடினஉழைப்பு இவற்றால் தன்னுடைய இலக்குகளை அடைந்து வருகிறார் என்பது குறிப்பிடத்தக்கது. இவருக்கு எல்லா மொழி அகராதிகளிலும் பிடிக்காத ஒரே வார்த்தை ”முடியாது” என்பதுதான். முடியாததையும் முயற்சித்து தோற்றுப்போவோம் எனும் தன்னம்பிக்கையின் மறுபெயர். தொடர் தோல்விகளால் வெற்றியை விரட்டிப்பிடித்தவர். தன்னை குற்றம் சொல்லி, குட்ட நினைப்பவர்களையும் ”ஊக்கம் இருந்தால் ஊக்குவிற்பவனும் நாளை தேக்கு விற்பான்” என தட்டிக் கொடுப்பவர்.

யார் இந்த பனித்துளி சங்கர்..??

அவர் அப்படி என்னதான் சாதிச்சுட்டார் என கேட்க நினைப்பவர்களுக்கு அவர் மதுரையில் ஒரு சாதாரண ஏழைக் குடும்பத்தில் பிறந்து, வாழ்கையெனும் போராட்டத்திற்காக தனது உணர்வுகளை தொலைத்து அமீரகத்தில் வாழும் ஒரு சிறந்த பண்புள்ள மனிதர். எளிமையானவராகவும், சகப்பதிவர்களுக்கும் நண்பர்களுக்கும் ஊக்கம் கொடுக்கும் ஒரு வாசகனாகவும், ரசிகனாகவுமே இன்று வரை இருந்து வருகிறார்.

அதற்கு சிறந்த உதாரணம் தமிலிஷ் எனும் இன்டிலியில் 60, 000 ஓட்டுக்கள் பதிவு செய்து நண்பர்களை ஊக்கப்படுத்தியுள்ளார் என்பது குறிப்பிடத் தக்கது. அவரைப்பற்றி எழுதிட இந்த ஒரு பதிவு போதாது. மேலும் அவரை புகழ்ந்துபேசினால் அறவே அவருக்குப் பிடிக்காது என்பதால் சுருக்கமாகவே கூறிவிடுகிறேன்.

வலைப்பூக்களில் தினமும் கவிதைத் தேனை தேடும் சுறுசுறுப்பான தேனீக்கள் போன்ற நண்பர்களுக்கு இவரை தெரியாமல் இருந்திருக்காது. ”ஹைக்கூ” எனும் கவிதைத் தேனை அடிக்கடி வலைப்பூவில் அள்ளி வீசியவர்.

விரைவில் 2000க்கும் மேற்பட்ட ஃபாலோவர்ஸ்களை தாண்டுவார் என்பதில் எள்ளளவும் ஐயமில்லை...!!! காரணம் அவரது இன்று ஒரு தகவல் எனும் தொடர் பதிவுகள் தான் ஹைலைட். அவர் சொல்லும் விதமே நாம் பதிவை தொடர்ந்து படிக்க தூண்டுகோலாகவும், அறிவை விசாலமாக்கும் வகையிலும், சுவாரஸ்யமாகவும், புதுமையானதாகவும், ஆச்சரியப் படுத்தும் வகையிலும், மிகவும் பயனுள்ளதாக இருக்கும். விரைவில் அவரது தகவல் படைப்புகள் மற்றும் கவிதைகள் புத்தகமாக வெளிவர வர உள்ளது என்பது நமக்கெல்லாம் மகிழ்ச்சியான தகவலாகும்.

அவரது நகைச்சுவைப் பதிவுகள் அலுவலகத்தில் அல்லது நிறுவனங்களில் பணிபுரிவோர்கள் தங்களது பணிச்சுமைகளை மறந்து சிரிக்க வைக்கும் வகையிலும், கவலைகளையும், டென்சன்களையும் போக்கும் வகையிலும் இருக்கின்றன என்பதற்கு சகவாசக நண்பர்களின் ஆதரவிலிருந்தே அறியலாம்.

மேலும், அவரது நகைச்சுவைப்பதிவுகள் ஒவ்வொன்னும் 2000 பக்கங்களுக்கு மேல் வாசிக்கப்பட்டுள்ளன. அவரது ஹைக்கூ கவிதைகள் கூகுள் தேடுதளத்தில் அதிகளவில் தேடப்பட்டுள்ளன. மேலும் டிவிட்டர் 2000 ஃபாலோவிங் - 740 ஃபாலோவர்ஸ், மற்றும் ஃபேஸ்புக் 2240 நண்பர்கள் என சமூக வலை தளங்களிலும் சிம்ம சொப்பனமாக திகழ்ந்து வருகிறார்.

ஆகவே, நண்பர் அவர்கள் மேலும் பல பதிவுகள் படைக்கவும். அவரது தகவல் சேவைகள், நகைச்சுவை பகிர்வுகள் மற்றும் கவிதைப் படைப்புகள் இன்னும் மெருகேற்றத்துடன் தொடரவும் மீண்டும் ஒரு முறை பாராட்டுகளுடன் வாழ்த்துகளை தெரிவிப்போம் வாருங்கள் நண்பர்களே..!!

* * * * * * *

பசங்களால் வெறுக்கப்படும் விஷயங்கள்..!

2011-06-08T10:33:00.002+05:30

வணக்கம் நண்பர்களே..!! மூன்றுமாத இடைவெளிக்குப் பிறகு புதுப்பிக்கும் பதிவு இது. (ஹெ... ஹெ.. ஹெ.. நாங்களும் இருக்கோம்னு சொல்லனும்ல... அதான்) இனிவருங்காலங்களில் பதிவுகளை பேச்சுவழக்கிலும் யதார்த்தமாகவும் எழுதலாம் என எண்ணியுள்ளேன்..! ஆகவே இது குறித்து யாராவது ஒரு பிரபலமான இயக்குனர் சொன்னால் நல்லாயிருக்குமே என எண்ணினேன். (தக்காளி நீயி போட போகுற மொக்கைப் பதிவுகளுக்கு இதுதான் குறைச்சலாக்கும்...) உடனே என் சிந்தனையில் உதித்தது பாரதிராஜாதான். இதோ அவர் எமது மாற்றத்தைப்பற்றி அவரது வழக்கமான அறிமுகத்துடன் உங்களுடன் பேசுவார். (ஹி..ஹி..ஹி.. இது ச்சும்மா கற்பனைக்காக மட்டுமே...)

என் இனிய வலையுலக தமிழ்மக்களே..!!

கிராமத்து வயற்காடுகளில் சுற்றித்திரிந்த இந்த கருங்குயில், வலைப்பூக்களில் தமிழ்தேனைப் பருகும் எண்ணத்துடனும், தமிழ்தேனின் சுவையை தமிழர்களிடம் பகிர்ந்திடும் முயற்சியிலும் கடந்தை சில கட்டுரைகளில் முழுவதும் தூயதமிழிலியே (ஆங்கில கலப்பின்றி) எழுத முயற்சித்தது.

தற்போது அந்த கருங்குயில், இப்படி தூயதமிழிலியே எழுதுவதால் மட்டும் தமிழ் வளர்ந்து விடாது. பேச்சு வழக்கிலும் நடைமுறைப்படுத்தினால் மட்டுமே இது சாத்தியமாகும் எனும் சி்ந்தனை உதித்துள்ளதால், இனி வருங்காலங்களில் தனது இயல்பான எழுத்துநடையில் தமக்கு தெரிந்த கருத்துகளை பேச்சு வழக்கிலான கிறுக்கல்களுடனும், நண்பர்களாகிய தங்களது ஆதரவுடனும் பகிர்ந்துகொள்ளும் என ஆவலுடன் எதிர்ப்பார்க்கலாம்..!!

என்றும் உங்கள் பாசத்துக்குரிய பாரதிராஜா..!!

பின்வருவன ச்சும்மா காமெடிக்காகவும், நக்கலுக்காகவும், லொள்ளுக்காகவும் மட்டும் பகிர்ந்துகொள்கிறேன். கொஞ்சம் ”சிரி”யஸாவே எடுத்துக்கோங்க... (இவை சிலசமயம் அப்படியே உல்டாவா..... பொண்ணுங்களுக்கும் பொருந்தும்)

பசங்களால் (பாய்ஸ்) வெறுக்கப்படும் இரண்டு விஷயம்.-

1.அழகான பொண்ணுங்க அண்ணா / தம்பி என அழைப்பது.

2.மொக்க / ச்சப்ப ஃபிகர்கள் மாமா / மச்சான் / அத்தான் என அழைப்பது.

* * * * * * *

மிகவும் கொடுமையான தருணம்.-

நாம் ஒருதலையாக காதலித்த பெண்ணிடம் நம் காதலை சொல்லும் போது, நமது உண்மையான காதலை புரிந்து கொள்ளாமல் நமக்கு அறிவுரை கூறும் தருணம். ”வேற நல்லா பொண்ணா பாருங்கண்ணா...!” (அடிபாவி மவள நீயி நல்ல பொண்ணு இல்லாயா..!?? #டவுட்டு) (இருதலை காதலில் இவ்வாறு சொல்லப்படும் போது அதை கொடுமையோ கொடுமை.. அவ்வ்வ்வ்வ்.......... ) # இங்கு நாம் என்பதில் எந்த உள்குத்தும் இல்லை. ஹி....ஹி...ஹி..ஹி... பொதுவாச் சொன்னேன்.

நல்லா சொன்னப் போ பொதுவா.. (ஹி..ஹி..ஹி..)

* * * * * * *

டிஸ்கி.- பிராக்கெட்ல போட்டு இருப்பது தங்களுடைய மைண்ட்வாய்ஸ்னு நான் நெனச்சு போட்டு இருக்கேன்.. அது ஊருக்கு ஊரு மாறுபடும். (ஹெ.. ஹெ.. இருக்காதா பின்ன...!! போங்க தம்பி கப்பித்தனமா டிஸ்கி போட்டுக்கிட்டு)

* * * * * * *

இலவசங்களால் பாதிக்கப்படும் பாமரமக்கள்..!!

2011-03-31T18:58:00.001+05:30

வணக்கம் வலையுலக நண்பர்களே..!! மிக நீண்ட இடைவெளிக்குப்பிறகு இப்பதிவின் வாயிலாக தங்களுடன் எமது கருத்தினைப் பகிர்ந்திட சூழ்நிலையை அமைத்துக் கொண்டதில் மட்டற்ற மகிழச்சி. தற்போதைய பரபரப்பான சூழ்நிலையில் நாம் அனைவரும் மிகவும் ஆவலுடன் எதிர்பார்த்துக் கொண்டிருப்பது இலவசங்களை வாரி வழங்கி, மக்களை சோம்பேறியாக்க போகும் அடுத்த தமிழக முதல்வர் யார் என்பதே..!!!???

அடுத்த முதல்வராக யார் வந்தாலும் பாதிக்கப்பட இருப்பது அடித்தட்டு மக்கள் என்றும், பாமரமக்கள் என்றும் வர்ணிக்கபடும் கிராமத்து மக்கள்தான் என்பதில் எள்ளவும் ஐயமில்லை. காரணம் அடிப்படை கட்டமைப்பு வசதிகள் இன்றளவும் முழுமையாக கிடைக்கப்பெறாமையே..!!! அதற்கு சில உதாரணங்கள்.

அரசின் மணல்குவாரிகளால் அதிகளவில் மணல்கள் சுரண்டப்படுகின்றன. இதனால் ஆறுகளை சுற்றியுள்ள பல கிராமங்களில் போதிய அளவில் குடிநீர் வசதி இல்லாமையும், குடிநீர்த்தட்டுப்பாடும், சுற்றுச்சூழல் மாசுபாடுகள், சுகாதார சீர்கேடுகள் மற்றும் சுவாசக்கோளாறுகளும் ஏற்பட்டுக்கொண்டுதான் இருக்கின்றன.

இவற்றுக்கு முக்கிய காரணம் மணல்கொள்ளையை அரசே ஏற்று நடத்துவதும் அதில் உள்ள பல்வேறு முறைகேடுகளும்தான். ஒரு குறிப்பிட்ட நபர்களின் ஆதாயத்திற்காக ஒட்டுமொத்த மக்களும் பாதிக்கக்கூடிய அவல நிலை இன்று பல்வேறு இடங்களில் அரங்கேறிகொண்டுதான் இருக்கின்றன. அதை தடுப்பதற்கான வழிமுறையை இனிவரும் எந்த அரசும் செயல்படுத்தாது. காரணம் அவர்களுக்கு தேவை ஒரு குறிப்பிட்ட அளவு ஆதாயப்பங்கு.

இதனால் சாலைகள் பழுதடைந்து போதல், குடியிருப்பு வீடுகளில் மண்துகள்கள் காற்றின் மூலம் உட்புகுதல், உணவுகளிலும் கலந்துவிடுதல் என பல்வேறு பிரச்சினைகள் அப்பாவி மக்களை இன்றளவும் வாட்டிவதைக்கிறது.

இதுவரை இலவசம் என்ற மாயையை காட்டி மக்களை ஏமாற்றியவர்கள் மட்டுமின்றி இனிவருபவர்களும் இதையே ஒரு வாக்குகளை சேகரிக்கும் புதிய யுக்தியாக கையாளுவது மிகுந்த மனவருத்தத்தை ஏற்படுத்துகிறது. தமிழர்களை கையாளாகதவர்களாகவும், இயலாதவர்கள் என்ற நிலையை உருவாக்கி விடுகின்றனர்.

உழவர்களின் நாடாக இருந்த தமிழகத்தை விரைவில் சோம்பேறிகளின் நாடாக்குவதிலும், உழைக்காமல் பொழுதைகழிக்க வைக்கும் கேவலமான நிலைக்கும் நம்மை ஆளாக்குகின்றனர். இனியாவது சுயநலவாதிகளின் ”இலவசம்” எனும் தந்திரத்தை அறிந்துகொள்வோம் ..!!!!

தமிழனே..!!! உலகிற்கே

உழைப்பை கற்றுக்

கொடுத்தவன் நீ..!!

இப்பொழுதே விழித்திடு..!!

உனக்கான பாதையை

இனி நீயே வகுத்திடு..!!!

தலைவர்களை நம்பி

கெட்டது போதும் இனியாவது

தன்மானத்தை காத்திட..

தன்னம்பிக்கையுடன் புறப்படு..
இலவசங்களை புறக்கணித்து..!!
இனிவரும் தலைமுறையாவது

இலவசமின்றி பிறக்கட்டும்..!!!

* * * * * * * *

வெற்றிப்பாதையில் செல்வோமா...??!!!

2011-02-07T18:17:00.001+05:30

அனைத்து வலையுலக நண்பர்களுக்கும் வணக்கம். நீண்ட நாட்களுக்குப் பிறகு ஒரு கருத்துப் பகிர்வை தங்களுடன் பகிர்ந்திட ஒரு வாய்ப்பை ஏற்படுத்திக் கொண்டமைக்கு பெரும் மகிழ்ச்சியடைகிறேன்.

வெற்றிப்பாதையில் செல்வதற்கு நமது மனதிற்கு நல்ல எண்ணங்கள் வேண்டும். இடைவிடாத முயற்சியாலும், பயிற்சியாலும், அனுபவத்தினாலும் நாம் ஊக்கத்தையும் உற்சாகத்தையும் ஏற்படுத்திக்கொண்டு வெற்றியடைவதற்கான வழிவகைகளை நாம் கற்றுகொள்ள முடியும்.

1.நல்ல நகைச்சுவையைப் படித்தால் தயங்காமல் வாய்விட்டுச் சிரியுங்கள். (அதனை பெரும்பாலும் காலை தூங்கி எழுந்தவுடன் முயற்சி செய்யாதீர்கள் பல்லை துளக்கிவிட்டு முயற்சிக்கவும். சமயத்தில் உங்களுக்கே மயக்கம் வரலாம். ஹி.....ஹி....ஹி...)

(நன்றி.- கூகுள் தேடுபொறி படம்)

2.துக்கம் அதிகமானால் தனியறையில் கண்ணீர்விட்டு அழுதிடுங்கள். அந்த கண்ணீர் துளிகளிலேயே உங்கள் சோகமும் துக்கமும் கரைந்து போகட்டும். (அதற்காக தினமும் துக்கமா இருக்குனு... எப்போதும் தனியறையிலேயே இருக்காதீர்கள்..! அப்புறம் இரத்தக்கண்ணீர் இராதாரவினு நெனச்சாலும் நெனச்சுடுவாங்க.... ஹி...ஹி..ஹி...)

3.மகிழ்ச்சி வந்தால் உற்சாகம் பொங்க சத்தமாகப் பாடுங்கள். (அதற்காக பொது இடங்களிலோ அலுவலக (அ) நிறுவன உயர் அதிகாரிகள் முன்னிலையில் முயற்சிக்கும் துணிச்சல் வேண்டாம். உங்க பாட்டை கேட்டு நீங்க கொலை செய்ய முயற்சித்ததாக பிரச்சினைகள் வரலாம். ஹி...ஹி..ஹி.. )

நாம் எதை எப்படிப் பார்க்கிறோமோ, நினைக்கிறோமோ அப்படியே நாம் உருவாகிறோம் என்பது விதி. நம்மை நாம் எப்படி இருப்பதாகப் பாவித்துக் கொள்கிறோமோ நாளடைவில் அப்படியே ஆகிவிடுகிறோம். ”நான் உற்சாகமாக இருக்கிறேன்” என்று நினைத்துப்பாருங்கள். நினைப்பை நம்புங்கள். உற்சாகமாகவே அமையும்.

நம்முடைய எண்ணங்களும் சிந்தனைகளுமே உற்சாகத்தை நமக்குள் ஏற்படுத்துகின்றது. நம்மை நாமே ஊக்கப்படுத்திக்கொண்டால் வாழ்கையில் சலிப்பு இருக்காது. எதிலும் நிறைவு காணும் எண்ணம் தானாக வந்துவிடும். நிறைவு ஏற்பட்டால் நிச்சயம் மகிழ்ச்சி வரும். மகிழ்வுடன் பாதை அமைத்தால் அது நிச்சயம் வெற்றிப்பாதையாகத்தான் இருக்கும்.

என்ன நண்பர்களே..!!! நாம் நமது வெற்றிப்பாதையில் மகிழ்ச்சியுடன் பயணிப்போமா....!!!???

விவசாயத்தின் வீழ்ச்சி..! சமுதாயத்தின் தளர்ச்சி..!

2011-01-16T09:38:00.063+05:30

வணக்கம் நண்பர்களே..! அனைவருக்கும் எமது முன்கூட்டிய இனிய 62வது குடியரசு தின நல்வாழ்த்துகளை தெரிவிப்பதில் அளவற்ற மகிழச்சியடைகிறேன். குடியரசு பெற்று 61 ஆண்டுகளை நிறைவு செய்துள்ள நம்நாட்டில் இன்றும் வறுமையும், பட்டினிச்சாவும் ஆங்காங்கே இருந்து கொண்டுதான் உள்ளது. அரசின் கண்துடைப்பு சலுகைகள் தேர்தலை ஒட்டி மக்களுக்கு அப்பப்ப கிடைத்து வந்தாலும். உணவு மற்றும் தானிய உற்பத்தியில் இன்னும் மந்தமான நிலையே தலைதூக்கியுள்ளது. இந்நிலை நீடித்தால் இன்னும் சில ஆண்டுகளில் உணவு பற்றாக்குறையும், தட்டுப்பாடும் அதிகளவில் ஏற்படும் என்பதில் எள்ளவும் ஐயமில்லை.

இன்றைய பதிவில் நான் பகிர்ந்திட இருப்பது. நம்நாட்டின் முதுகெலும்பான விவசாயத்தின் அழிவினைப்பற்றி பேச்சுப்போட்டியில் பங்கேற்று உரையாற்றிய திருப்பூர் வித்யா விகாஷினி மெட்ரிக் மேல்நிலைப் பள்ளி ஒன்பதாம் வகுப்பு மாணவன் பூ.க.அஷ்வத் ஆதித்யா ஃபேஸ்புக் மூலம் நண்பரானர். (நட்புக்கு வயதுபேதம் தேவையில்லை என்பதற்கு இவரும் ஒரு உதாரணம்) அவர் எனக்கு ஆங்கிலத்தில் அனுப்பிய மின்னஞ்சலின் மொழிபெயர்ப்பு தான் இப்பதிவு. இனி அவர் உங்களுடன் பேசுவார்.

அனைவருக்கும் வணக்கம். நான் இங்கு பேச வந்த தலைப்பு விவசாயத்தின் வீழ்ச்சி..! சமுதாயத்தின் தளர்ச்சி..! உழுவார் உலகத்திற்கு ஆணி” என்னும் வள்ளுவர் வாக்கிற்கு ஏற்ப , உழவு சிறப்பானது ஆகும். மனிதனாக பிறந்தால் உழைத்து வாழ வேண்டும். அதுவே நிலையான உயர்வைத் தரும். நம் பாரதத்தில் விவசாயமானது முதுகெலும்பாய் திகழ்கிறது. இத்தகைய சிறப்பு வாய்ந்த உழவுத் தொழிலின் உண்மையான நிலை என்ன..!!?? விவசாயத்தினை வெறும் சாயமாகவே இந்த சமூகம் மதிக்கிறது...!

அனைத்து வளங்களும் நம் நாட்டில் இருந்தும் என்ன பயன் ?? விவசாயி இன்றும் வறுமையில் வாடுகிறான். தம்மோடு போகட்டும் இந்த ஏர் பிடித்து உழவு செய்தல். இனி வரும் சமுதாயத்திற்கு வேண்டாம் என்று எண்ணுகிறான். இந்நிலைத் தொடர்ந்தால் எதிர்காலம் கேள்விக்குரியகும்..!? சமுகம் சங்கடத்துக்குள்ளாகும்.

(நன்றி.- கூகுள் தேடுபொறி படம்)

நம் நாட்டில் உணவு பஞ்சமும் பற்றாக்குறையும் ஏற்படுமாயின், சுவீடன் எத்தியோபியா, சோமாலியா, போன்ற நாடுகளில் ஒன்றாகிவிடும். விவசாய வீழ்ச்சிக்கு முதற் காரணம் சோம்பல் வயலில் உழைக்க விருப்பப்படுவது இல்லை. சங்க காலத்தில் விவசாயத்தை களியாக செய்தார்கள். ஆனால் இன்றோ களி கேலியாகி விட்டது. கொள்ளை இலாபத்திற்காக இரசாயனம் கலந்த உரங்களை பயன்படுத்தி மண்ணை மாசுபடுத்துகிறான்.

சோம்பல் ஒரு பக்கம் என்றால் மற்றொரு பக்கம் இடைத்தரகர்கள். கடின உழைப்பாலான விளச்சல் சற்றும் உழைப்பில்லாத இடைத்தரகர்கள் கையில் அகபட்டு கொள்கிறது. தொழிற்சாலை பெருக்கம், நகர மயமாதல், இயற்கைச் சீற்றம், விண்ணைமுட்டும் விலையேற்றம், சமுதாய சிக்கல்கள், நீர் மற்றும் மின்சார பற்றாக்குறை, நவ நாகரீகம், நிலையற்ற வருமானம், சுற்றுச்சூழல் போன்ற பல காரணங்களை விவசாய வீழ்ச்சிக்கு சொல்லிக் கொண்டே இருக்கலாம். ஆனால், இது நமக்கு ஆறுதல் அல்ல அவமானம்.

இத்தகைய காரணங்கள் வெறும் கண்துடைப்புகள். ஒவ்வொருவரும் தாமே முன்வந்து விவசாயம் செய்ய வேண்டும். அதற்கு அரசு அனுமதிக்க வேண்டும். மயிலே மயிலே என்றால் இறகு போடாது. சட்டங்கள் கடுமையானல்தான் தவறுகள் குறையும். ஒவ்வொரு இந்திய குடிமகனும் வருடத்திற்கு மூன்று மாதம் கட்டாயம் விவசாயம் செய்ய வேண்டும். இல்லையேல் சிறைவாசம் போன்ற சட்டங்கள் கொண்டுவர வேண்டும். இயந்திரத் தொழிலகம் போன்று விவசாயப் பண்ணைகள் தொடங்க வேண்டும். இத்தகைய ஆக்கப்புர்வமான நடவடிக்கைகளில் நம் அரசு ஈடுபடுமாயின் நம்நாடு விவசாய வீழ்ச்சியிலிருந்து மீண்டு வளர்ச்சி பெறும்.

”விவசாயம் செய்வோம்..! வாழ்வாதாரத்தை பெருக்குவோம்..!!” என்று கூறி என் பேச்சை கேட்ட அனைத்து நல்லுங்களுக்கும் நன்றி கூறி விடை பெறுகிறேன். நன்றி..! வணக்கம்..!.

* * * * * * *

விடா முயற்சி..... விஸ்வரூப வெற்றி..!

2010-12-30T12:11:00.002+05:30

முன்னுரை.-

அனைத்து வலையுலக நண்பர்களுக்கும் முன்கூட்டிய ஆங்கில புத்தாண்டு நல்வாழ்த்துகளுடன் வணக்கத்தை தெரிவித்துக் கொள்வதிலும், நீண்ட நாட்களுக்குப் பிறகு ஒரு கட்டுரை பகிர்வில் தங்களுடன் உரையாடுவதற்கு ஒரு வாய்ப்பை ஏற்படுத்திக் கொண்டமைக்கும் பெரும் மகிழ்ச்சியடைகிறேன். இப்பதிவு ஒரு விளம்பர நாளேட்டில் படித்தது. மையக்கருத்து பிடித்திருந்ததால் எமது சொந்த நடையில் பகிர்வுக்காக தங்களுடன் பகிர்கிறேன்.

ஜார்ஜ் வெஸ்டிங்ஹவுஸ் - காற்று பிரேக்.-

ஜார்ஜ் வெஸ்டிங்ஹவுஸ் இளமையிலேயே இயந்திர அமைப்பில் நாட்டம் கொண்டவராம். இவரின் தந்தை பண்ணை இயந்திரங்கள் செய்யும் பட்டறை ஒன்றை வந்திருந்தாராம். ஹவுஸின் இலட்சியம் இரயில் வண்டியை உடனே நிறுத்த பிரேக் ஒன்றைக் கண்டுபிடிக்க வேண்டும் என்பதுதானாம். இதற்காகப் பற்பல வழிமுறைகளை வகுத்திருக்கிறாராம். ஆனாலும் இந்த முயற்சிகள் எல்லாம் முயல் கொம்பாகவே முடிந்தனவாம்.

பீட்ஸ் பர்க் நகரில் ஒரு இயந்திர தொழிற்சாலையில் தொடர்ந்து சோதனைகளைச் செய்து பார்த்தாராம். இரண்டு ஆண்டு காலமாக இலட்சியத்துடன் சோதனையைச் செய்து கொண்டே இருந்தாராம். அதன் பயனாக தன்னுடைய 25 வயதிலேயே காற்று பிரேக்கைக் கண்டுபிடித்து விட்டாராம்.

அதன் பிறகு, இரயில்வே கம்பெனியை நடத்திக் கொண்டிருந்தவரிடம் ஹவுஸ் பிரேக் கருவியைப் பற்றி விளக்கிச் சொல்லிக் கொண்டிருந்தாராம். அப்போது அந்த பெரியவர் "ஓடுகின்ற இரயிலைக் காற்றைக் கொண்டு நிறுத்தி விடலாம் என்கிறீர்கள். அவ்வளவு தானே..!!" என்று கேட்க, இவரும் ஆமாம் என்று தலையசைத்திருக்கிறார். உடனே அவர் "உம்முடைய பைத்தியக்கார யோசனையைக் கேட்க நேரம் இல்லை..!" முதலில் இடத்தை காலி பண்ணுங்க என்று கடுமையாகக் கூறிவிட்டாராம்.

ஆனால் அவரது பேச்சைக் கேட்டு ஹவுஸ் மனம் தளர்ந்து விடவில்லை. மிகப்பெரிய அறிஞர்களின் மிகச்சிறந்த கண்டுபிடிப்புகளில் முதலில் எதிர்ப்பும், சாத்தியமற்றது எனவும், முட்டாளத்தனம் என்றும் அங்கிகாரம் மறுக்கப்பட்டிருப்பதை நாம் பல அறிஞர்களின் கண்டுபிடிப்புகளின் வராலற்றைப் படிக்கையில் அறிந்திருக்கிறோம். அவ்வாறே இவருக்கும் ஏற்பட்டு இருக்கிறது. சரி தகவலுக்கு வருவோம்.

ஜார்ஜ் வெஸ்டிங்ஹவுஸ் பல இடங்களுக்குச் சென்று "காற்று பிரேக்"கைப் பற்றி விளக்கினாராம். நாளடைவில் அமெரிக்கா முழுவதிலும் இவருடைய "காற்று பிரேக்" உபயோகத்துக்கு பயன்படுத்தப்பட்டதாம். இறுதியில் உலகம் முழுவதிலும் இவரின் காற்று பிரேக்கே பொறுத்தப்பட்டதாம். வெஸ்டிங்ஹவுஸின் இந்த விடா முயற்சிதான் விஸ்வரூப வெற்றியாக உலகம் முழுவதும் பரவி பயன்பாட்டுக்கு வந்ததாம்.

முடிவுரை.-

துன்பங்களுடன் போராடப் போரடத்தான் மனவலிமை உறுதி பெறும். இடரும் இன்னலும்தான் நம்முடைய திறனைச் சோதித்துக் கூர்மைபடுத்தும். தெளிவான இலக்குடனும், கடின உழைப்புடனும், தளராத தன்னம்பிக்கையுடன் விடாது முயன்றால், முடியாது என்ற சொல்லுக்கு முற்றுப்புள்ளி வைத்து விஸ்வரூப வெற்றியுடன் சாதனையாளர்கள் பட்டியலில் நம் பெயரையும் சேர்த்திடலாம்.

நன்றி.- கூகுள் தேடுபொறி படங்கள்

* * * * * * * * * * * *

ஹைக்கூ - நிலவின் அச்சம்..!

2010-12-29T10:44:00.000+05:30

பெண்ணே..!

உன் அழகை கண்டு

அஞ்சுகிறது போலும்

அமாவசையன்று

நிலவு..!

அலைபேசி தொந்தரவுகளுடன் இடரான பேருந்து பயணம்

2010-11-18T11:00:00.001+05:30

வணக்கம் நண்பர்களே..! முந்தைய பதிவான அலைபேசியும் - குறுஞ்செய்திகளும் பதிவில் அடுத்த பதிவில் சமூக கருத்துடன் பகிர்வதாக குறிப்பிட்டுயிருந்தேன். அப்பதிவின் தொடர்ச்சியாக இப்பதிவு.

கடந்த தீபாவளி விடுமுறைக்கு சொந்த ஊருக்கு செல்வதற்காக பேருந்தில் பயணம் செய்தேன். பேருந்தில் சாதாரணமாக சனி்க்கிழமைகளில் ஞாயிறு விடுமுறைக்காக மக்கள் அவரவர் சொந்த பகுதிக்கு செல்ல (எம்மைப்போல) அலைகடலென திரண்டு இருப்பதை பார்க்கும்போதே ”ச்சபா... இப்பவே கண்ண கட்டுதே..”! என வடிவேலு பாணியில் எண்ணத் தோன்றும். அதுவும் பண்டிகை காலங்களில் என்றால் சொல்லவா வேண்டும்..??!!!! ச்சப்பப்பா...!!!! கொடுமைடா சாமி..!!! என்று தோனும்.

பேருந்துக்குள் இருக்கும் கூட்டத்தை பார்க்கும் போது நமக்கோ (நடத்துனரையும் சேர்த்து) பயணத்தை நினைத்து பயத்தில் விழி பிதுங்கி இருக்கும். (குளிர்சாதன பேருந்துகள் தவிர) அதை அனுபவிக்கும் போதுதான் அதன் வலி தெரியும். (என்னத்தங்க சொல்றது வாழ்வா சாவா போராட்டம்தான்). நான் சொல்வது ஒரு சில வேளைகளில் மட்டுமே செல்லும் கிராமத்து பேருந்துகளுக்கு முழுவதும் பொருந்தும். (நம்ப ஊர் சாலைகள் போல கிராமத்து பேருந்துகளும் ரொம்ப மோசம்ங்க...!!)மற்றபேருந்துகளுக்கு சில சமயங்களில் பொருந்தும். (அமாவாசை, கிருத்திகை, பௌர்ணமி) அப்பொழுது கூட்டமில்லாத குளிர்சாதன பேருந்துகைளை பார்க்கும் போது ரொம்ப நொந்துக் கொள்ள வைக்கும். பி்ன்ன என்னங்க.. 80 பேர் இருக்கையில 10 பேர் போனால் எப்படியிருக்கும்..???!!

அப்ப ஏழைக்கு ஒரு நீதி..??? பணக்காரருக்கு ஒரு நீதியா ??? இது மிகவும் அநீதி. நகர பேருந்துகள் எனப்படும் பேருந்து நடனமாடும் பேருந்தாக மாறிவருவது மறுக்க முடியாத உண்மை. உயிருக்கு உத்திரவாதம் இல்லாத மிகவும் இடர் நிறைந்த பயணம். பெரும்பாலும் யாரும் விரும்பி படியில் நிற்பதில்லை சூழ்நிலை நிற்கவைக்கிறது.

கர(ண)ம் தப்பினால் மரணம்.

இப்ப படிக்கட்டுகளில் ”படியில் பயணம் நொடியில் மரணம்” என்பது மாறி ”படியில் நின்று ”செல்”போன் பேசாதீர்..!! இவற்றைதான் காணமுடிறது. மாற்றம் இருக்கலாம் அதுக்காக இப்படியா..!!!???

அவற்றை முதலில் மாற்ற வேண்டும். ”படியில் நிற்காதீர்கள்”..!! இப்படியிருந்தால் ஓரளவுக்கு மாற்றம் வரும். அதுசரி நாம் எப்பொழுது விதிமுறைகளையும் அறிவுரைகளையும் கடைபிடிக்கிறோம்..!!??? என்ன சொல்லுறீங்க...!!??? அப்படி செய்திருந்தால் அல்லது செய்தால் ஏன் இந்த அவல நிலை..??!! (குறைகள் என்று எழுத ஆரம்பித்தால் பெரிய தொடராகவே எழுதலாம்..!)

மேற்குறிப்பிட்ட இடர் நிறைந்த சூழலிலும் நம்ப மக்கள் பேருந்துக்குள் அலைபேசியை வைத்து செய்யும் அட்டகாசங்கள் குறித்தும், பொதுமக்களுக்கு ஓட்டுனருக்கு மற்றும் நடத்துனருக்கு கொடுக்கும் தொந்தரவுகள் குறித்தும் காண்போம்.
(நன்றி. கூகுள் படங்கள்)

சீனா, கொரியா நாட்டு தயாரிப்பு அலைபேசியை வாங்கிகொண்டு அழைப்பு ஒலி அளவை உச்சத்தில் வைத்திருப்பது. ஒலிமாசுபாட்டை ஏற்படுத்துவது இவ்வகையிலான அலைபேசிகளே..!! (இதுபோன்ற பல இடங்களில் ஏற்படுத்தப்படுகிறது)

திருவிழாவில் பாடும் ஒலிப்பெருக்கி போன்று எவ்வளவு அதிகபட்ச சத்தமோ... அவற்றை வைத்து வெளியில் அனைவருக்கும் கேட்கும்படி பாட்டு கேட்பது. (சிலருக்கு பிடிக்கும் பலருக்கு பிடிக்காது)

பக்கத்திலிருக்கும் நண்பனுக்கோ, தெரிந்தவருக்கோ, தவறிய அழைப்பு செய்து அவரை மட்டுமின்றி பொதுமக்களையும் நடத்துனரையும் கடுப்பேத்தி (ம) வெறுப்பேற்றும் வகையில் தொந்தரவு செய்வது.

தன்னுடைய மகிழ்ச்சிக்காக, ஒலிபெருக்கியை வைத்து முன்னால் இருக்கையில் இருப்பவர் அலைபேசியை பயன்படுத்துவதால் ஓட்டுநனருக்கு கவனசிதறலையும், பின்னால் இருக்கையில் இருப்பவர் நடத்துனருக்கு காரியச்சிதறலையும் (பயணச்சீட்டு வாங்குவதில்லை)

அலைபேசியால் பேருந்தில் பயணம் செய்யும் அனைவருக்கும் பெரிய தலைவலியே ஏற்படும் வகையில் அட்டகாசம் செய்து தொந்தரவு ஏற்படுத்துவது. இப்படி அலைபேசியை நடத்துனர் ஊதும் ஊதுகுழல் ஒலி ஓட்டுநனருக்கு கூட கேட்காத நிலையும் இதனால் ஏற்படுத்துவது. இவற்றையெல்லாம் முடிந்த வரை நாம் தவிர்ப்போம். முடிந்தவரை நம்மை சார்ந்தவர்களையும் தவிர்க்க வைப்போம் என்பதே இத்தொடர்பதிவுகளின் முக்கிய கருத்து. தங்கள் கருத்தையும் அவசியம் கூறுங்கள்.

அலைபேசியும் - குறுஞ்செய்திகளும்

2010-11-16T10:36:00.001+05:30

வணக்கம் நண்பர்களே..! முந்தைய இடுகையில் அஆஇ (அலைபேசியின் ஆபத்துகளும், இடர்களும்) பற்றி பார்த்தோம். இப்பதில் அவற்றின் அவசியம் குறித்தும், அவற்றின் மூலம் நம் மக்கள் செய்யும் அட்டகாசங்கள் குறித்தும் யாமறிந்தவரை பகிர்கிறேன். அதற்கு முன்பாக அலைபேசியின் முக்கிய அவசியங்களை காண்போம். (ஃக்கி...ஃக்கி.. உங்களுக்கு தெரியாததா...????!!!!!)

அலை(கொலை)பேசியின் அவசியம்.-

நமது வருகை குறித்து தெரிவிக்கவும், காலதாமதம் ஏற்பட்டால் அறிவிக்கவும், தவறிய அழைப்பு செய்ய (இது பெரும்பாலும் இளம்வயது பெண்கள் செய்கிறார்கள்) முக்கியமான செய்தி பேச, உரையாட, தகவல் பரிமாற, பொழுது போக்க, படம் பார்க்க, பாட்டு கேட்க, கடலைபோட, மொக்கைபோட, கூட்டஅழைப்பில் அரட்டை அடிக்க அல்லது கும்மியடிக்க, மற்றும் குறுஞ்செய்தியில் அரட்டை அடிக்க, மின்னஞ்சல் பாரக்க, சமூக வலைதளங்களில் கருத்துப்பகிர, வலைப்பக்கம் எழுத, என்று இப்படி அவரவர்தேவைக்கேற்ப சொல்லிக் கொண்டே போகலாம்... மேலும் இதுகுறித்து ஒரு பெரிய்ய்ய...... பதிவே போடலாம். (அதுக்கு நிறைய பேர் இருக்காங்க. அதனால அதைநான் விட்டுட்டுட்டேன்)

பெரும்பான்மையான குறுஞ்(அறுவை) செய்திகள்.-

அலைபேசிகள் குறுஞ்செய்திகளை பகிர்வதில் (ம) பரிமாறுவதில் முக்கிய பங்கு வகிக்கிறது. உதாரணத்திற்கு ஒரு சில.. இந்தியா முழுவதும் சுற்றிவிட்டு மீண்டும் நமக்கே வரும் அம்மா கவிதை, காதல் கவிதை, நட்பு கவிதை, கருவறை கவிதை, கல்லரை கவிதை,........

தயவு செய்து உதவுங்கள். உயர்காக்க இரத்தம் கொடுத்து உதவுங்கள், இதயஅறுவை சிகிச்சைக்கு ரூபாய் ஐந்து இலட்சம் தேவை, (பெரும்பாலும் போலியானவை) உங்களை எனக்கு முன்பின் தெரியாது. இதை 20 பேருக்கு முன்அனுப்புங்கள் எனக்கு ஒரு குறுஞ்செய்திக்கு 10 பைசா கிடைக்கும்,

இன்று இரவுக்குள் 25 பேருக்கு இந்த குறுஞ்செய்தியை முன்அனுப்புங்கள் விரைவில் நல்ல செய்தி வரும். இல்லாவிட்டால் உங்கள் ப்ரியமானவர் உங்களை விட்டு பிரிந்திடுவார். அனுப்பினால் உங்களை கடவுள் காப்பாற்றுவார்.. (பெரும்பாலும் ஆங்கிலத்திலே வரும்.)

இது போன்று ஒரு ஐந்தாறு வகையான குறுஞ்செய்தி உள்ளது. நான் அலைபேசி வாங்கிய நாள்முதல் இப்படித்தான் வந்து தொலைகிறது. நானும் அதில் ஒரு சில ரசித்தவைகள் மற்றும் பிடித்தவைகளை மட்டும் நண்பர்களுக்கும் அனுப்பி அவர்களை தொல்லைப்படுத்துவதுண்டு. என்னன்வோ எழுத வந்து உருப்படியா எதுவும் சொல்லாமல் நேரத்தை வீணாக்கிட்டேன். (சரி பதிவுனு எழிதினால் ஒரு சில மொக்கைகள் வரத்தானே செய்யும்.) க்கி..ஃக்கி.. மீண்டும் வருவேன். அடுத்த பதிவில் இதன் தொடர்ச்சியாக ஒரு சமூக கருத்துடன் பகிர்கிறேன்.

முக்கிய குறிப்பு.-

இப்பதிவில் முடிந்தவரையில் தூயதமிழில் எழுத முயற்சித்திருக்கிறேன். (இணைக்கப்பட்டுள்ள படத்தை தவிர) ஏதாவது கலப்பு தமிழ் இருந்தால் தெரிவித்து, அதற்கு சரியான செந்தமிழை குறித்துக் காட்டவும். பதிவில் திருத்தி்க் கொள்கிறேன்.

அஆஇ (அலைபேசியின் ஆபத்துகளும், இடர்களும்)

2010-11-10T12:15:00.004+05:30

வணக்கம் நண்பர்களே..! நாம் இன்றைய பரபரப்பான காலகட்டத்தில் அலைபேசியையும் (செல்போன்) நம்மையும் பிரிக்க முடியாத சூழ்நிலையில் உள்ளோம் என்பது என் தனிப்பட்ட கருத்து.

அலைபேசியை அதிகமாக பேசுவதால் ஏற்படும் ஆபத்துகள் மற்றும் பாதிப்புகள் குறித்து பல்வேறு ஆய்வுத் தகவல்களும், வலைப்பக்கங்களில் காணப்படும் உதாரணத்திற்கு...
நம்ம நண்பர் ! . பனித்துளி சங்கர் ! அவர்களின்

இன்று ஒரு தகவல் 21 - மனித இனத்தை மெல்ல அழிக்கும் மொபைல் போன்கள் !!! இதுபோன்ற பயனுள்ள கட்டுரைகளும் (இதுவரை படிக்காதவங்க அவசியம் படிப்பீங்கன்னு நம்புறேன்..!!) நாம் படித்து பல தகவல்கள் அறிந்தாலும், நம்மை அந்த நிமிடம் வரை மட்டுமே யோசிக்க வைக்கிறது. அதன் பிறகு அதைப்பற்றி நாம் அதிகம் கவனம் செலுத்தி யோசிப்பதில்லை. ஏனெனில் இயந்திரமயமான காலகட்டத்தில் அதற்கு நமக்கும் நேரமில்லை. சரி என்னதான் சொல்கிறேன் என்று நீங்கள் கேட்க நினைப்பது தெரிகிறது. இதோ எனது கருத்துப்பகிர்வுக்கு வந்துவிட்டேன்.

நாம் பேருந்தில் பயணம் செய்யும் போது நமக்கு அலைபேசி மிகவும் பயனுள்ளதாக இருக்கிறது. நாம் தவிர்க்க முடியாத சூழ்நிலையில் பேருந்து படிகட்டில் பயணம் செய்யும் போது நமக்கு குறுஞ்செய்தியோ, அழைப்போ அல்லது தவறிய அழைப்போ வந்தால் (நம்மை தவறவைக்கும்) அவசியம் தவிர்ப்போம் என்பதே எனது முக்கிய கருத்து. ஏனெனில் பல விபத்துகளும் உயிரிழப்புகளும் அவற்றால் ஏற்படுகிறது.

படிக்கட்டு பயணத்தின் போது (வாகனம் ஓட்டும்போதும்) அழைப்பு வந்தால் தயவு செய்து (தவர்த்திடுங்கள்..!) எடுக்காதீர்கள்..!! ஏனெனில் அழைப்பது எமனாகவும் இருக்கலாம்..!!

* * * * * * *

இலக்குகளை ஏன் நிர்ணயிப்பதில்லை ?

2010-10-28T18:20:00.001+05:30

இலக்குகளின் முக்கியத்துவம், அவசியம் குறித்து முந்தைய பதிவுகளில் பகிர்ந்தோம். இலக்குகளும்... கனவுகளும்... என்ற பதிவில் நம்மில் ஏன் பலர் இலக்குகளை நிர்ணயித்துக் கொள்வதில்லை? என்பதை அடுத்த பதிவில் பகிர்வதாக முடித்திருந்தேன் அதன் தொடர்ச்சியாக.... இப்பதிவு.

இலக்குகளை நாம் நிர்ணயித்துக் கொள்ளாமைக்கு பல காரணங்கள் உள்ளன. அவற்றுள் பின்வருவனவும் அடங்கும்.

நம்பிக்கையற்ற மனப்பாங்கு
தோல்வி பற்றிய பயம்
பேராவல் இன்மை
புறக்கணிக்கப்படுவோம் என்ற பயம்
தள்ளிப் போடுதல்
தாழ்ந்த சுயமதிப்பு
இலக்குகளின் முக்கியத்துவம் அறியாமை

இலக்கு அமைத்தல் பற்றிய அறிவின்மை

பொதுவாக இலக்குகள் SMART ஆக இருக்க வேண்டும்.

S - Specific - திட்டவட்டமானது
M - Measurable - அளவிடக்கூடியது
A - Achievable - சாதிக்கக் கூடியது
R - Realistic - யதார்த்மானது
T - Time bound - கால எல்லைக்குட்பட்டது.

இலக்குகள் கீழ்வருமாறு இருக்கலாம்.

குறுகியக் கால இலக்குகள் - ஓர் ஆண்டு வரைக்கும்
இடைக் கால இலக்குகள் - மூன்று ஆண்டுகள் வரைக்கும்
நீண்டகால இலக்குகள் - ஐந்து ஆண்டுகள் வரைக்கும்
இலக்குகள் ஐந்து ஆண்டுகளுக்கும் மேலானதாகவும் இருக்கலாம்.

ஆனால், அப்போது அவை வாழ்வின் குறிக்கோளாகிவிடும். நமக்கு குறிக்கோள் இல்லாவிட்டால், நமது இலக்குகளை ஒவ்வொன்றாக அடைந்தாலே போதும் என்ந ஒரு வித கிட்டப்பார்வையுடன் வாழத் தொடங்கிவிடுவோம். இலக்குகளைச் சிறுசிறு பகுதிகளாப் பிரித்துக் கொண்டால், அவற்றை எளிதில் அடைந்து விடலாம்.

அடிகொண்டு அளந்தால் வாழ்க்கை கடினமானது.

ஆனால் அங்குலம் கொண்டு அளந்தாலோ, அது மிக எளிதானது.

* * * * *

இலக்குகளும்... கனவுகளும்...

2010-10-25T18:13:00.001+05:30

வணக்கம் நண்பர்களே..!! முந்தைய பதிவில் இலக்குகளை அடைய மனதை ஒருமுகப்படுத்துவது குறித்தும், இலக்குகள் ஏன் முக்கியமானவை? என்பது குறித்தும், கால்பந்தாட்ட கோல் இலக்கை மையப்படுத்தி ஒரு சில கருத்துகளையும் பகிர்ந்து அறிந்தோம். அதன் தொடர்ச்சியாக இப்பகுதியில் நம்முடைய இலக்குகளை அடைய கனவுகள் எவ்வாறு உறுதுணையாக உள்ளது எனவும் அவற்றை எவ்வாறு நனவாக்குவது எனவும் பார்ப்போம்.

மக்கள் இலக்குகளைக் கனவுகளோடும், விருப்பங்களோடும் போட்டுக் குழப்பிக் கொள்கிறார்கள். கனவுகளும், விருப்பங்களும் நமது ஆசைகளே தவிர வேறெதுவுமில்லை. ஆசைகள் பலவீனமானவை, கீழ்வருவன துணை செய்தால், ஆசைகள் வலுவாகி விடும்.

வழிகாட்டுதல் (Direction)
அர்ப்பணிப்பு (Dedication)
மன உறுதி (Determination)
கட்டுப்பாடு (Discipline)
கெடு (Deadlines)

இதுவே ஒரு ஆசையை இலக்கிலிருந்து வேறுபடுத்துகிறது. இலக்குகள் என்தெல்லாம் இறுதி கெடுவோடும், ஒரு செயல்திட்டத்தோடும் கூடிய கனவுகளாகும். கனவுகளை நனவாக்குவது வெறும் விருப்பம் அல்ல, பேரார்வமே.

கனவினை நனவாக்குதற்கான வழிகள்.

நிச்சயமான, தெளிவாக எழுதப்பட்ட இலக்கை வைத்திருங்கள்.
அதை நிறைவேற்ற ஒரு திட்டத்தை வைத்திருங்கள்.

முதல் இரண்டு கருத்துகளையும் ஒரு நாளைக்கு இரண்டு முறை படித்து மனதில் நிறுத்துங்கள். அடுத்தப் பதிவில் ஏன் பலர் (என்னையும் சேர்த்துத்தான்) இலக்குகளை அமைத்துக் கொள்வதில்லை என்பதை குறித்து காண்போம். அதுவரை தங்களது கருத்துகளையும் அறிவுரைகளையும் எதிர்பார்த்துக் காத்திருக்கும் உங்கள் வாசக நண்பன் பிரவின்குமார்.

* * * * * * *

இலக்குகள் ஏன் முக்கியமானவை ?

2010-10-22T10:13:00.000+05:30

வணக்கம் நண்பர்களே..!! முந்தைய பதிவில் ஷிவ்கேராவின் யு கேன் வின் (You Can Win) என்ற புத்தக தொகுப்பிலிருந்து படித்ததில் பிடித்ததாக நம் இலக்கை நாம் அறிந்தால் வெற்றி நம்மை அறியும் என்ற பதிவில் இலக்குகளை அமைத்தலும் அடைவதும் குறித்து சாட்விக் சாதனையுடன் குறிப்பிட்டிருந்தேன். அதன் தொடர்ச்சியாக இப்பகுதியில் நம்முடைய இலக்குகள் ஏன் முக்கியமானவை ? என்பதை சுருக்கமாக பார்ப்போம்.

நல்ல சுட்டெரிக்கும் வெய்யிலி்ல், நல்ல சக்தி வாய்ந்த ஒரு லென்ஸை ஒரு தாளின் மேல் அசைத்துக் கொண்டிருந்தால், அந்தத் தாளில் தீ பற்றவே பற்றாது. ஆனால் அதை ஒரே இடத்தில் மையப்படுத்திப் பிடித்து கொண்டிருந்தால், அந்தத் தாள் தீப்பற்றிக் கொள்ளும். இதுவே ஒருமுகப்படுத்துவதின் சக்தியாகும்.

ஒரு கால்பந்தாட்ட அணி களத்தில் முழு உற்சாகத்தில் இருக்கும் போது கோல் கம்பங்களை யாரோ பெயர்த்துச் சென்று விட்டார்கள் என்று வைத்துக் கொள்ளுங்கள். அந்த ஆட்டம் என்னவாகும்? அங்கேதான் ஒன்றுமே இல்லையே, நாம் எப்படி கோல் போடுவது? நாம் இலக்கை நெருங்கி விட்டோம் என்று எப்படி தெரிந்து கொள்வது? திசையே இல்லாத உற்சாகம் காட்டுத்தீ போன்றது, அது விரக்தியி்ல் கொண்டு போய் விட்டு விடும். இலக்குகளே நாம் ஒரு திசையில் போய் கொண்டிருக்கிறோம் என்ற உணர்வைத் தரும். அடுத்த பதிவில் கனவுகளால் எப்படி இலக்கை அடைய முடியுமென பகிர்கிறேன்.

* * * * * * * *

நம் இலக்கை நாம் அறிந்தால் வெற்றி நம்மை அறியும்..!!

2010-10-19T10:33:00.004+05:30

நண்பர்கள் அனைவருக்கும் வணக்கம். இப்பதிவு ஷிவ்கேராவின் யு கேன் வின் (You Can Win) என்ற புத்தக தொகுப்பிலிருந்து படித்ததில் பிடித்ததாக ஒரு புத்தகத்தில் படித்தேன். கட்டுரை பிடித்திருந்ததால் நாமும் நமது நண்பர்களுடன் பகிர்ந்திடலாமே..!! என்பதற்காகவே. இனி அக்கட்டுரையிலிருந்து, நாம் அடைய வேண்டிய இலக்கு எது என்பதை நாம் அறிந்திருந்தால், அதை நாம் அடைய நமது அறிவு உதவி செய்யும். நாம் நமது கவனத்தை ஒருமுகப்படுத்தாமல் நமது இலக்கை அடையவே முடியாது. ஒருமுகப்படுத்துவதும், ஒருநிலைப்படுத்துவதும் சற்றே கடினம்தான், என்றாலும், இந்தத்திறன் கற்றுக்கொள்ளக் கூடிய ஒன்றேயாகும்.

ஃப்ளோரன்ஸ் சாட்விக். இவர், ஜீலை 4, 1952ல், கேட்னா கால்வாயை நீந்திக் கடந்த முதல் இந்தியப் பெண்மணி என்ற பெருமையை அடைவதற்குப் போராடிக் கொண்டிருந்தார். அவர் ஏற்கனவே ஆங்கிலக் கால்வாயைக் கடந்து வெற்றிக் கண்டவர். உலகே அதை ஆவலுடன் எதிர்பார்த்துக் கொண்டிருந்தது. ஃப்ளோரன்ஸ் சாட்விக் அடர்ந்த மூடுபனியையும், ரத்தத்தை உறைய வைக்கும் குளிரையும், பல சமயங்களில் சுறா மீன்களையும் எதிர்த்துப் போராடினார். அவர் கரையை அடைய பெரும் முயற்சி செய்து கொண்டிருந்தாலும், பார்த்தது என்னவோ அடர்ந்த மூடுபனியைத்தான். கரையை பார்க்க முடியாததால், அவர் முயற்சியைக் கைவிட்டார்.

தான் கரைக்கு அரை மைல் தொலைவிலேயே இருந்ததை அறிந்து சாட்விக் மனம் வெறுத்துப்போனார். அவரால் நீந்த முடியாமல் அவர் முயற்சியைக் கைவிடவில்லை, அவரது இலக்கு எட்டக்கூடிய தூரத்தில் எங்கும் தெரியாததாலேயே கைவிட்டுவிட்டார். மற்ற எதுவும் அவரை தடுக்கவில்லை. அவர் "நொண்டிச்சாக்குச் சொல்ல விரும்பவில்லை. நான் கரையை மட்டும் பார்த்திருந்தால், வெற்றி இலக்கை அடைந்திருப்பேன்" என்று கூறினார்.

இரண்டு மாதங்களுக்குப் பிறகு, அவர் மீண்டும் திரும்பிச் சென்று கேட்னா கால்வாயை நீந்திக் கடந்தார். இம்முறை, மோசமான வானிலை இருந்தாலும் கூட, தனது மனதில் இலக்கை அவர் நினைவு வைத்திருந்ததால், அதனை அடைந்தது மட்டுமல்லாமல், அந்தக் கால்வாயை இரண்டு மணிநேரம் முன்னதாகவே கடந்து ஆண்களின் சாதனையையும் முறியடித்தார். என்ன நண்பர்களே..!! நமது இலக்கை இதே போன்று அறிந்து அடைவோமா..??!!! அடுத்தப் பதிவில் இதே புத்தகத்திலிருந்து மற்றொரு கருத்தை பகிர்கிறேன்.

இப்படியாக இருப்போமா..?!!!

2010-10-07T10:46:00.000+05:30

வணக்கம் நண்பர்களே..! நாம் வாழ்க்கையில் முக்கியமான பணிகளை / கடமைகளை எப்படி செய்ய வேண்டும் என்றும், அவற்றை எவ்வாறு செய்ய வேண்டும் என்றும், ஏதோ யாம் கற்ற மற்றும் பெற்ற அனுபவங்களை வைத்து இக்கருத்துகளை எமக்காகவே எழுதிவைத்தேன். அவற்றை நமக்காக நம் நண்பர்களுடன் பகிர்ந்திடவே இப்பதிவு.

உண்ணுவோம் - விவேகமாக
உறங்குவோம் - நிம்மதியாக
உடுத்துவோம் - தூய்மையாக
உரையாற்றுவோம் - மென்மையாக
எண்ணுவோம் - நல்லவிதமாக
கற்றிடுவோம் - தெளிவாக
நடந்திடுவோம் - பணிவாக
நம்புவோம் - உறுதியாக
நடந்துகொள்வோம் - நாகரீகமாக
திட்டமிடுவோம் - ஒழுங்காக
பணியாற்றுவோம் - உண்மையாக
சம்பாதிப்போம் - நேர்மையாக
செலவிடுவோம் - நுண்ணறிவாக
சேமிப்போம் - முறையாக.

கொசுறு.

கருத்துரையிடுவோம் - வெளிப்படையாக
வாக்களிப்போம் - தவறாமல்

* * * * * * * * *

படித்ததில் பிடித்தது - நம்பிக்கையும் பேச்சும்..!

2010-09-24T10:46:00.002+05:30

வணக்கம் நண்பர்களே..! வழக்கம் போல் மாதத்திற்கு ஏதாவது இரண்டு பதிவு போடவேண்டுமே என்பதற்காக.... அலுவலகத்தின் சுவரினை வெறித்துப் பார்த்து யோசிக்கையில் அங்கே இருந்த வாசகத்தையே பதிவாக போட்டுவிடலாம் என தோன்றியது. (நல்ல பதிவு எழுதனும்னா நிறைய யோசிக்க வேண்டி இருக்கே..! அதனால, அதுக்கு நான் சரிபட்டு வரமாட்டேன்) வேறு என்ன செய்வது ஏதாவது உருப்படியா சிந்தனை வரனும்னா சுவரை பார்க்கனும். இல்லைனா சுவரில் முட்டியாவது யோசிக்கனும் என்று மொக்கை பதிவர்கள் சங்கத்துல சொல்லியிருப்பதால சுவரில் அப்புறம் முட்டி யோசிக்கலாம். அதுவரை அங்கு படித்ததை பகிர்வுக்காக பதிவிடலாம் என்பதற்காகவே இப்பதிவு.

* * * * * *

அனைத்தும் இழந்து கடவுள்மேல்

நம்பிக்கை இருந்தால்

நீ இழந்தது எதுவுமில்லை.

அனைத்தும் இருந்து கடவுள்மேல்

நம்பிக்கை இல்லையென்றால்

உன்னிடம் இருப்பது எதுவுமில்லை.

* * * * * *

நண்பர்களைப்பற்றி

நல்லதை பேசு..!

விரோதிகளைப்பற்றி

ஒன்றும் பேசாதே..!

* * * * * *

நேற்றைய நாளை இன்று - இன்றைய நாளை இன்றே..!

2010-09-16T19:08:00.000+05:30

வலையுலக நண்பர்கள் அனைவருக்கும் வணக்கம்..!

மிக நீண்ட இடைவெளிக்குப் பிறகு ஒரு பதிவு எழுதும் வாய்ப்பை அமைத்துக் கொண்டேன். இந்தப் பதிவு ஏதாவது கருத்தை நண்பர்களுடன் பகிர்ந்துகொள்ளும் விதத்தில் இருக்க வேண்டும் என்று சிந்தித்ததால் தாமதம். (உமக்குதான் சிந்தித்து எழுதுவது வரலியே விட்டுருங்கனு புலம்புவது கேட்குதுங்க... சரி விதி யாரை விட்டது விசயத்துக்கு வருவோம்) தொழில்நுட்ப தாக்கம் நிறைந்த இன்றைய பரபரப்பான காலகட்டத்தில் நிறைய பயனுள்ளதகவல்கள் ஊடகங்கள் மூலம் உடனுக்குடன் கிடைப்பதால் அவற்றை தட்டச்சு செய்து வலைப்பக்கத்தில் பதிவிடுவதற்கு அதிக முயற்சி எடுக்கவில்லை. (அதற்கு இலட்சத்திற்கும் மேற்பட்டோர் இருப்பதால்.. ஒரு சலிப்புத் தன்மை அம்புட்டுத்தேன்..) அதனால்தான் இவ்வளவு...... நீண்ட......... இடைவெளி. சரி நண்பர்களே... கருத்துக்கு வருவோமா..!!. (ங்கொய்யாலா இன்னும் வரலியா... )

சொன்ன சொல்லையும், எரிந்த கல்லையும், கழிந்த நேரத்தையும் திரும்பப் பெற முடியாது என்பதை உணர்த்தும் ஒரு மிகச்சிறிய கதை ஒன்றை சமீபத்தில் ஒரு தினசரியில் படித்தேன். அது எனக்கு பிடித்திருந்ததால், கொஞ்சம் எழுத்து நடையை மாற்றி சிலமாற்றங்கள் செய்து நண்பர்களுடன் பகிர்ந்துகொள்ளலாம் என்பதற்கே இப்பதிவு.

வழிப்போக்கன் ஒருவன் நீர்பாய்ந்தோடும் ஆற்றின் கரையில் இரவு நேரம் தங்க நேர்ந்தது. அவன் கைகளுக்கருகில் பை நிறைய கற்கள் இருந்தன. பொழுது போகாததால் அவற்றிலிருந்த கற்களை ஒவ்வொன்றாக எடுத்து ஆற்றில் வீசினான். விடிந்தும் விட்டது. கடைசியாக இருந்த கல்லை வீசுவதற்கு முன் ஒருமுறை உற்றுப்பார்த்தான். இது பளபளப்பாக இருந்தது. உற்றுநோக்கியதில் அது வைரக்கல் என்று தெரிந்தது.

”வைரக்கற்கள் என்று தெரியாமல் பை நிறைய இருந்த கற்களை ஆற்றில் வீசி இழந்துவிட்டோமே..”!! என்று அந்த வழிப்போக்கன் வாழ்நாளெல்லாம் வருத்தப்பட்டான். (இதற்குமேல் வருத்தப்பட்டு என்ன பிரயோசனம்).

நேரமும் நம் கைகளில் இருக்கும் வைரக்கற்கள்தாம். நாம் அதை ”வீசி எறிகிறோமா”..!!! ”போற்றிப் பாதுகாக்கிறோமா”...!!! என்பது நம் கைகளில் தான் உள்ளது. (அதானால் கைகடிகாரத்தை மணிக்கட்டில் கட்டச் சொல்கிறார்களோ...!!!.) ஒவ்வொரு நொடியையும் முழுமையாக செலவழித்தால் ஓராண்டில் இரண்டு ஆண்டுகளைக்கூடத் திணிக்க முடியும்.

(எங்க இப்பொழுதெல்லாம் அலைபேசியிலும் கணினியிலும்தான் நேரமே போகிறது...!!! வேலை வேலை என உயர்அலுவலர்கள் நன்றாகவே திணிக்கிறார்கள்.... ஹி... ஹி... ஹி....)

நாளை செய்யலாம் என்று செய்ய வேண்டியவற்றைத் தள்ளிப் போடுபவர்கள் ஒன்றை உணரலாம். நாளை என்பது வருவதே இல்லை. அப்படி வரும்போது அது இன்றாகவே வருகிறது.

கனிமொழியும், கணினிமொழியும் - ஓர் ஒப்பீடு

2010-08-13T19:08:00.006+05:30

பதிவுல நண்பர்கள் அனைவருக்கும் வணக்கம்...!

தமிழ்வாழ்க தமிழன்வளர்க என்று தலைப்பை வைத்து விட்டு தமிழைப்பற்றியும் எழுதாமல் தமிழனைப்பற்றியும் எழுதாமல்... (என்னத்த எழுதறது ஏதாவது தெரிந்தால்தானே) மாதத்திற்கு ஒரு முறை வரும் அமாவசை, பௌர்ணமி போல எப்பொழுதாவது பதிவும், பின்னூட்டமும்.. போட்டு நானும் ஒரு வாசகப்பதிவர்தான்னு தக்கவைத்துக் கொள்வதை தெரிந்தும், என்னையும் நம்பி பின்தொடர்பவர்களுக்கும், என்னை நிறைய எழுதுங்க.. அப்பப்ப.. வலைப்பக்கத்தை அப்டேட் பண்னுங்க என்று பின்னூட்டம் அளித்து ஊக்கமளிக்கும் சக பதிவுலக நண்பர்களுக்கும் எமது நன்றியினை தெரிவித்துக் கொள்கிறேன்.
இப்பதிவு தமிழ்பழமொழிகளை வைத்து வலைப்பக்கம் (பிலாக்) குறித்த எமது சொந்த ஒப்பீட்டு கருத்துகளே..! ஏதாவது குறைபாடுகள் இருந்தால் சுட்டிக்காட்டவும். அடுத்த முறை மாற்றிக் கொள்கிறேன். சரி பதிவுக்கு வருவோம். பழம்பெருங் காலத்தில் கூறப்பட்ட (பழமை+மொழிகள்) பழ(கனி)மொழிகள் அனைத்தும் இன்றைய வலை(கணினி) மொழிக்கு எவ்வாறு ஒத்துப்போகிறது என்று நீங்களே படித்துக்கூறுங்கள். (ஆங்கில கலப்பின்றி தூய தமிழில் எழுதவில்லை என யாரும் தவறாக நினைக்க வேண்டாம்... சில செய்திகள் இயல்பாய் சொன்னால்தான் நல்லா இருக்கும். மேலும் இப்பதிவு படிப்பதற்கு மட்டுமே ஆராய்ச்சிக்கு அல்ல....)

1.காற்றுள்ள போதே தூற்றிக் கொள்..!
நேரம் கிடைக்கும் போதே பதிவை எழுதிக் கொ(ல்)ள்..!

2.சுடர் விளக்காயினும் தூண்டுகோல் வேண்டும்.
என்னதான் பிரபல பதிவரா இருந்தாலும்.... வாசகருடைய ஓட்டும், காமெண்ட்ஸ்ம் தான் பெரிய ஹிட்ஸ் கொடுக்கும்.

3.அகத்தின் அழகு முகத்தில் தெரியும்.
பதிவின் அழகு டெம்ப்ளேட்டில் தெரியும்.

4.அளவுக்கு மிஞ்சினால் அமுதமும் நஞ்சு
அதிக ஓட்டு வாங்கி, குறைந்த அலெக்ஸா டிராபிக் வாங்கி, ரொம்ப பிரபலமானாலும் ஐ.பி முகவரிக்கு ஆட்டோவும், பிலாக் பாஸ்வேர்ட் ஹேக்கிங்கும் செய்யப்படும்.

5.சுவர் இருந்தால் தான் சித்திரம் வரைய முடியும்
அதிக திரட்டிகளில் இணைத்தால் தான் பிரபல பதிவராக முடியும்.

6.விளையும் பயிர் முளையிலேயே தெரியும்.
இன்றைய மொக்கைப்பதிவர்களே.. நாளைய சிறந்த பதிவர்கள் (எழுத்தாளர்கள்).

7.உப்பிட்டவரை உள்ளளவும் நினை
ஓட்டு, காமெண்ட் போட்டவரை பிரபலபதிவரானுலும் நினை.

8.சிறு துரும்பும் பல்குத்த உதவும்
சிறிய :-) பின்னூட்டமும்.. பெரிய ஊக்கம் தரும்.

9.புலி பசித்தாலும் புல்லைத் தின்னாது.
என்னதான் பதிவு நல்லாயிருந்தாலும்.. சில பிரபல பதிவர்கள் கமெண்ட்ஸ்ம் ஓட்டும் போடவே மாட்டாங்க....

10.நோயற்ற வாழ்வே குறைவற்ற செல்வம்.
அதிக கேட்ஜட் இல்லாததே.... வலைப்பக்கத்தை வேகமாக திறககும்...

11.தொட்டில் பழக்கம் சுடுகாடு மட்டும்
இமெயில், சாட்டிங், பிலாக் பழக்கம் பிரவுசிங்சென்டர், இன்டர்நெட்டே கதியன மாற்றும்.

12.உழுதவன் கணக்கு பார்த்தால் உழக்குக்கூட மிஞ்சாது
ஓட்டும், கமெண்ட்ஸ்ம் போட்ட வாசகர்கள் பதிவை முழுசா படிச்சா... ஒருசில பதிவுகள் ஒன்னும் தேராது. (என்னுடைய பதிவுகளைப் போல)

13.செக்களவு பொன் இருந்தாலும்
செதுக்கித் தின்றால் எத்தனை நாள் வரும்?.
எழுதுவதற்கு நிறைய பயனுள்ள தகவல்கள் இருந்தாலும் ஒரே மாதிரியான பதிவுகளையே பல பதிவர்கள் எழுதினால் எத்தனை பதிவுகள்தான் எழுத முடியும்?.

14.நொருங்கத் தின்றால் நூறு வயது
பல்லைக்கடிச்சிக்கினு இது போன்ற பதிவுகளை படித்து.. ஓட்டும், கமெண்ட்ஸ்ம் போட்டால் எப்பவும் நீங்க பிரபல பதிவர்தான்.
(ஓட்டும், கமெண்ட்ஸ்ம் வாங்க இப்படி ஒரு ஐஸா..)

15.அடிமேல் அடிவைத்தால் அம்மியும் நகரும்.
உடனுக்குடன் ஓட்டும், காமெண்ட்ஸ்ம் போட்டால் உங்க பதிவும் பிரபல பதிவுதான், நீங்களும் பிரபல பதிவர்தான்.

(இதெல்லாம் ஒரு (பொழப்பா)பதிவானு கூட கேட்கத்தோனும் உங்க கோபம் நியாயமானதுதான் வாங்க வந்து பின்னூட்டத்தில பின்னுங்க... இது வலையல்லவா அதனால்....!! )

* * * * * * *

கண்ணீர்னா ரொம்ப பிடிக்குமாம்..!!

2010-07-19T10:42:00.001+05:30

வணக்கம் நண்பர்களே..!
மடகாஸ்கர் பகுதியில் தூங்கும் பறவையின் கண்களிலிருந்து, கண்ணீரை குடிக்கும் ஒருவகை அந்துப் பூச்சியை ஆராய்ச்சியாளர்கள் கண்டுபிடித்து உள்ளார்களாம். பொதுவாக மான் போன்ற பாலூட்டிகளின் கண்களிலிருந்து அந்துப் பூச்சிகள் கண்ணீரை குடிக்குமாம். விலங்குகள் பூச்சிகளை விரட்டுவதில்லை.
ஆனால், முதல் முறையாக பறவையின் கண்களிலிருந்து, அந்துப் பூச்சி கண்ணீர் குடிப்பதை ஆராய்ச்சியாளர்கள் இப்போது கண்டுபிடிதுள்ளனராம்.

அந்துப் பூச்சி கண்களை மூடிக்கொண்டு தூங்கும், பறவைகளின் கண்களிலிருந்து தும்பிக்கை போன்ற உறிஞ்சும் அவயத்தை பயன்படுத்தி, கண்ணீரை குடிக்கிறது.
இது தூங்கும் பறவையை தொல்லை செய்வதில்லையாம். அந்துப் பூச்சிக்கு தேவையான உப்பு கண்ணீரிலிருந்து கிடைக்கிறது என்று ஆராய்ச்சியாளர்கள் கூறுகின்றனராம்.
இத்தகவல் தினமலர் சிறுமலரில் படித்தது என்பது குறிப்பிடத்தக்கது. இதுபோன்ற வித்தியாசமான தகவல்களை நண்பர்களிடம் பகிர்ந்துகொள்ள வேண்டும் என்பதற்காகவே இப்பதிவு.
இதுபோன்ற வித்தியாசமான, புதுமையான மற்றும் வியக்கவைக்கும் தகவல்களைப்பற்றி மேலும் அறிந்திட நண்பர் பனித்துளிசங்கர் வலைப்பக்கத்தில் காணலாம்.
* * * * * ** * * **

குறுஞ்செய்தி மொக்கைகள் - சிரிக்க.. சிந்திக்க..

2010-07-07T20:16:00.001+05:30

முன் குறிப்பு: இந்த பதிவு முழுவதும் மொக்கை என்பதால் பிடிக்காதவர்கள் படிக்க வேண்டாம். மேலும் ஆங்கிலத்தில் வரும் எஸ்.எம்.எஸ்களை தமிழில் மொழி பெயர்த்து நமது செந்தமிழில் நண்பர்களுடன் பகிர்ந்துகொள்ளவேண்டும் என்பதற்க்காகவே. உங்களுக்கு ஏற்கனவே இதுபோல் ஆங்கிலத்தில் குறுஞ்செய்தி வந்து இருக்கலாம். நமது தமிழில் எழுதி பார்க்கும் போதும் கொஞ்சம் மகிழ்ச்சி அதற்காகத்தான் இப்பதிவு

1.மரண மொக்கை - (குறுஞ்செய்தியில் வந்தது)

ஒரு ஊருல மொக்கசாமினு ஒருத்தன் இருந்தான். அவன் கடவுளை நினைத்து வரம் வேண்டி பயங்கரமா தவம் இருக்க, கடவுளும் அவன் மீது இரக்கப்பட்டு கண்முன் தோன்றி ”என்ன வரம் வேண்டும் கேள்”..! என்றார்.

இவன் இனி எனக்கு ”சாவே” வரக்கூடாது என்ற வரம் கேட்டான். அப்படியே ஆகட்டும் எனக்கூறி கடவுளும் சிரித்துக்கொண்டே மறைந்து விட்டாராம்..!

பிறகு இவன் வீட்டிற்கு புறப்பட்டு போகும் போது வழியில் ஒருவன் இவனைப் பார்த்து உன் பெயர் என்ன கேட்க, இவன் ”மொக்கமி” என்றானாம். பாவம் அவனுக்கு கடைசி வரை ”சா”வே” வரலையாம்.

* * * * * * * * * *

2.நேரம் கேட்டது பெரிய குற்றமா?

ஒருமுறை வயதான பெரியவர் ஒருவர் தொடர்வண்டிககு காத்திருந்தார். அருகில் இளைஞன் ஒருவன் நீண்ட நேரம் நின்றுகொண்டிருந்தான். பிறகு பெரியவரிடம் ஐயா..! மணி என்ன ஆகிறது என்று கேட்டான். பெரியவர் கவனிக்காததுபோல் பதிலளிக்காமல் திரும்பிக்கொண்டார். இவனும் விடாமல் தொடர்ந்து கேட்டுக்கொண்டே இருந்தான். ஒரு கட்டத்தில் பொறுமையிழந்து அவரிடமே கேட்டுவிட்டான் ஐயா நான் இவ்வளவு நேரம் கேட்கிறேன் ஒரு பதிலும் சொல்லாமல் என்னை அவமதிப்பதுபோல் இருக்கீங்களே.? அது ஏன் என்று வினவினான். அதற்கு அவர் முதலில் நேரம் கேட்பீங்க, பிறகு முகவரி கேட்பீர்கள் பிறகு நல்லா பேசி பழகிட்டோமே என்று பக்கத்து இருக்கையில அமருவீங்க, நான் இறங்கும்போகும் நிறுத்தத்தில் என் மகள் என்னை அழைத்துச் செல்ல வருவாள். நீ.. அவளை பார்த்து அழகுல மயங்கி வழிவ.. பிறகு தொல்லை பண்னுவ, பின்தொடருவ.., காதல்னு தொந்தரவு பண்ணி திருமணம் வரை கொண்டு வந்துவிடும், அவளும் ரொம்ப நல்லவன்னு உன்னையதான் கட்டிப்பனு அடம்பிடிப்பா, முதல்ல ஒரு கைகடிகாரமாவது வாங்குங்க..! இப்படி கைக்கடிகாரம்கூட வாங்க முடியாத ஏழை பையனை மருமகனாக அடைய விரும்பல...???!!!

* * * * * * * * * *

3.சந்திப்புகள்

ஒரு இடத்தில் கணினி மென்பொருள் பொறியாளரும், இன்னொரு கணினி மென்பொருள் பொறியாளரும் சந்தித்துகொள்கிறார்கள்.

மற்றொரு இடத்தில் ஒரு பிச்சைக்காரரும் இன்னொரு பிச்சைக்காரரும் சந்தித்துகொள்கிறார்கள்.

இவர்களில் ஒருவர் மற்றவரை பார்த்து கேட்ட கேள்வி.

நீங்க எந்த பிளாட்பாரத்துல வேலை செய்யுறீங்க...???

* * * * * * * * * *

பின்குறிப்பு: இது போன்று மொக்கை குறுஞ்செய்திகளை தங்களுடன் பகிர்வது குறித்து தங்கள் கருத்தை அறிய ஆவல்.

* * * * * * * * * *

என்றென்றும் நீ என் இதயத்தில்..!

2010-06-30T10:45:00.000+05:30

பெண்ணே..!

என் கண்களில் உன்நினைவுகளின் உருவம்

உலக உருண்டைபோல் சுழல்வதால்,

உயிர் கண்மணிகள் இரண்டும்

சொர்க்கமொன்றும் நரகமொன்றுமாய்,

மாறி மாறி உன் நினைவுகளால் கொல்கிறது..!

நீ விரும்புவதுபோல் நடித்தபோது

சொர்க்கத்தில்...! - அது பொய்த்தோற்றமிட்ட

கானல்நீரென உணர்ந்த போது நரகத்தில்...!

இருப்பினும் ஏனோ தெரியவில்லை..??!!

என்றென்றும் நீ என் இதயத்தில்..!
* * * * * * * * *

சில விஷயங்கள் யாராலும் மாற்றவே முடியாது..!

2010-06-21T10:16:00.001+05:30

முடியாது..!

சில விஷயங்களை யாராலும் மாற்றவே முடியாது..!

1.காலிங்பிளவரை தலையில் வச்சிக்க முடியாது..!

2.கோல்டுபில்டரை அடகுவைக்க முடியாது..!

3.கோல மாவுல தோசை சுட முடியாது..!

4.மழையா பேய்ந்து வெள்ளமா போனாலும்

குளிர்ஜொரத்தில குளிக்க முடியாது..!

5.இதுபோன்ற வீணாப்போன குறுஞ்செய்தி

(எஸ்.எம்.எஸ்) வந்தாலும் நம்மலால

படிக்காமா இருக்க முடியாது.!

6.படித்துட்டு பிடித்திருந்தால் நண்பர்களுக்கு

முன்அனுப்பு (பார்வாட்) பண்ணாம இருக்கமுடியாது..!

7.பிடிக்கலைனாலோ உள்பெட்டி(இன்பாக்ஸ்)

நிரம்பிவிட்டாலோ அழித்தல் (டெலிட்)

பண்ணாம இருக்கவே முடியாது.!

8.இப்படி (எஸ்.எம்.எஸ்)-ல வந்த மொக்கைகளையும்,

சிரிப்புளையும், சிந்தனைகளையும் படித்தபின்

நண்பர்களிடம் பகிர்ந்துகொள்ளாமல்

என்னைப்போன்று நிறைய நண்பர்களால்

இருக்கவே முடியாது..!! நீங்க.. எப்படி..!!???

* * * * * * * * * *

காதலின் எதிரியாய்...!

2010-05-20T10:24:00.006+05:30

காதலும் நெல்லிக்கனியும் எதிரிகளே..!

எப்படித் தெரியுமா..?
பித்தத்தை சமன்படுத்தும்
நெல்லிக்கனியும் - அதனை
அதிகரிக்கச் செய்யும்

காதலும் எதிரிகள் தானே..?!!

(VS)

நெல்லிக்கனி முன்னால் கசந்து
பின்னால் இனிக்குமாம்..!

காதலோ முன்னால் இனித்து

பின்னால் கசக்குமாம்..!
காதலின் எதிரியாய்...!
* * * * * * * *

சிந்தனையால் கிடைக்”கலாம்”..!

2010-05-14T09:40:00.113+05:30

சிந்தனைகள்

சிந்தனை விதைகள் சரியாக

சிதறினால் சிற்பமும்
கிடைக்”கலாம்”..!

கவிதையும் கிடைக்”கலாம்”..! - ஏன்

இன்னொரு ”அப்துல்கலாமும்"
கிடைக்”கலாம்”..!?

* * * * * * * *

வேகத்திலும் விவேகமாய்...!

நீ எவ்வளவு ”பொறுமை”யாய்

செயல்களல் செயல்படுகிறாயோ..

அதற்கேற்ப ”காலம்” வேகமாச் செல்லும்

நீ வி”வேகமாய்” செயல்பட்டால்

காலம் பொறுமையாகச் செல்லும்..!

”காலம்” எதற்க்குமே நிகரற்ற

காலத்திற்கு நிகரானது..!

* * * * * * * *

குறிப்பு. இந்த வரிகள் நான் காலத்தையும், சிந்தனையையும் சரியாக பயன்படுத்த வேண்டும் என்பதற்காக என் மனசாட்சி எனக்காக எழுதியது. நண்பர்களே..! உங்களுக்கும் பிடித்திருந்தால் கருத்துக்களையும், ஓட்டுகளையும் பதிவு செய்யுங்கள். நன்றிகளுடன் வலைப்பதிவு வாசகன்.

இவர்களே சாதனையாளர்களாய்....!

2010-04-27T11:11:00.001+05:30

சாதனையாளர்களான - இவர்கள்

தோல்வி படிக்கட்டுகளை மிதித்தே

சாதனை மேடைகளிலும்..

சரித்திர பாடங்களிலும் இடம்பெற்றனர்.

இவ்உலகத்தில் எவராலும் முடியாதது

இவரால் முடியும்! - ஆனால்

இவரால் முடியாதது,

எவராலும் முடியாது!

இவரின் விலகாத விடாமுயற்சி,

தளராத தன்னம்பிக்கை,

அயராத கடின உழைப்பு,

இம்மூன்றால் அசைக்க முடியாத

வெற்றியை எளிதாக பெற்றிடும்

இவர்களே சாதனையாளர்களாய்....

தொடர்கின்றனர்.....!

ஏன் அந்த இவர்களாய்

நாம் இருக்கக்கூடாது

நண்பர்களே?

காலமே உன் உயிர்

2010-04-22T10:35:00.001+05:30

நண்பா!

இருக்கும் காலங்களை

இருட்டில் தொலைக்காதே..!

தொலைத்தால் மீண்டும்

”இழந்தகாலம்” கிடைக்குமா..?

கிடைத்தால் ”இறந்தகாலம்”

மீண்டும் நடக்குமா..!?

அனைத்தையும் தெரிந்துகொள்.!

மனிதர்களை புரிந்துகொள்.!

உலகத்தினை அறிந்துகொள்.!

நீ எடுத்த வைக்கும்

ஒவ்வொரு அடியும்

சாதனைகளுக்கு

அடித்தளமாகட்டும்..!

சாதனைகளுடன்....

உன் வாழ்க்கைப்பயணம்

தொடரட்டும்.......!

பேருந்துக் காதல்..! - தொடர் பதிவு

2010-04-01T20:40:00.005+05:30

அனைத்து வலைப்பதிவு நண்பர்களுக்கும் வணக்கம். ”பேருந்துக் காதல்” தலைப்பே கொஞ்சம் விவகாரமாகத்தான் இருக்கு. தொடர்பதிவு எழுதிட பிரபலபதிவர்கள் வரிசையில் எப்பொழுதாவது பதிவிடும், வலைப்பதிவு வாசகனாய் இருந்த என்னையும் சேர்த்து வாய்ப்பு கிடைத்தால் அனைவரும் பிரபலம்தான் என ஊக்குவித்து இங்கு என்னை அழைத்த எமது அருமை நண்பர் பனித்துளி சங்கர் அவர்களுக்கு எனது நெஞ்சார்ந்த நன்றியினை இந்த வாய்ப்பின் முலம் தெரிவித்துக் கொள்கிறேன்.

இந்த தொடர் எங்கே ஆரம்பித்தது என்றும் தெரியல...? எங்கே முடியும் என்று தெரியல...? தொடர் பேருந்தாய் போகிறது....! (அதெல்லாம் உமக்கு எதற்கு அதான் தொடர் பதிவுனு சொல்லிடோம்ல பிறகு எதற்கு ஆராய்ச்சினு மனசுக்குள்ளே திட்டுவது கேட்குது) சரி விஷயத்திற்கு வருகிறேன். இதை எதற்கு கூறுகிறேன் என்றால் அதில் பயணியாக இருந்து பதிவுகளை வாசித்து வந்த என்னையும் ஒரு நாள் ஓட்டுனராகவும், நடத்துனராகவும் இருந்து எமது பயண எண்ணங்களை பகிர்ந்து கொள்ளும்படி நமது நண்பர் கேட்டுக்கொண்டதற்கு இணங்க... எமது கற்பனை குதிரையை தட்டி விடுகிறேன். அது தறி கெட்டு ஓடினாலும் நீங்க ஓடாதீங்க.... (ஆமா இப்படியெல்லாம் மொக்க போட்டால் ஓடாம என்ன செய்ய..?)

நமது நண்பர் ஒருவர் கல்லூரிச் சென்ற போது அவரது அனுபவத்தை நம்முடன் பகிர்ந்து கொண்டார். கல்லூரிக்குச் சென்ற முதல் இரண்டு ஆண்டுகள் அடிக்கடி பார்த்தாலும் பேசியதேயில்லை... மூன்றாவது ஆண்டின் இறுதிகட்டத்தில்தான் எப்படியும் முடிவு தெரிந்து கொள்ளும் ஆவலுடன் ஒவ்வொரு நாளையும் கழித்தான். இப்படியே நகர்ந்தது அவனது பேருந்தில் ஒருதலை காதல் பயணம்.

வழக்கம் போல் அவன் அன்று கல்லூரிக்குச் செல்ல புறப்பட்டான். கூட்டம் நிறைந்த பேருந்தில் எப்படியோ முண்டியடித்து முன்னேறி உள்ளே சென்றுவிட, சிறிதுநேரத்தில் மற்றொரு பேருந்து நிறுத்தம் வந்தது. உள்ளே வந்ததும் சுற்றும் முற்றும் தேடினான். கடைசி இருக்கைக்கு முன்புறம் சன்னல் ஓரம் அவள் அமர்ந்திருந்தாள். அவளருகில் அமர்ந்திருந்த ஒருபெண் இறங்குவதற்கு எழுந்துவிட, இரண்டு பேர் அமரும் அந்த இருக்கையில் ஒரு இருக்கை யாரும் உட்காராமல் காலியாகதான் இருந்தது. மேலே பார்த்தான் மகளிர்க்காக... என்று எழுதப்பட்டிருந்தது. அவன் பயந்த முகத்துடனும், காதல் பார்வையுடனும் அவள் அருகே சென்று ஏதாவது பேச்சுக்கொடுத்து பேசலாம் என எண்ணினான்.

அப்போது அவள் சிரித்த முகத்துடன், வாங்க.. உட்காருங்க..! என்றால் இவன் பரவாயில்லை இருக்கட்டும்..! என்று பெருமிதமாக கூறினான் உள் ஆசைகளை மறைத்து. அவள் பரவாயில்லை உட்காருங்கள் என்று கையை பிடித்து இழுத்து உட்கார வைத்தாள் அவனுக்கு உள்ளுர கொஞ்சம் தெம்பு வந்தது. தன் காதலை சொல்லி விடலாம் என வாயெடுத்தான் அதற்குள் அவள் தன் கைப்பையிலிருந்து நான்காக மடிக்கப்பட்ட ஒரு கடிதத்தை எடுத்தால்... அவனுக்கு தூக்கி வாரிபோட்டது அக்கடிதம் அவள் காதலை அவனிடத்தில் சொல்வதற்கு எழுதப்பட்டது என நினைத்து இவன் கற்பனையில் மிதந்தான்.

இவனது கை கால்கள் கொஞ்சம் பயத்திலும் ஆர்வத்திலும் நடுநடுங்கியது. வடிவேலு காமெடி நினைவுக்கு வந்தது. ”Building Strorngu But Basement கொஞ்சம் Weak அது இததானோ...”! என்று புன்முறுவலுடன் நினைத்துக்கொண்டான். அப்பொழுது அவள் கூறினால் ”ஆச்சுவேலி எனக்கு தமில் சரியா வராது” சோ. ”நீங்க தப்பா நினைச்சுக்காதீங்க..ப்ளீஸ்..! கொஞ்சம் இந்த லெட்டரை கரைக்சன் பண்ணிதரீங்களா..!” நீங்க தமில்ல நல்லா தப்பு இல்லாம எழுதுவீங்களாமே..! நம்ப ப்ரண்டஸ்ங்க... சொன்னாங்க.. அதான் உங்ககிட்ட கேட்டேன் என்றால் கூலாக....! அவன் அக்கடித்தை படித்து பார்த்தான். நிறைய ர,ற கர, ன,ண கர மற்றும் ல,ள கர பிழைகள் துணைக்கால் எழுத்து (உதாரணம் உங்கலை கதாளிக்கிரேன்) மாற்றி போடப்பட்டு என பல பிழைகள் இருந்தது.

ஆனால் அவன் கூறினான் இதை யாருக்கு எழுதீனிர்களோ..! அவர்களுக்கு இது நிச்சயம் புரியும். அதனால் நீங்க இதை இப்படியே அவர்கிட்ட கொடுங்க.. ஒருவேளை அவருக்கு புரியல்லை என்றால் பெயரை மட்டும் அடித்து எழுதிவிட்டு என்கிட்ட மீண்டும் கொடுங்க.. நான் காத்திருக்கிறேன் என்று நாசூக்காக சொன்னான். (மறைமுகமாக தன் காதலை சொன்ன திருப்தியுடன்..) அதற்குள் அவன் இறங்க வேண்டிய நிறுத்தம் வந்ததால் இறங்கி சென்றுவிட்டான். (நல்வேளை இறங்கிவிட்டான் இல்லையெனில் என்ன ஆகி இருக்குமோ..? ஹி.. ஹி.. ஹி..)

அன்று முதல் இன்று வரை யாராவது சன்னல் ஓரம் அமர்ந்திருந்தாலோ... பயணச்சீட்டு எடுப்பதற்கு கைப்பையில் இருந்து பணம் எடுத்தாலோ... அவனுக்கு இந்த நினைவுகள்தான் வருவதாக.. அடிக்கடி புலம்புவான். சரி நண்பர்களே ரொம் போர் அடிக்க வைத்துவிட்டோனோ..??!! இது போன்ற அனுபவங்கள், புலம்பல்கள் தங்களுக்கோ, தங்கள் நண்பர்களுக்கோ ஏற்பட்டு இருந்தாலோ...! அல்லது பார்த்து ரசித்து இருந்தாலோ நீங்க நம் நண்பர்களுடன் பகிர்ந்து கொள்ள கேட்டுக்கொள்கிறேன். தற்போதைக்கு இப்பதிவினை தொடர்பதிவாக எழுதிட நமது கீழ்கண்ட நண்பர்களை அவர்களின் வாசக நண்பர் என்ற முறையில் நட்புடன் அழைக்கின்றேன்.

தேவன்மாயம்
கிரி
சைவகொத்துபரோட்டா
சென்னைத்தமிழன்

நட்பின் பிரிவு

2010-03-08T20:33:00.004+05:30

“நட்பு மலர்கள்” பிரிவால்

வாடினாலும் அதன் “வாசம்”

என்றும் இதயத்தில் வீசும்...!

சிறகில்லா பறவையும்,

சிறகடித்து பறப்பதென்றால்

“நட்பு” எனும் இறகுகள்

இருப்பதினால் மட்டுமே...!

பாலில் கலந்த நீரைப்போல

எம்இரத்தித்தில் கலந்தது நம் நட்பு..!

பால்நீரிலிருந்தும் பாலை மட்டும்

பிரித்திடுமாம் அன்னப்பறவை...!

எம்இரத்தத்திலிருந்து

நம்நட்பை பிரிப்பதென்றால்...

எம்உயிர் இவ்வுலகை விட்டு

பிரிந்தால் மட்டுமே...!!

எமது கற்பனை கவிதைகள்-2

2010-02-20T11:34:00.001+05:30

மொழி..!

என்னவள் பேசும் "தமிழ்" அமுத மொழி..!

எப்போதாவது பேசும் "ஆங்கிலம்" கணினி மொழி..!

என்னிடம் பேசுவது "மௌன மொழி"..!

இருவரும் பேசுவது "காதல் மொழி"..!

உச்சரித்துப் பேசினால் "கனிமொழி"..!

உதடுகளால் பேசினால் "தேன்மொழி"..!

எதிர்கால உலகத்தில் பேசப்படும்

"முதல் மொழி" என்னவளின் "பழம்பெரும் செம்மொழி"

அதுவே அனைவருக்கும் "செந்தமிழ் மொழி"..!

கனவுகள்...!

நண்பர்களே ! கனவு காணுங்கள்....!

என்னைப்போல் கனவுகளில்

கன்னி அவளை காணாதீர்,

நினைவுகளை பெருக்கிடுவாள்...!

நீராய், கானல் நீராய்... மறைந்திடுவாள்..!

பொய்த்தோற்றம் போட்டுடுவாள்...!

பொல்லாதவனாய் உன்னை ஆக்கிடுவாள்...!

ஆழ்வாராய் இருப்பவனையும்,

போக்கிரியாய் மாற்றிடுவாள்...!

படித்ததில் மிகவும் பிடித்த புத்தகம்

2010-01-14T18:39:00.007+05:30

படிப் படியாய் படி! புத்தக ஆசிரியரைப் பற்றி:

டாக்டர்.இரா.ஆனந்த குமார் இ.ஆ.ப.
தமிழார்வமும் தன்னம்பிக்கையும் நிரம்பிய இளைஞர்.கவிதைகளின் காதலர்; கருத்துக்களின் கருவூலர். படிப்பை சுமையாய் நினைக்கும் இளைய தலைமுறைக்கு அதை சுகமாய் மாற்றும் கலையை இந்நூலில் கற்றுத் தருகிறார். கேலி சித்திரங்களுடன், தோழைமை உணர்வோடு பேச்சு நடையில் ஆழ்ந்த கருத்துக்களை அடுக்கிச் சொல்லும் புத்தகமாக இந்நூல் வடிவம் பெற்றுள்ளது.

சுயசரிதைக் குறிப்புகளுடன் கூடிய சுய முன்னேற்றப் புத்தகமாக மலர்ந்துள்ள இந்நூல் இளைய தலைமுறைக்கு பிடித்த ஓர் இளம் எழுத்தாளரை அறிமுகப்படுத்துகிறது எனலாம். இந்நூல் வதம்பசேரி கிராம பள்ளியில் கரி அரைத்ததிலிருந்து பின்லாந்தில் பனி உடைத்தது வரை இவரின் அனுபவங்களை பதிவு செய்கிறது.

அன்பார்ந்த வலைப்பதிவு நண்பர்களே!

இங்கு க்ளிக் செய்து படிப் படியாய் படி! நூலை மின் புத்தகமாக படிக்கவும், பதிவிறக்கம் செய்து கொள்ளவும், தங்களுக்கு இந்நூல் பிடித்திருந்தால் தங்கள் நண்பர்களுக்கு தெரிவிக்கவும் கேட்டுக்கொள்கிறேன்.

இப்புத்தகத்தை புரட்டும் வகையில் இங்கே படிக்கலாம்.

எமது கற்பனை கவிதைகள்-1

2010-01-02T19:44:00.004+05:30

நினைவலைகள்..!

பெண்ணே !
உன் கனவுகளே இல்லையென்றால்
என்றோ நான் கண்மு்டியிருப்பேன் !
உன் நினைவுகளே இல்லையென்றால்
என்றோ நான் வீழ்ந்திருப்பேன் !
உன்னை காணாமல் இருந்திருந்தால்
எங்கேயோ காணாமல் போயிருப்பேன் !
உன் நினைவால் என் நினைவில்லை !
என்றுமே என்னில் உன் நினைவலை !
உன் நினைவுகள் என்னை நிழலாய் பின்தொடர்ந்தாலும்
உண்மை நிலையில் என் உள்ளத்தில் உன் உருவம் என்னில் கலந்ததால்
நீ இன்றி என் நிழலில்லை ! உன் நினைவின்றி நான் இல்லை !

*****************
சிரிப்பு...!

மௌனக் கதவுகள் இசைந்து திறக்கும் பொழுதும்...
செவ்"வாய்" இதழ்கள் அசைந்து மலரும் பொழுதும்...
பூக்கின்ற பூவே சிரிப்பு...!

*****************
நண்பர்களின் வருகைக்கு நன்றி!
மீண்டும் வருக!
தங்கள் கருத்துகளையும்,
ஓட்டுகளையும்எதிர்பார்த்து
பிரியமுடன் பிரவீன்குமார்.
******************

எமது கற்பனை கவிதைகள்!

2009-11-28T18:19:00.007+05:30

என் வலை உலக தமிழ் நண்பர்களே!
உங்கள் அனைவருக்கும் வணக்கம்!
மிக நீண்ட நாட்களுக்கு பிறகு பதிவிட்டுளேன்
பிடித்திருந்தால் உங்கள் கருத்துகளையும்,
ஓட்டுகளையும் பதிவு செய்யுங்கள்!
இப்படிக்கு வலைப்பதிவு வாசகன்.

பெண்ணே !

உன் ஓரப்பார்வை அம்புகளால் தாக்கப்பட்டு

காயம்பட்ட வேடன் நான் !

உன் காந்தப்பார்வை வலை வீச்சீல்

மாட்டித்துடிக்கும் மீனவன் நான் !

உன் நினைவுகளுடன் உருகி,

உனக்காகவே வாழ்ந்து,

கனவுகளுடன் காத்திருக்கும் மூடன் நான் !

***********

பெண்ணே !

மரங்களுக்கு மழைக்காலம் போல்

பறவைகளுக்கு குளிர்காலம் போல்

விலங்குகளுக்கு கோடை காலம் போல்

உன்னை நினைக்கும் ஒவ்வொரு காலமும்

என்னில் வசந்த காலம் ! ஆனாலும்

நீ என்னிடம் பேசியது இறந்தகாலம் !

நான் எனக்குள் பேசுவது நிகழ்காலம் !

உன் நினைவுகளால் என்னாகுமோ என் எதிர்காலம் !

*************

பெண்ணே !

உன் நினைவுகளின் வரவு என்னை விட்ட நீங்காத செலவு !

உன்னால் தன்னம்பிக்கையை என்னுள் கூட்டிக்கொள்கிறேன் !

உனக்கு பிடிக்காததை என்னில் கழித்துக்கொள்கிறேன் !

உன்னை நினைத்தே என் திறமையை பெருக்கிக்கொள்கிறேன் !

உனக்காகவே என் வாழ்க்கையை வகுத்துக்கொள்கிறேன் !

என்றும் உன்னை எனக்கு 100 சதவீதம் பிடித்திருப்பதால்.....!

*************
நண்பர்களின் வருகைக்கு நன்றி!
மீண்டும் வருக!
தங்கள் கருத்துக்களை எதிர்பார்த்து
பிரியமுடன் பிரவீன்குமார்.

படித்ததில் பிடித்த தத்துவங்கள் & நகைச்சுவைகள்

2009-09-25T19:11:00.008+05:30

நீ தனிமையில் இருக்கும்போது உனக்கு என்ன என்ன தோன்றுகிறதோ
அதுதான் உன் வாழ்க்கையைத் தீர்மானிக்கும். - விவேகானந்தர்.
=========================
வெற்றி என்பது நிரந்தரமல்ல;
தோல்வி என்பது இறுதியானதுமல்ல!
=========================
ஒரு நொடி துணிந்தால் இறந்துவிடலாம்.
ஒவ்வொரு நொடியும் துணிந்தால் நாம் ஜெயித்து விடலாம்.
=========================
நூறு வார்த்தைகள் வலியை ஏற்படுத்தாது; ஆனால்,
ஒரு நல்ல நண்பனின் மவுனம்
இதயத்தில் அதிகக் கண்ணீரை ஏற்படுத்தும்.
=========================
நல்ல முடிவுகள், அனுபவத்திலிருந்து பிறக்கின்றன;
ஆனால் அனுபவமோ
தவறான முடிவுகளிலிருந்து கிடைக்கிறது. - பில் கேட்ஸ்
=========================
சிக்கல்கள் என்பவை, ஓடும் ரெயிலிலிருந்து பார்க்கும் மரங்களைப் போன்றவை.
அருகில் போனால் அவை பெரிதாகத் தெரியும்.
அவற்றைக் கடந்து சென்றால்
அவை சிறிதாகிவிடும். இதுதான் வாழ்க்கை!
=========================
மேலாளர்: உன் தகுதி என்ன?
சர்தார்: நான் Ph.D
மேலாளர்: Ph.Dன்னா என்ன?
சர்தார்: Passed high school with Difficulty.
=========================
நானும் சரி ஒரு ரவுண்டுதானேன்னு இன்டர்வியூக்குப் போனேன்.
அங்கே 5பேரும்மா.
மாத்தி மாத்தி கேள்வி கேட்டாங்க.
என்னால முடிஞ்ச வரைக்கும் பதில் சொன்னேன்.
திடீர்னு ஒருத்தன் HRக்கு போன் போட்டு
மச்சான் ஃபிரீயா இருந்தா வாடா.
ஒருத்தன் சிக்கியிருக்கான்னு சொன்னான்.

சரின்னு நானும் 4ஆவது மாடிக்குப் போனேன்.
அங்கே 8 பேரும்மா.
அவங்களால எவ்வளவு முடியுமோ
அவ்வளவு கேள்வி கேட்டாங்க.
நானும் எவ்வளவு நேரம் பதில் தெரிஞ்ச மாதிரியே நடிக்கிறது?
அதுல ஒருத்தன் சொன்னான்
இவன் எவ்வளவு கேள்வி கேட்டாலும் சமாளிக்கிறான்டா
இவன் ரொம்ப அறிவாளின்னு சொல்லிட்டாம்மா.
=========================
(தேர்வு அறையில்)

ஆசிரியர்: டேய் என்னடா... கையில் ஃபார்முலா எழுதியிருக்கே?
மாணவன்: எங்க கணக்கு வாத்தியார்தான் ஃபார்முலா எல்லாம் விரல் நுனியில்இருக்கணும்னு சொன்னார்.
=========================
விட்டுக் கொடுங்கள்; விருப்பங்கள் நிறைவேறும்.
தட்டிக் கொடுங்கள்; தவறுகள் குறையும்.
மனம் விட்டுப் பேசுங்கள்; அன்பு பெருகும்.
=========================
அறிவுக்கும் மனசுக்கு சிக்கல் இருக்கும் போது நீங்க மனசு சொல்வதை மட்டும்கேளுங்கள்.

ஏன்னா அறிவு......

சரி விடு. இல்லாததைப் பத்திப் பேச வேண்டாம்.
=========================
ஒண்ணு + ஒண்ணு = ரெண்டு
நீதான் எனக்கு ஃபிரெண்டு.

ரெண்டு + ரெண்டு = நாலு
நீ ரொம்ப வாலு.

மூணு + மூணு = ஆறு
நீ இல்லாம போரு.

நாலு + நாலு = எட்டு
எஸ்எம்எஸ் அனுப்பலன்னா குட்டு.
=========================
நட்பு எனும் கலையானது,
ஒரு நல்ல இசைக் கருவியை வாசிப்பது போன்றது.
முதலில் விதிகளின்படி இந்தக் கருவியை வாசிக்கத் தொடங்க வேண்டும்.
பிறகு விதிகளை மறந்துவிட்டு இதயத்திலிருந்து வாசிக்க வேண்டும்.
=========================
கடவுள்,
நகைச்சுவையுடன் எழுதக்கூடிய ஒரு சிறந்த எழுத்தாளர்.
ஆனால் அவர், நகைச்சுவையுடன் நடிக்கத் தெரியாத
மோசமான நடிகர்கள் பலரைக் கொண்டு தன் நாடகத்தை நடத்துகிறார்.
=========================
30 மாநிலங்கள்
1618 மொழிகள்
6400 சாதிகள்
6 மதங்கள்
6 இனங்கள்
29 பெரிய பண்டிகைகள்
ஒரு நாடு!
இந்தியனாக இருப்பதற்காகப் பெருமைப்படுங்கள்!
=========================
உயிரின் சுவாசம் மூச்சு
கண்களின் சுவாசம் கனவு
இதயத்தின் சுவாசம் துடிப்பு
நாக்கின் சுவாசம் பேச்சு
என் நட்பின் சுவாசம் நீ
=========================
எனக்கு இட்லியைப் பிடிக்காது
தோசையைத்தான் பிடிக்கும்.
ஏன்னா, இட்லி கூட்டமா வேகும்.
தோசை சிங்கிளாத்தான் வேகும்.
கூல்...
=========================
உதவும் கரங்கள்
ஜெபிக்கும் உதடுகளைவிடச் சிறந்தது.
- அன்னை தெரஸா.
=========================
வெற்றி என்பது நிரந்தரமல்ல;
தோல்வி என்பது இறுதியானதுமல்ல!
அதனால்,
வெற்றிக்குப் பிறகு
தொடர்ந்து உழைப்பதை நிறுத்த வேண்டாம்;
தோல்விக்குப் பிறகு
தொடர்ந்து முயல்வதை நிறுத்த வேண்டாம்!
=========================
எல்லாம் சில காலமே - ரமண மகரிஷி
=========================
கண்களைத் திறந்து பார்
அனைவரும் தெரிவார்கள்.

கண்களை மூடிப் பார்.
உனக்குப் பிடித்தவர்கள் மட்டும் தெரிவார்கள்!
=========================
தோல்வியின் அடையாளம் தயக்கம்!
வெற்றியின் அடையாளம் துணிச்சல்!

துணிந்தவர் தோற்றதில்லை
தயங்கியவர் வென்றதில்லை!
=========================
கையில் 10 ரோஜாக்களோடு
கண்ணாடி முன் நில்லுங்கள்!
இப்போது நீங்கள் 11 ரோஜாக்களைக் காண்பீர்கள்!
அந்த 11ஆவது ரோஜா,
உங்கள் புன்னகை!
நீங்ள் இப்போது புன்னைப்பதை நான் அறிவேன்!
=========================
வெற்றியை விரும்பும் நமக்குத் தோல்வியைத் தாங்கும் மனம் இல்லை;
தோல்வியைத் தாங்கும் மனம் இருந்தால் அதுவும் ஒரு வெற்றிதான்.
=========================
உங்களின் தோல்வி எங்கே ஒளிந்துள்ளது தெரியுமா?
பிரச்சினைகள் வரும்போது அல்ல;
பிரச்சினைகளைக் கண்டு நீங்கள்
பயந்து விலகும்போது. - பாரதியார்
=========================
எவையெல்லாம் அழகாக இருக்கின்றனவோ
எவையெல்லாம் அர்த்தத்துடன் இருக்கின்றனவோ
எவையெல்லாம் உங்களுக்கு மகிழ்ச்சியைத் தருமோ
அவை அனைத்தும் உங்களுக்குக் கிடைக்கட்டும்!
இன்றும் நாளையும் என்றும்.
=========================
இதை மெதுவாகப் படியுங்கள்:

LIFEISNOWHERE
இதை எப்படிப் படித்தீர்கள்?
LIFE IS NO WHERE என்றா?
LIFE IS NOW HERE என்றா?
நாம் பார்க்கிற விதத்தில்தான் வாழ்க்கை இருக்கிறது என்பதை இந்த ஒற்றை வரிஉணர்த்திவிடுகிறது!
=========================
மின்தடை ஏற்படும்போதுதான்
நமக்கு மெழுதுவர்த்தி ஞாபகம் வருகிறது.
அப்படித்தான் பிரச்சினைகளின் போது
ஒரு நண்பர், தீர்வு என்னும் விளக்கேந்தி வருகிறார்.
நான் உனக்கொரு மெழுகுவர்த்தியாக இருப்பேன்
என்ற நம்பிக்கை எனக்குண்டு.
=========================
நீங்கள் ஒரு வாய்ப்பைத் தவறவிட்டால்
உங்கள் விழிகளைக் கண்ணீரால் நிரப்பாதீர்கள்!
உங்கள் கண்ணீர்,
உங்கள் முன் உள்ள இன்னொரு வாய்ப்பை மறைத்துவிடும்!
அழகிய புன்னகையுடன் எதிர்கொள்ளுங்கள்!
=========================
ஒரு நாள், கடவுள் என்னைக் கேட்டார்:

"இந்த நண்பர் இன்னும் எவ்வளவு காலம்
உன்னுடன் இருக்க வேண்டும்?"

நான் கண்ணீர் உகுத்தேன்.
என் கண்ணீர்த் துளி
ஒரு பெருங்கடலில் விழுந்தது.

நான் இப்போது கடவுளிடம் சொன்னேன்:

"இந்தத் துளியை நீங்கள் கண்டுபிடிக்கும் வரை."
=========================
நீ மற்றவருக்கு வழிகாட்டி ஆவதற்காகப்
பிறந்திருக்கிறாய்.
ஏன் மற்றவர்களிடம் உன் வழிகாட்டியைத்
தேடிக் கொண்டிருக்கிறாய்?
இந்த உலகம்
உன் வெற்றிக் கதையைப் படிக்கக்
காத்துக்கொண்டிருக்கிறது.
=========================
பிறக்கும்போது தாயை அழவைக்கிறோம்
இறக்கும்போது எல்லோரையுமே அழவைக்கிறோம்
வாழும்போதாவது
எல்லோரிடமும் சிரிக்கப் பழகுவோம்.
=========================
2 சொட்டு போட்டா அது போலியோ.
4 சொட்டு போட்டா அது உஜாலா
2880 சொட்டு போட்டா அது குவாட்டர்
இதுதான் இன்னிக்கு மேட்டர்.
=========================
வியர்வைத் துளிகளும் கண்ணீர்த் துளிகளும்
உப்பாக இருக்கலாம்.
ஆனால்,
அவைதான்
வாழ்வை இனிமையாக மாற்றும்.
=========================
ஒவ்வொரு மாநிலப் பெண்களிடமும்
ஒவ்வொரு சிறப்பு உண்டு.

கேரளா: நீண்ட கூந்தல்.
ஆந்திரா: கூரிய மூக்கு
மும்பை: செழுமையான கன்னங்கள்
பஞ்சாப்: பளிச் என்ற நிறம்
தமிழ்நாடு: ஒன்னுமே இல்லேன்னாலும் ஓவரா சீன் போடறது
=========================
நாம் அனைவரும் ஒரே அளவு திறமை பெற்றவர்கள் இல்லை
ஆனால்,
நம் திறமையை வளர்த்துக்கொள்ள
ஒரே அளவு வாய்ப்புகளைப் பெற்றிருக்கிறோம்.
- அப்துல்கலாம்.
=========================
ஓர் உண்மை:
நீ மகிழ்ச்சியாக இருக்கும்போது,
நீ யாரை விரும்புகிறாயோ
அவரை நினைத்துக்கொள்வாய்!

நீ துயரத்தில் இருக்கும்போது,
உன்னை யார் விரும்புகிறாரோ
அவரை நினைத்துக்கொள்வாய்!
=========================
ஒரு சிறிய கையசைப்பு, நம்மை அழவைக்கலாம்!
ஒரு சிறிய நகைச்சுவை, நம்மைச் சிரிக்கவைக்கலாம்!
ஒரு சிறிய அக்கறை, நம்மைக் காதலில் விழவைக்கலாம்!
ஒரு சிறிய தொடுதல், நம் உணர்வைக் கூர்மைப்படுத்தலாம்!
நானும் நம்புகிறேன்
என் சிறிய குறுஞ்செய்தி,
உனக்கு என்னை நினைவுபடுத்தலாம்!
=========================
உங்கள் இதயத்தில் மகிழ்ச்சி
உங்கள் ஆன்மாவில் புத்துணர்வு
உங்கள் வாழ்வில் வெற்றி
உங்கள் முகத்தில் புன்னகை
உங்கள் இல்லத்தில் அன்பின் நறுமணம்
இவை அனைத்தும் உங்களுக்கு என்றும் கிடைக்கட்டும்!
=========================
அன்பு தமிழ் நெஞ்சங்களே!
உங்கள் கருத்தை வெளிப்படையாக கூறுங்கள்.
- பிரவின்குமார்
=========================

சிந்தனை துளிகளை பகிர்வோம் !

2009-08-19T19:45:00.009+05:30

1.நீரோடைக்கும் பாறைக்கும் இடையே நடக்கும்
இடைவிடாத போராட்டத்தின் இறுதியில்
நீரோடை வெற்றி பெறுகிறது
தனது பலத்தினால் அல்ல, தொடர் முயற்சியினால்

2.ஒரு நாள் ஆத்திரம்.. பல நாள் துக்கத்தை தரும்...

3.வீழ்வதில் வெட்கப் படாதே! வீழ்ந்து எழுவதில் தான் வெற்றி காண்பாய்!

4.நாம் எடுத்துக்கொள்வதுதான் வாழ்க்கை. எப்போதும் அது அபபடித்தான் இருந்தது, இருக்கும். வாழ்க்கை மட்டும் மகிழ்ச்சி தராது. அதை மகிழ்ச்சியா வைத்துருக்க நாமும் விரும்ப வேண்டும். வாழ்க்கை உனக்கு நேரமும் இடமும் மட்டும் தரும். நிரப்ப வேண்டியது உன் சாமர்த்தியம்

5.படித்தவனிடம் பக்குவம் பேசாதே, பசித்தவனிடம் தத்துவம் பேசாதே.

6.மகான் போல் நீ வாழ வேண்டும் என்றில்லை, மனசாட்சிப்படி வாழ்ந்தால் போதும்.

7.உழைப்புக்கு என்றும் மரியாதை உண்டு.

8.வாய்ப்பு ஒரு முறைதான் வரும், இனி வாய்ப்பைத் தேடி நாம் தான் செல்ல வேண்டும்.

9.பகைவரையும் நண்பனாக கருது, பண்பாளன் தான் உலகை வய்ப்படுத்த முடியும்.

10.ஆசைகள் வளர வளர அவனுடய தேவைகள் வளர்ந்து கொண்டே போகும்.

11.எவ்வளவு குறைவாகப் பேச முடியுமோ அவ்வளவு குறைவாகப் பேசு.

12.மரண பயம் வாழ்நாளைக் குறைத்து விடும்.

13.கோபத்தில் வெளிவரும் வார்த்தைகள் அர்த்தமற்றவை.

14.அதிகம் வீணாகிய நாட்களில் நாம் சிரிக்காத நாட்கள் தான் அதிகம்.

15.கவனியுங்கள்உங்கள் எண்ணங்களைக் கவனியுங்கள்அவைகளே வார்த்தைகளாக வருகின்றன்.உங்கள் வார்த்தைகளை கவனியுங்கள்அவைகளே செயல்களாக ஆகின்றன.உங்கள் செயல்களைக் கவனியுங்கள்அவைகளே பழக்கமாகின்றன.உங்கள் பழக்கங்களைக் கவனியுங்கள்அவைகளே உங்கள் நடத்தையாகின்றனஉங்கள் நடத்தையைக் கவனியுங்கள்அவைகளே உங்களுடய எதிர்காலத்தை நிச்சயிக்கின்றன.

ஒரு தந்தையின் கடிதம்:

ஒரு தந்தை தன் மகனைத் துவக்கப் பள்ளியில் சேர்த்தார். அவர் தன் மகனுக்கு அறிவுரை சொல்லவில்லை. பள்ளி ஆசிரியருக்கு அவர் எழுதிய கடிதங்களின் சில பகுதிகள்!

தோல்வியை ஏற்றுக்கொள்ளவும், வெற்றியைக் கொண்டாடவும் என் மகனுக்குக் கற்றுக் கொடுங்கள்.

பொறாமையிலிருந்து அவன் விலகியே இருக்கட்டும்.

வானப்பறவைகள், தேனீக்கள், சூரியன், பசுமையான செடிகள், மலர்கள் இவற்றை ரசிக்க அவனுக்குக் கற்றுக் கொடுங்கள்.

பிறரை ஏமாற்றுவதை விட, தோற்பது கண்ணியம் என்று அவனுக்குக் கற்றுக் கொடுங்கள்.

சுய சிந்தனையில் நம்பிக்கை கொள்ளச் சொல்லுங்கள்.

மென்மையானவர்களிடம் மென்மையாகவும், உறுதியானவர்களிடம் உறுதியாகவும் நடந்து கொள்ளக் கற்றுக் கொடுங்கள்.

குற்றம் குறை கூறுபவர்களை அவன் அலட்சியப்படுத்தட்டும்.

அளவுக்கு அதிகமாய் இனிமையாகப் பேசுபவர்களிடம் அவன் எச்சரிக்கையாக இருக்க வேண்டும்.

தன் மனதுக்கு சரி என்று தோன்றுவதை அவன் துணிந்து நின்று போராடி நிறைவேற்ற அவனைப் பழக்குங்கள்.

இதை எழுதிய தந்தை ஆப்ரஹாம் லிங்கன்.

குறிப்பு:
1.நீங்கள் இது போன்று எழுதியிருந்தாலும் அல்லது உங்கள் தந்தை உங்களுக்கு இதுபோல் எழுதியிருந்தாலும் கருத்துரைகளில் வெளியிடலாம்
2.பொதுவான உங்கள் கருத்தையும் கூறுங்கள்.

காலத்தை வென்றவர்களின் பொன்மொழிகள்

2009-07-31T21:31:00.004+05:30

சுவாமி விவேகானந்தர்:
உன் வாழ்க்கையின் எந்த ஒரு நாளில் உன் முன்னால் எந்தப் பிரச்சினையையும் நீ சந்திக்காமல் முன் செல்கிறாயோ, அப்பொழுது தவறான பாதையில் நீ பயணிக்கிறாய் என்று அறிவாய்.
வில்லியம் ஷேக்ஸ்பியர்:
வாழ்க்கையில் நீங்கள் வெற்றி பெற மூன்று வழிகள்
1. பிறரைக்காட்டிலும் அதிகமாக அறிந்து கொள்ள முயலுங்கள்.
2. பிறரைக்காட்டிலும் அதிகமாக உழைக்கக் கற்றுக்கொள்ளுங்கள்
3. பிறரைக் காட்டிலும் குறைவாக பிறரிடமிருந்து பெற முயலுங்கள்.
அடால்ஃப் ஹிட்லர்:
நீ வெற்றி பெற்றால், நீ பிறருக்கு நின்றுகொண்டு விளக்கத் தேவையில்லை. நீ தோற்றால் நீ அங்கு நின்று உன் தோல்விற்கான காரணங்களை விளக்கிக் கொண்டிருக்கக் கூடாது.
ஆலன் ஸ்டிரைக்:
இந்த உலகத்தில் வேறு எவருடனும் நீ உன்னை ஒப்பிட்டுப் பார்த்துக் கொள்ள வேண்டாம். அவ்வாறு நீ செய்தால் நீ உன்னை அவமதித்துக் கொள்வதாகப் பொருள்.
அன்னை தெரசா:
இந்த உலகில் நாம் நம் கண் முன்னால் காணும் ஒவ்வொருவரையும் நேசிக்க இயலவில்லை என்றால் கண்ணுக்குத் தென்படாத கடவுளிடம் எவ்வாறு அன்பை செலுத்த இயலும்.
நீ பிறரின் குணாதிசயங்களைக் கணிக்கத் துவங்கினால் அவர் பால் அன்பு செலுத்த நேரம் இருக்காது.
பான்னி ப்ளேயர்:
வெற்றி என்பது ஒவ்வொரு முறையும் முதல் இடத்தைப் பெறுவது என்று பொருள் அன்று. வெற்றி பெற்றாய் என்றால் உன் செயல்பாடு சென்ற முறையை விட இம்முறை சிறப்பாக அமைந்துள்ளது என்று பொருள்.
லியோ டால்ஸ்டாய்:
ஒவ்வொருவரும் உலகத்தை மாற்ற நினைக்கிறார்களேயொழிய தம்மை மாற்றிக்கொள்ள நினைப்பதில்லை.
அப்ரஹாம் லிங்கன்:
கண்ணெதிரே காணும் ஒவ்வொருவரையும் நம்புவது அபாயகரமானது. அதைக் காட்டிலும் ஒருவரையும் நம்பாதிருப்பது மிகவும் அபாயகரமானது.
ஐன்ஸ்டைன்:
எவராவது தான் தன்னுடைய வாழ்நாளில் ஒரு பிழையும் செய்ததில்லை என்று நினைத்தால் அவர்கள் தாம் தம் வாழ்வில் புதிய முயற்சிகளை செய்து பார்த்ததில்லை என்று பொருள்.
சார்லஸ்:
ஒரு பொழுதும் வாழ்க்கையில் நம்பிக்கை, வாக்கு, சுற்றம், இதயம் இந்த நான்கையும் முறித்துக் கொள்ள முயலாதீர்கள். ஏனெனில் அவைகளனைத்தும் உடையும் பொழுது ஒலி எழுப்பாது போனாலும் பெரும் வலியை ஏற்படுத்தும்.

(உங்கள் கருத்துகளையும் குறிப்பிடுங்கள்)

பாய்ஸ் பொன்மொழிகள் - எழுத்தாளர் சுஜாதா

2009-07-23T18:11:00.000+05:30

நாம் எடுத்துக்கொள்வதுதான் வாழ்க்கை. எப்போதும் அது அபபடித்தான் இருந்தது, இருக்கும். வாழ்க்கை மட்டும் மகிழ்ச்சி தராது. அதை விரும்ப வேண்டும். வாழ்க்கை உனக்கு நேரமும் இடமும் மட்டும் தரும். நிரப்ப வேண்டியது உன் சாமர்த்தியம்.

எந்தச் சமயத்திலும் கைவிடாமல் குறிக்கோள் வைத்து வெல். முயற்சியை நிறுத்தும்போதுதான் தோற்கிறாய்.

தன்னம்பிக்கை உள்ளவர்கள் தான் சாம்பியன்கள் மற்றவர்கள் நம்பவில்லையென்றாலும் 'நம்மால் முடியும்' என்பதை நம்பியவர்கள், முடியும் என்றால் முடியும்.

தோல்வியிலிருந்து எதும் கற்றுக் கொள்ளாவிட்டால்தான் அது உண்மையான தோல்வி.. தோல்வி உங்களை அடையாளம் காட்டும் நான் மற்றபடி வாழ்ந்தால் இன்னும் தப்புகள் செய்வேன்.

களத்தில் குதியுஙகள். கைகள் அழுக்காகட்டும், தடுக்கி விழுங்கள். எழுந்து நட்சத்திரங்களைச் சாடுங்கள்.

மேதை என்பது ஒரு சதவிகிதம்தான் உள்ளுணர்வு மற்றதெல்லாம் வியர்வை. ஆபத்தில்லாத, ரிஸ்க் எடுக்காத பாதைதான் அதிக ஆபத்தானது.

வெற்றிக்கு அதிக நாளாகும். நாள் மட்டும்தான்.

சின்ன காரியங்களை நன்றாக இப்போது செய்யுங்கள். நாளடைவில் பெரிய காரியங்கள் உங்களைத் தேடிவரும். எல்லா ஆரம்பங்களும் சிறியவையே ஆரம்பிப்பதுதான் கடினம்.

வாய்ப்புகளைப் பெரும்பாலோர் தவறவிடுவதற்குக் காரணம் அவை உழைப்பு வடிவத்தில் வருவதால். இதுதான் சந்தர்ப்பம் என்று எதிலும் எழுதி ஒட்டியிருக்காது.

கிடைப்பது உயிர் வாழப்போதும். கொடுப்பதில்தான் நிஜ வாழ்க்கை இருக்கிறது. மற்றறவரை உற்சாகப் படுத்தும்போது நமக்கு எத்தனை உற்சாகம் ஏற்படுகிறது!

யாரும் தான்தோன்றியல்ல. நம்மை ஆக்கியவர்கள் ஆயிரம்பேர், ஒவ்வொருவரும் நமக்கு ஒரு நல்ல காரியம் செய்திருக்கிறார்கள். உற்சாக வார்த்தை சொல்லியிருக்கிறார்கள். குணத்திலும், எண்ணத்திலும், வெற்றியிலும் உதவியிருக்கிறார்கள்.

நட்சத்திரமாக சொந்த வெளிச்சம் தேவை, சொந்தப்பாதை தேவை. இருட்டைக் கண்டு பயப்படக்கூடாது இருட்டில்தான் நடசத்திரங்கள் நன்றாக ஜொலிக்கும்.

தமிழ்ப் பழமொழிகள்-4

2009-07-23T12:39:00.001+05:30

மகன் செத்தாலும் சாகட்டும், மருமகள் தாலி அறுக்கனும்.
மடியிலே கனமிருந்தால்தான் வழியிலே பயம்.
மட்டான போசனம் மனதிற்கு மகிழ்ச்சி.
மண் குதிர்யை நம்பி ஆற்றில் இறங்கலாமா?
மண்டையுள்ள வரை சளி போகாது.
மதியார் வாசலை மிதியாதிருப்பதே உத்தமம்.
மந்திரிக்கும் உண்டு மதிக்கேடு.
மரம் வெட்டுகிறவனுக்கு நிழலும்..., மண் தோடுகிறவனுக்கு இடமும் கொடுக்கும்.
மரம் வைத்தவன் த்ண்ணீர் வார்ப்பான்.
மருண்டவன் கண்ணுக்கு இருண்டதெல்லாம் பேய்.
மருந்தும் விருந்தும் மூன்று வேளை.
மருந்தே யாயினும் விருந்தோடு உண்.
மலிந்த சரக்குக் கடைத் தெருவுக்கு வரும்.
மலையைத் துளைக்கச் சிற்றுளி போதாதா?
மல்லாந்து உமிழ்ந்தால் மார்மேல் விழும்.
மவுனம் கலக நாசம்
மழைமுகம் காணாத பயிரும் தாய்முகம் காணாத பிள்ளையும்.
மழை விட்டாலும் தூவானம் விடவில்லை.
மனதிலிருக்கும் இரகசியம் மதி கேடனுக்கு வாக்கிலே.
மனமுரண்டிற்கு மருந்தில்லை.
மனம் உண்டானால் இடம் உண்டு.
மனம் தடுமாறினால் மாற்றானுக்கு வலிமை.
மனம் போல வாழ்வு.
மன்னன் எப்படியே மன்னுயிர் அப்படி.
மண்னுயிரை தன்னுயிர்போல் நினை.
மாடம் இடிந்தால் கூடம்.
மாடு கிழமானாலும் பாலின் சுவை போகுமா?
மாடு கெட்டால் தேடலாம் மனிதர் கெட்டால் தேடலாமா?
மாடு மேய்க்காமற் கெட்டது பயிர் பார்க்காமற் கெட்டது.
மாதா ஊட்டாத சோறு மாங்காய் ஊட்டும்.
மா பழுத்தால் கிளிக்காம், வேம்பு பழுத்தால் காக்கைக்காம்.
மாமியாரும் ஒரு வீட்டு மாட்டுப் பெண்தான்.
மாமியார் உடைத்தால் மண் குடம் மருமகள் உடைத்தால் பொன்குடம்.
மாமியார் மெச்சின மருமகளில்லை, மருமகள் மெச்சின மாமியாரில்லை.
மாரடித்த கூலி மடி மேலே.
மாரிக்காலத்தில் பதின்கல மோரும் கோடைக்காலத்தில் ஒருபடி நீருஞ் சரி.
மாரி யல்லது காரியம் இல்லை.
மாவுக்குத் தக்க பணியாரம்.
மாற்றானுக்கு இடங் கொடேல்.
மானம் பெரிதோ? உயிர் பெரிதோ?
மானைக் காட்டி மானைப் பிடிப்பார்.
மிஞ்சியது கொண்டு மேற்கே போகுதல் ஆகாது.
மிதித்தாரை கடியாத பாம்பு உண்டோ?
மின்னுக் கெல்லாம் பின்னுக்கு மழை.
மீகாமன் இல்லா மரக்கலம் ஓடாது.
மீ தூண் விரும்பேல்.
முகத்துக்கு முகம் கண்ணாடி
முக்காலும் காகம் முழுகிக் குளித்தாலும் கொக்காகுமா?
முட்டையிடுகிற கோழிக்கு வருத்தம் தெரியும்.
முதலையும் மூர்க்கனும் கொண்டது விடா
முதல் கோணல் முற்றுங் கோணல்
முத்தால் நத்தைப் பெருமைப்படும் , மூடர் எத்தாலும் பெருமை படார்.
முப்பது வருடம் வாழ்ந்தவனும் இல்லை, முப்பது வருடம் தாழ்ந்தவனும் இல்லை.
முருங்கை பருத்தால் தூணாகுமா?
முள்ளுமேல் சீலைபோட்டால் மெள்ள மெள்ள வாங்கவேண்டும்.
முற்பகல் செய்யின் பிற்பகல் விளையும்.
முற்றும் நனைந்தவர்களுக்கு ஈரம் ஏது?
முன் ஏர் போன வழிப் பின் ஏர்
முன்கை நீண்டால் முழங்கை நீளும்.
முன் வைத்த காலைப் பின் வைக்கலாமா?
முன்னவனே முன் நின்றால் முடியாத பொருள் உளதோ?
முட்டாள் தனத்துக்கு முதல் பாக்குக்காரன்
முதலியார் டம்பம் விளக்கெண்ணெய்க்குக் கேடு
மூட கூட்டுறவு முழுதும் அபாயம்.
மூத்தோர் சொல் வார்த்தை அமுதம்.
மெய்ச்சொல்லிக் கெட்டவனுமில்லை பொய்சொல்லி வாழ்ந்தவனுமில்லை.
மெல்லப் பாயும் தண்ணீர் கல்லையும் குழியாக்கும்.
மேருவைச் சார்ந்த காகமும் பொன்னிறம்
மேற்கே மழை பெய்தால் கிழக்கே வெள்ளம் வரும்.
மொழி தப்பினவன் வழி தப்பினவன்
மோகம் முப்பது நாள், ஆசை அறுபது நாள்.
மெளனம் மலையைச் சாதிக்கும்.
வஞ்சகம் வாழ்வைக் கெடுக்கும்.
வடக்குப் பார்த்த மச்சு வீட்டைப் பார்க்கிலும் தெற்குப் பார்த்த குச்சு வீடு நல்லது.
வடக்கே கருத்தால் மழை வரும்.
வட்டி ஆசை முதலுக்கு கேடு.
வணங்கின முள் பிழைக்கும்.
வரவுக்குத் தக்கபடி செலவை வரையறு.
வருந்தினால் வாராதது இல்லை.
வல்லவனுக்கு புல்லும் ஆயுதம்.
வல்லவனுக்கு வல்லவன் வையகத்தில் உண்டு.
வளவனாயினும் அளவறிந் தளித்துண்
வழவழத்த உறவைப் பார்க்கிலும் வைரம் பற்றிய பகை நன்று.
வாங்கிறதைப் போலிருக்க வேண்டும் கொடுக்கிறதும்
வாயுள்ள பிள்ளை பிழைக்கும்.
வாய் சர்க்கரை கை கருணைக் கிழங்கு.
வாய் மதத்தால் வாழ்வு இழக்கும்.
வாழ்கிறதும் கெடுகிறதும் வாயினால்தான்.
வாழ்வும் தாழ்வும் சில காலம்.
விண் பொய்த்தால் மண் பொய்க்கும்.
விதி எப்படியோ மதி அப்படி.
வியாதிக்கு மருந்துண்டு விதிக்கு மருந்துண்டா?
விருப்பத்தினால் ஆகாதது வீம்பினால் ஆகுமா?
விரை ஒன்று போடச் சுரை ஒன்று முளைக்குமா?
வில்வப்பழம் தின்பார் பித்தம் போக பனம் பழம் தின்பார் பசி போக.
விளக்கு மாற்றுக்குப் பட்டுக் குஞ்சமா?
விளையாட்டாய் இருந்தது வினையாய் முடிந்தது.
விளையும் பயிர் முளையிலே தெரியும்.
வினை விதைத்தவன் வினை அறுப்பான், தினை வினைத்தவன் தினை அறுப்பான்.

தமிழ்ப் பழமொழிகள்-3

2009-07-22T19:34:00.002+05:30

நுனிக்கொம்பில் ஏறி அடிக்கொம்பு வெட்டுவார்களா?
நூலளவே யாகுமாம் நுண்ணறிவு.
நூல் கற்றவனே மேலவன்.
நூற்றுக் மேல் ஊற்று, ஆயிரத்துக்கு மேல் ஆற்றுப் பெருக்கு.
நூற்றைக் கொடுத்தது குறுணி.
நெய் முந்தியோ திரி முந்தியோ.
நெருப்பு இல்லாமல் நீள் புகை எழும்புமா?
நெருப்பு என்றால் வாய்வெந்து போமா?
நெருப்புப் பந்திலிலே மெழுகுப் பதுமை ஆடுமோ?
நெல்லுக்குப் பாய்கிற தண்ணீர் புல்லுக்கும் பாயும்.
நேற்று உள்ளார் இன்று இல்லை.
நைடதம் புலவர்க்கு ஒளடதம்.
நொண்டிக் குதிரைக்குச் சறுக்கினது சாக்கு.
நொறுங்கத் தின்றால் நூறு வயது.
நோயற்ற வாழ்வே குறையற்ற செல்வம்.
நோய் கொண்டார் பேய் கொண்டார்.
நோய்க்கு இடம் கொடேல்.
பகலில் பக்கம் பார்த்துப் பேசு இரவில் அதுதானும் பேசாதே.
பகுத்தறியாமல் துணியாதே , படபடப்பாகச் செய்யாதே.
பகைவர் உறவு புகை எழு நெருப்பு.
பக்கச் சொல் பதினாயிரம்.
பசியுள்ளவன் ருசி அறியான்.
பசி வந்திடில் பத்தும் பறந்துபோம்
பசுவிலும் ஏழை இல்லை பார்ப்பாரிலும் ஏழையில்லை.
பச்சை மண்ணும் சுட்டமண்ணும் ஒட்டுமா?
பஞ்சும் நெருப்பும் ஒன்றாய்க் கிடக்குமோ?
படிக்கிறது திருவாய் மொழி இடிக்கிறது பெருமாள் கோயில்.
படைக்கும் ஒருவன் கொடைக்கும் ஒருவன்.
படையிருந்தால் அரணில்லை.
படை முகத்திலும் அறிமுகம் வேண்டும்.
பட்ட காலிலே படும் கெட்ட குடியே கெடும்.
பட்டா உன்பேரில் சாகுபடி என்பேரில்.
பட்டுக்கோட்டைக்கு வழி கேட்டால், கொட்டைப் பாக்கு விலை சொல்லுகின்றாய்.
பட்டும் பட்டாடையும் பெட்டியிலிருக்கும், காற்காசு கந்தையில் ஓடி உலாவும்.
பணக்காரன் பின்னும் பத்துப்பேர், பைத்தியக்காரன் பின்னும் பத்துப்பேர்.
பணத்தைப் பார்க்கிறதா பழைமையைப் பார்க்கிறதா?
பணம் என்ன செய்யும் பத்தும் செய்யும்.
பணக்காரன் பின்னும் பத்துப்பேர், பைத்தியக்காரன் பின்னும் பத்துபேர்.
பணம் உண்டானால் மணம் உண்டு.
பணம் பந்தியிலே குலம் குப்பையிலே.
பண்ணப் பண்ணப் பலவிதம் ஆகும்
பண்ணிய பயிரிலே புண்ணியம் தெரியும்.
பதறாத காரியம் சிதறாது.
பந்திக்கில்லாத வாழைக்காய் பந்தலிலே கட்டித் தொங்குகிறது.
பத்துப்பேருக்குப் பல்குச்சி ஒருவனுக்குத் தலைச்சுமை.
பரணியிலே பிறந்தால் தரணி ஆளலாம்.
பருத்திக்கு உழும் முன்னே தம்பிக்கு எட்டு முழம்.
பலநாளைத் திருடன் ஒரு நாளைக்கு அகப்படுவான்.
பல மரம் கண்ட தச்சன் ஒரு மரமும் வெட்டமாட்டான்.
பல்லக்கு ஏய யோகம் உண்டு உன்னி ஏறச் சீவன் இல்லை.
பல்லுப் போனால் சொல்லுப் பேச்சு.
பழகப் பழகப் பாலும் புளிக்கும்.
பழி ஒரு பக்கம் பாவம் ஒரு பக்கம்.
பழுத்த ஒலையைப் பார்த்துக் குருத்தோலை சிரிக்கிறதாம்.
பழுத்த பழம் கொம்பிலே நிற்குமா?
பள்ளிக் கணக்குப் புள்ளிக்கு உதவாது.
பனங்காட்டு நரி சலசலப்புக்கு அஞ்சுமா?
பனி பெய்தால் மழை இல்லை, பழம் இருந்தால் பூ இல்லை.
பனை நிழலும் நிழலோ, பகைவர் உறவும் உறவோ?
பனை மரத்தின் கீழே பாலைக் குடித்தாலும் கள் என்று நினைப்பர்.
பன்றிக்குப் பின் போகிற கன்றும் கெடும்.
பன்றி பல குட்டி சிங்கம் ஒரு குட்டி.
புத்திகெட்ட இராசாவுக்கு மதிகெட்ட மந்திரி.
புத்திமான் பலவான்.
புலிக்குப் பிறந்தது பூனையாய்ப் போகுமா?
புலி பதுங்குவது பாய்ச்சலுக்கு அடையாளம்.
பூ மலர்ந்து கெட்டது வாய் விரிந்து கெட்டது
பூமியைப்போலப் பொறுமை வேண்டும்.
பூவிற்றகாசு மணக்குமா?
பூனைக்கு கொண்டாட்டம், எலிக்குத் திண்டாட்டம்.
பெண் என்றால் பேயும் இரங்கும்.
பெண்டு வாய்க்கும் புண்ணியவானுக்கு பண்டம் வாய்க்கும் பாக்கியவானுக்கு.
பெண்ணின் கோணல் பொன்னிலே நிமிரும்.
பெண்ணென்று பிறந்த போது புருடன் பிறந்திருப்பான்.
பெண் வளர்த்தி பீர்க்கங் கொடி.
பெருமாள் இருக்கிற வரையில் திருநாள் வரும்.
பெருமையும் சிறுமையும் வாயால் வரும்.
பெற்ற மனம் பித்து பிள்ளை மனம் கல்லு.
பேசப் பேச மாசு அறும்.
பேசாதிருந்தால் பிழையொன்றுமில்லை.
பேராசை பெருநட்டம்.
பேர் இல்லாச் சந்நிதி பாழ், பிள்ளை இல்லாச் செல்வம் பாழ்
பொங்கும் காலம் புளி , மங்குங் காலம் மாங்காய்.
பொய் சொல்லி வாழ்ந்தவனுமில்லை , மெய் சொல்லிக் கெட்டவனுமில்லை.
பொய் சொன்ன வாய்க்குப் போசனங் கிடையாது.
பொறுத்தார் பூமி ஆள்வார் பொங்கினார் காட்டாள்வார்.
பொறி வென்றவனே அறிவின் குருவாம்.
பொறுமை கடலினும் பெரிது.
பொற்கலம் ஒலிக்காது, வெண்கலம் ஒலிக்கும்.
பொன் ஆபரணத்தைப் பார்க்கிலும் புகழ் ஆபரணமே பெரிது.
போதும் என்ற மனமே பொன் செய்யும் மருந்து.
போரோடு தின்கிற மாட்டுக்குப் பிடுங்கி போட்டுக் கட்டுமா?
போனதை நினைக்கிறவன் புத்தி கெட்டவன்.

தமிழ்ப் பழமொழிகள்-2

2009-07-21T11:21:00.003+05:30

சண்டிக் குதிரை நொண்டிச் சாரதி
சத்தியமே வெல்லும், அசத்தியம் கொல்லும்.
சந்தியிலே அடித்ததற்குச் சாட்சியா?
சபையிலே நக்கீரன் அரசிலே விற்சேரன்.
சம்பளம் இல்லாத சேவகனும், கோபமில்லாத எசமானும் சருகைக் கண்டு தணலஞ்சுமா
சர்க்கரை என்றால் தித்திக்குமா?
சாகத் துணிந்தவனுக்கு சமுத்திரம் முழங்கால்.
சாகிறவரைக்குவஞ் சங்கடமானால் வாழுகிறது எக்காலம்?
சாகிறவரையில் வைத்தியன் விடான், செத்தாலும் விடான் பஞ்சாங்கக்காரன்.
சாட்சிக்காரன் காலில் விழுவதிலும் சண்டைக்காரன் காலில் விழலாம்.
சாட்டை இல்லாப் பம்பரம் ஆட்டிவைக்க வல்லவன்.
சாண் ஏற முழம் சறுக்கிறது.
சாது மிரண்டால் காடு கொள்ளாது.
சாத்திரம் பாராத வீடு சமுத்திரம், பார்த்த வீடு தரித்தரம்.
சாத்திரம் பொய் என்றால் கிரகணத்தைப் பார்.
சாப்பிள்ளை பெற்றாலும் மருத்துவச்சிக் கூலி தப்பாது.
சுக துக்கம் சுழல் சக்கரம்.
சுடர் விளக்காயினும் தூண்டுகோல் ஒன்று வேண்டும்.
சுட்ட சட்டி அறியுமா சுவை.
சுட்ட மண்ணும் பச்சை மண்ணும் ஒட்டுமா?
சுண்டைக்காய் காற்பணம் சுமை கூலி முக்காற்பணம்.
சுத்தம் சோறு போடும் எச்சில் இரக்க வைக்கும்.
சுத்த வீரனுக்கு உயிர் துரும்பு.
சும்மா வந்த மாட்டை பல்லைப் பிடித்தப் பாராதே
சும்மா இருக்கிற தம்பிரானுக்கு இரண்டு பட்டை.
சும்மா கிடக்கிற சங்கை ஊதிக்கெடுத்தான் ஆண்டி.
சுயபுத்தி போனாலும் சொற்புத்தி வேண்டாமா?
சுவரை வைத்துதான் சித்திரம் வரையவேண்டும்.
சுவாமி வரங் கொடுத்தாலும் பூசாரி இடங்கொடுக்க மாட்டான்.
சூடு கண்ட பூனை அடுப்பங் கரையிற் சேராது.
செக்களவு பொன்னிருந்தாலும் செதுக்கியுண்டால் எத்தனை நாளுக்குக் காணும்.?
செடியிலே வணங்காததா மரத்திலே வணங்கும்?
செட்டி மிடுக்கோ சரக்கு மிடுக்கோ?
செட்டியார் வாழ்வு செத்தால் தெரியும்.
செத்தவன் உடைமை இருந்தவனுக்கு அடைக்கலம்.
செயவன திருந்தச் செய்.
செருப்பின் அருமை வெயிலில் தெரியும், நெருப்பின் அருமை குளிரில் தெரியும்.
செருப்புக்காகக் காலைத் தறிக்கிறதா?
செலவில்லாச் செலவு வந்தால் களவில்லாக் களவு வரும்.
சென்ற இடம் எல்லாம் சிறப்பே கல்வி.
சேராத இடத்திலே சேர்ந்தால் துன்பம் வரும்.
சேற்றிலே புதைந்த யானையைக் காக்கையுங் கொத்தும்.
சேற்றிலே செந்தாமரை போல.
சைகை அறியாதவன் சற்றும் அறியான்.
சொப்பனங் கண்ட அரிசி சோற்றுக்காகுமா?
சொல் அம்போ வில் அம்போ?
சொல்லாது பிறவாது அள்ளாது குறையாது.
சொல்லாமற் செய்வார் நல்லோர் சொல்லியுஞ் செய்யார் கசடர்.
சொல்லிப் போகவேணும் சுகத்திற்கு, சொல்லாமற் போகவேணும் துக்கத்திற்கு.
சொல்லுகிறவனுக்கு வாய்ச்சொல் , செய்கிறவனுக்கு தலைச்சுமை.
சொல்வல்லவனை வெல்லல் அரிது.
சொறிந்து தேய்க்காத எண்ணெயும் பரிந்து இடாத சோறும் பாழ்.
சொற்கோளாப் பிள்ளையினால் குலத்துக்கீனம்.
சொன்னதைச் சொல்லும் கிளிப்பிள்ளை.
சோம்பலே சோறு இன்மைக்குப் பிதா.
சோம்பேறிக்கு வாழைப்பழம் தோலோடே..
சோற்றுக்குக் கேடு பூமிக்குப் பாரம்.
தங்கம் தரையிலே தவிடு பானையிலே.
தஞ்சம் என்று வந்தவனை வஞ்சித்தல் ஆகாது.
தடி எடுத்தவன் தண்டல்காரனா ?
தட்டானுக்குப் பயந்தல்லவோ பரமசிவனும் அணிந்தான் சர்ப்பத்தையே.
தட்டிப்பேச ஆள் இல்லாவிட்டால் தம்பி சண்டப் பிரசண்டன்.
தணிந்த வில்லுத்தான் தைக்கும்.
தண்ணீரிலே விளைந்த உப்புத் தண்ணீரிலே கரைய வேண்டும்.
தண்ணீரையும் தாயையும் பழிக்காதே.
தண்ணீர் வெந்நீரானாலும் நெருப்பை அவிக்கும்.
தந்தை எவ்வழி புதல்வன் அவ்வழி.
தம்பி உடையான் படைக்கு அஞ்சான்.
தருமம் தலைகாக்கும்.
தலை இடியும் காய்ச்சலும் தனக்கு வந்தால் தெரியும்.
தலை இருக்க வால் ஆடலாமா ?
தலைக்கு மேல் வெள்ளம் சாண் ஓடி என்ன, முழம் ஓடி என்ன ?
தலை எழுத்தை தந்திரத்தால் வெல்லலாமா?
தலையாரியும் அதிகாரியும் ஒன்றானால் சம்மதித்தபடி திருடலாம்.
தவத்துக்கு ஒருவர் கல்விக்கு இருவர்.
தவளை தன் வாயாற் கெடும்.
தவிட்டுக்கு வந்த கை தங்கத்துக்கும் வரும்.
நகத்தாலே கிள்ளுகிறதைக் கோடாரி கொண்டு வெட்டுகிறான்.
நடக்க அறியாதவனுக்கு நடுவீதி காத வழி.
நடந்தால் நாடெல்லாம் உறவு , படுத்தால் பாயும் பகை.
நட்டுவன் பிள்ளைக்குக் கொட்டிக் காட்ட வேண்டுமா !
நண்டு கொழுத்தால் வளையில் இராது, தண்டு கொழுத்தால் தரையில் இராது.
நத்தையின் வயிற்றிலும் முத்துப் பிறக்கும்
நமக்கு ஆகாததது நஞ்சோடு ஒக்கும்.
நமனுக்கு நாலு பிள்ளை கொடுத்தாலும் உற்றாருக்கு ஒரு பிள்ளை கொடுக்கமாட்டான்.
நமன் அறியாத உயிரும் நாரை அறியாத குளமும் உண்டோ?
நயத்திலாகிறது பயத்திலாகாது.
நரிக்கு இடங்கொடுத்தால் கிடைக்கு இரண்டு ஆடு கேட்டும்.
நரிக்கு கொண்டாட்டம் நண்டுக்குத் திண்டாட்டம்.
நரை திரை இல்லை, நமனும் அங்கில்லை.
நல் இணக்க மல்லது அல்லற் படுத்தும்.
நல்லது செய்து நடுவழியே போனால், பொல்லாதது போகிற வழியே போகிறது.
நல்ல வேளையில் நாழிப்பால் கறவாதது கன்று செத்துக் கலப் பால் கறக்குமா ?
நல்லவன் என்று பெயர் எடுக்க நெடுநாட் செல்லும்.
நல்லவன் ஒரு நாள் நடுவே நின்றால் அறாத வழக்கும் அறும்.
நல்லார் பொல்லாரை நடக்கையால் அறியலாம்.
நா அசைய நாடு அசையும்.
நாக்கிலே இருக்கிறது நன்மையும் தீமையும்.
நாடறிந்த பார்ப்பானுக்கு பூணூல் அவசியமா ?
நாம் ஒன்று நினைக்க , தெய்வம் ஒன்று நினைக்கும்.
நாயைக் கண்டால் கல்லை காணோம், கல்லைக் கண்டால் நாயை காணோம்.
நாய் இருக்கிற சண்டை உண்டு.
நாய்க்கு வேலையில்லை நிறக நேரமும் இல்லை.
நாய் விற்ற காசு குரைக்குமா?
நாலாறு கூடினால் பாலாறு.
நாள் செய்வது நல்லார் செய்யார்.
நாற்பது வயதுக்கு மேல் நாய் குணம்.
நித்தம் போனால் முத்தம் சலிக்கும்.
நித்திய கண்டம் பூரண ஆயிசு.
நித்தியங் கிடைக்குமா அமாவாசை சோறு?
நித்திரை சுகம் அறியாது.
நிலத்தில் எழுந்த பூண்டு நிலத்தில் மடிய வேண்டும்.
நிழலின் அருமை வெயிலிற் போனால் தெரியும்.
நின்ற வரையில் நெடுஞ் சுவர், விழுந்த அன்று குட்டிச்சுவர்.
நீந்த மாட்டாதவனை ஆறு கொண்டு போம்.
நீர் ஆழம் கண்டாலும் நெஞ்சு ஆழம் காண முடியாது.
நீர் உள்ள மட்டும் மீன் குஞ்சு துள்ளும்.
நீர் மேல் எழுத்து போல்.
நீலிக்குக் கண்ணீர் இமையிலே.
நீள நீளத் தெரியும் மெய்யும் பொய்யும்.

தமிழ்ப் பழமொழிகள்-1

2009-07-20T13:55:00.001+05:30

கங்கையில் மூழ்கினாலும் காக்கை அன்னம் ஆகுமா?
கசடறக் கல்லார்க்கு இசை உறல் இல்லை.
கடலுக்குக் கரை போடுவார் உண்டா?
கடலைத் தாண்ட ஆசையுண்டு கால்வாயைத் தாண்டக் கால் இல்லை.
கடல் கொதித்தால் விளாவ நீர் ஏது?
கடல் திடலாகும், திடல் கடலாகும்.
கடல் மீனுக்கு நீச்சுப் பழக்க வேண்டுமா?
கடவுளை நம்பினோர் கைவிடப் படார்.
கடன் இல்லா கஞ்சி கால் வயிறு.
கடன் வாங்கிக் கான் கொடுத்தவனும் கெட்டான்; மரம் ஏறிக் கைவிட்டனும் கெட்டான்.
கடன் வாங்கியும் பட்டினி, கல்யாணம் பண்ணியும் சந்நியாசி.
கடித்த சொல்லினும் கனிந்த சொல்லே நன்மை.
கடுகத்தனை நெருப்பானாலும் போரைக் கொளுத்திவிடும்.
கடுகு சிறுத்தாலும் காரம் போகுமா?
கடுகு போன இடம் ஆராய்வார், பூசுணைக்காய் போன இடம் தெரியாது.
கடுங்காற்று மழை கூட்டும் கடுஞ் சிநேகம் பகை கூட்டும்.
கடுஞ் சொல் தயவைக் கெடுக்கும்.
கடைந்த மோரிலே குடைந்து வெண்ணெய் எடுக்கிறது.
கட்டக் கரிய இல்லாமற் போனாலும் பேர் பொன்னம்மாள்.
கட்டிக்கொடுத்த சோறும் கற்றுக்கொடுத்த சொல்லும் எத்தனை நாள் நிற்கும்.
கட்டினவனுக்கு ஒரு வீடானால் கட்டாதவனுக்கு பல வீடு.
கட்டின வீட்டுக்கு எட்டு வக்கனை.
கணக்கன் கணக்கறிவான் தன் கண்க்கைத் தான் அறியான்.
கணக்கன் கணக்கைத் தின்னாவிடில், கணக்கனை கணக்கு தின்று விடும்.
கணக்கைப் பார்த்தால் பிணக்கு வரும்.
கண் கண்டது கை செய்யும்.
கண் குருடு ஆனாலும் நித்திரையில் குறையுமா?
கண்டதே காட்சி கொண்டதே கோலம்.
கண்டது சொன்னால் கொண்டிடும் பகை.
கண்டால் ஒரு பேச்சு, காணாவிட்டால் ஒரு பேச்சு.
கண்ணிலே குத்தின விரலைக் கண்டிப்பார் உண்டோ?
கண்ணிற் பட்டால் கரிக்குமா, புருவத்திற் பட்டால் கரிக்குமா?
கண்ணிற் புண் வந்தால் கண்ணாடி பார்த்தல் ஆகாது.
கதிரவன் சிலரை காயேன் என்குமோ?
கப்பல் ஏறிப் பட்ட கடன் கொட்டை நூற்றா விடியும்.
கப்பற்காரன் பெண்டாட்டி தொப்பைக்காரி, கப்பல் உடைந்தால் பிச்சைக்காரி
கப்பற்காரன் வாழ்வு காற்று அடித்தால் போச்சு.
கரணம் தப்பினால் மரணம்.
கரிவிற்ற பணம் கறுப்பாய் இருக்குமா?
கருமத்தை முடிக்கிறவன் கட்டத்தைப் பாரான்.
கரும்பு கசக்கிறது வாய்க் குற்றம்
கரும்பு விரும்ப அது வேம்பாயிற்று.
கரும்பு ருசி என்று வேரோடு பிடுங்கலாம்?
கலகம் பிறந்தால் நியாயம் பிறக்கும்
கல்லடிச் சித்தன் போனவழி, காடுமேடெல்லாம் தவிடுபொடி.
கல்லாடம் [ நூல்] படித்தவனோடு மல் ஆடாதே.
கல்லாதவரே கண்ணில்லாதவர்.
கல்லாதார் செல்வத்திலும் கற்றார் வறுமை நலம்.
கல்வி அழகே அழகு.
கல்வி இல்லாச் செல்வம் கற்பில்லா அழகு.
கல்விக்கு இருவர், களவுக் கொருவர்.
கவலை உடையோர்க்குக் கண்ணுறக்கம் வராது.
களை பிடுங்காப் பயிர் காற்பயிர்.
கள் விற்றுக் கலப்பணம் சம்பாதிப்பதைவிடக் கற்பூரம் விற்றுக் காற்பணம் சம்பாதிப்பது மேல்.
கள்ள மனம் துள்ளும்.
கள்ளனும் தோட்டக்காரனும் ஒன்று கூடினால் விடியு மட்டும் திருடலாம்.
கள்ளம் பெரிதோ? காப்பு பெரிதோ!
கள்ளிக்கு முள்வேலி இடுவானேன்!
கள்ளைக் குடித்தால் உள்ளதைச் சொல்லுவான்.
கறையான் புற்று பாம்புக்கு உதவுகிறது.
கற்றது கைம்மண்ணளவு கல்லாதது உலகளவு.
கற்றோர்க்குச் சென்ற இடமெல்லாஞ் சிறப்பு.
கனவில் கண்ட பணம் செலவிற்கு உதவுமா?
கனிந்த பழம் தானே விழும்.
கற்கையில் கல்வி கசப்பு, கற்றபின் அதுவே இனிப்பு.
கற்பில்லாத அழகு, வாசனை இல்லாத பூ.
காசுக்கு ஒரு குதிரையும் வேண்டும் காற்றைப் போலப் பறக்கவும் வேண்டும்.
காடு காத்தவனும் கச்சேரி காத்தவனும் பலன் அடைவான்.
காட்டுக்கு எறித்த நிலாவும் கானலுக்குப் பெய்த மழையும்.
காட்டு வாழை வந்தால் வீட்டு வாழ்வு போகும்.
காட்டை வெட்டிச் சாய்த்தவனுக்குக் கம்பு பிடுங்கப் பயமா?
காண ஒரு தரம் கும்பிட ஒரு தரமா?
காணி ஆசை கோடி கேடு.
காணிக்குச் சோம்பல் கோடிக்கு வருத்தம்
காற்ற ஊசியும் வாராது காணுங் கடைவழிக்கே.
காப்பு சொல்லும் கை மெலிவை.
காமாலைக் கண்ணுக்குக் கண்டதெல்லாம் மஞ்சள் நிறம்.
காய்த்த மரம் கல் அடிபடும்.
காய்ந்தும் கெடுத்தது பெய்தும் கெடுத்தது.
காரியமாகும் வரையில் கழுதையையும் காலைப்பிடி.
காரியம் பெரிதோ வீரியம் பெரிதோ?
கார்த்திகை பின் மழையும் இல்லை, கர்ணனுக்குப்பின் கொடையும் இல்லை
காலம் செய்கிறது ஞாலம் செய்யாது.
காலம் போம் வார்த்தை நிற்கும், கப்பல் போம் துறை நிற்கும்
காலுக்குதக்க செருப்பும்,கூலிக்குத் தக்க உழைப்பும்.
காலளவே ஆகுமாம் கப்பலின் ஓட்டம், நூலளவே ஆகுமாநுண்சீலை.
காவடிப் பாரம் சுமக்கிறவனுக்குத் தெரியும்
காற்றில்லாமல் தூசி பறக்குமா?
காற்று உள்ளபோதே தூற்றிக்கொள்.
காற்றுக்கு எதிர்லே துப்பினால் முகத்தில் விழும்.
கிட்டாதாயின் வெட்டென மற
கிணற்றுக்குத் தப்பித் தீயிலே பாய்ந்தான்.
கிணற்றுத் தவளைக்கு நாட்டு வளப்பம் ஏன்?
கீர்த்தியால் பசி தீருமா?
கீறி ஆற்றினால் புண் ஆறும்.
குங்குமம் சுமந்த கழுதை மணம் அறியுமா?
குசவனுக்கு ஆறுமாதம் தடிகாரனுக்கு அரை நாழிகை.
குடல் காய்ந்தால் குதிரையும் வைக்கோல் தின்னும்.
குடி, சூது, விபசாரம் குடியைக் கெடுக்கும்.
குடி வைத்த வீட்டிலே கொள்ளி வைக்கலாமா?
குடும்பத்தில் இளையவனும் கூத்தாடியில் கோமாளியும் ஆகாது.
குட்டுப் பட்டாலும் மோதுகிற கையால் குட்டுப்படவேண்டும்.
குணத்தை மாற்றக் குருவில்லை.
குணம் இல்லா வித்தை எல்லாம் அவித்தை.
குணம் பெரிதேயன்றிக் குலம் பெரியதன்று.
குதிரை இருப்பு அறியும், கொண்ட பெண்டாட்டி குணம் அறிவாள்.
குதிரை ஏறாமல் கெட்டது, கடன் கேளாமல் கெட்டது.
குதிரை குணமறிந்தல்லவோ தம்பிரான் கொம்பு கொடுக்கவில்லை.
குந்தி இருந்து தின்றால் குன்றும் மாளும்.
குப்பை உயரும் கோபுரம் தாழும்.
குருட்டுக் கண்ணுக்குக் குறுணி மையிட்டுமென்ன?
குரு மொழி மறந்தோன் திருவழிந்து அழிவான்.
குரைக்கிற நாய் வேட்டை பிடிக்குமா?
குலம் குப்பையிலே, பணம் பந்தியிலே
குலவித்தை கற்றுப் பாதி கல்லாமற் பாதி.
குல வழக்கம் இடை வழக்கும் கொஞ்சத்தில் தீராது.
குறைகுடம் தளும்பும், நிறைகுடம் தளும்பாது.
குற்றமுள்ள நெஞ்சு குறுகுறு என்றும், குறும்பியுள்ள காது தினவு கொள்ளும்
குற்றம் பார்க்கின் சுற்றம் இல்லை
குழந்தையும் தெய்வமும் கொண்டாடின இடத்திலே.
குப்பையிற் கிடந்தாலும் குன்றிமணி நிறம் போகுமா?
கும்பிடு கொடுத்துக் கும்பிடு வாங்கு.
குரங்கின் கைப் பூமாலை.
குரங்குக்குப் புத்திசொல்லித் தூக்கணாங்குருவி கூண்டு இழந்தது.
குரு இலார்க்கு வித்தையுமில்லை முதல் இல்லார்க்கு ஊதியமில்லை.
கூரைமேலே சோறு போட்டால் ஆயிரம் காகம்.
கூலியைக் குறைக்காதே வேலையைக் கெடுக்காதே?
கூழுக்கு மாங்காய் கொண்டாட்டம், குரங்குத் தேங்காய் கொண்டாட்டம்.
கூழுக்கும் ஆசை, மீசைக்கும் ஆசை.
கெடுக்கினும் கல்வி கேடுபடாது
கெடுமதி கண்ணுக்குத் தோன்றாது
கெடுவான் கேடு நினைப்பான்
கெட்டாலும் செட்டியே, கிழிந்தாலும் பட்டு பட்டே.
கெட்டிக்காரன் புளுகு எட்டு நாளையில் தெரியும்.
கெட்டும் பட்டணம் சேர்
கெண்டையைப் போட்டு வராலை இழு.
கெரடி கற்றவன் இடறி விழுந்தால் அதுவும் ஒரு வித்தை என்பான்.
கெலிப்பும் தோற்பும் ஒருவர் பங்கல்ல.
கேடு வரும் பின்னே, மதி கெட்டுவரும் முன்னே.
கேட்ட தெல்லாம் நம்பாதே? நம்பிந்தெல்லாம் சொல்லாதே?
கேளும் கிளையுங் கெட்டோர்க்கு இல்லை.
கேள்விப் பேச்சில் பாதிதான் நிசம்.
கைக்கு எட்டினது வாய்க்கு எட்டவில்லை.
கைக்கோளனுக்குக் காற்புண்ணும் நாய்க்குத் தலைப்புண்ணும் ஆறா
கைப்புண்ணுக்குக் கண்ணாடி வேண்டுமா?
கைப்பொருளற்றால் கட்டினவளும் பாராள்
கையாளத ஆயுதம் துருப்பிடிக்கும்
கையிலே காசு வாயிலே தோசை
கையில் உண்டானால் காத்திருப்பார் ஆயிரம் பேர்.
கையூன்றிக் கரணம் போடவேண்டும்.
கையில் பிடிப்பது துளசி மாலை, கக்கத்தில் இடுக்குவது கன்னக்கோலம்
கொடிக்கு காய் கனமா?
கொடுக்கிறவனைக் கண்டால் வாங்குகிறவனுக்கு இளக்காரம்.
கொடுங்கோல் அரசு நெடுங்காலம் நில்லாது.
கொடுத்தைக் கேட்டால் அடுத்த தாம் பகை.
கொட்டினால் தேள், கொட்டாவிட்டால் பிள்ளைப் பூச்சியா?
கொண்டானும் கொடுத்தானும் ஒன்று,கலியாணத்தைக் கூட்டி வைத்தவன் வேறு.
கொலைக்கு அஞ்சாதவன் பழிக்கு அஞ்சான்.
கொல்லன் தெருவில் ஊசி விலைபோமா?
கொல்லைக் காட்டு நரி சலசலப்புக் அஞ்சுமா?
கொள்ளிக்கு எதிர்போனாலும், வெள்ளிக்கு எதிர்போகலாது.
கொற்றவன் தன்னிலும் கற்றவன் மிக்கோன்.
கோட் சொல்பவைக் கொடுந்தேள் என நினை.
கோட் சொல்லும் வாய் காற்றுடன் நெருப்பு.
கோணிகோடி கொடுப்பதிலும் கோணாமற் காணி கொடுப்பது நல்லது.
கோத்திரமறிந்து பெண்ணைக்கொடு, பாத்திரமறிந்து பிச்சையிடு.
கோபம் உள்ள இடத்தில் குணம் உண்டு.
கோபம் சண்டாளம்.
கோயிற் பூனை தேவர்க்கு அஞ்சுமா?
கோழி மிதித்துக் குஞ்சு முடம் ஆகுமா?
கோளுஞ் சொல்லி கும்பிடுவானேன்?
கோடானுகோடி கொடுப்பினும் தன்னுடைய நாக்கு கோடாமை கோடி பெறும்
கோடானுகோடி கொடுத்தாலும் நாவினால் தவறு சொல்லாதது கோடி பெறும்.
கோடி கொடுப்பினும் குடில் பிறந்தார் தம்மோடு கூடுவதே கோடி பெறும்.

தமிழ்ப் பழமொழிகள்

2009-07-16T20:18:00.003+05:30

அசையாமல் தின்கிறது வீடு.
அச்சமில்லாதவன் அம்பலம் ஏறுவான்.
அச்சாணி இல்லாத தேர் முச்சாணும் ஓடாது
அஞ்சிலே வளையாதது ஐம்பதிலே வளையுமா?
அடக்கமே பெண்ணுக்கு அழகு.
அடக்கம் உடையார் அறிஞர், அடங்காதவர் கல்லார்.
அடாது செய்தவன் படாது படுவான்.
அடி நாக்கிலே நஞ்சும் நுனி நாக்கில் அமுதமும்.
அடுத்த வீட்டுக்காரனுக்கு அதிகாரம் வந்தால் அண்டை வீட்டுக்காரனுக்கு இரைச்சல் இலாபம்.
அணில் கொம்பிலும், ஆமை கிணற்றிலும்.
அணை கடந்த வெள்ளம் அழுதாலும் வாராது.
அத்திப் பழத்தைப் பிட்டுப்பார்த்தால் அத்தனையும் புழு.
அந்தி மழை அழுதாலும் விடாது.
அப்பன் அருமை மாண்டால் தெரியும்.
அப்பியாச வித்தைக்கு அழிவில்லை.
அயலூரானுக்கு ஆற்றோரம் பயம், உள்ளூரானுக்கு மரத்திடியில் பயம்.
அரசன் இல்லாத நாடு அச்சில்லாத தேர்.
அரிசி ஆழாக்கானாலும் அடுப்புக் கட்டி மூன்று வேண்டும்.
அருமையற்ற வீட்டில் எருமையும் குடியிருக்காது.
அழிந்த கொல்லையில் குதிரை மேய்ந்தாலென்ன, கழுதை மேய்ந்தாலென்ன?
அழுகிற ஆணையும், சிரிக்கிற பெண்ணையும் நம்பக்கூடாது.
அழுத பிள்ளை பால் குடிக்கும்.
அழுதாலும் பிள்ளை அவளே பெற வேண்டும்.
அளக்கிற நாழி அகவிலை அறியுமா?
அறச் செட்டு முழு நட்டம் .
அள்ளிக் கொடுத்தால் சும்மா, அளந்து கொடுத்தால் கடன்.
அறக்கப் பறக்க பாடுபட்டாலும் படுக்க பாயில்லை.
அறப்படித்தவன் அங்காடி போனால், விற்கவும் மாட்டான் கொள்ளவும் மாட்டான்.
அறமுறுக்கினால் அற்றும் போகும்.
அறிந்தறிந்து செய்கிற பாவத்தை அழுதழுது தொலைக்கவேண்டும்.
அறிய அறியக் கெடுவார் உண்டா?
அறிவில்லார் சிநேகம் அதிக உத்தமம்.
அறிவீனர் தமக்கு ஆயிரம் உரைக்கினும் அவம்.
அறிவீன இடத்தில் புத்தி கேளாதே.
அறிவு இல்லார் தமக்கு ஆண்மையுமில்லை.
அறிவுடையாரை அரசனும் விரும்புவான்.
அறுபத்து நாலடிக் கம்பத்திலேறி ஆடினாலும், அடியில் இறங்கி தான் தியாகம் வாங்கவேண்டும்.
அறுப்புக் காலத்தில் எலிக்கு ஐந்து பெண்சாதி.
அற்ப அறிவு அல்லற் கிடம்.
அன்பு இருந்தால் ஆகாததும் ஆகும்.
அன்று எழுதிவன் அழித்து எழுதுவானா?
அன்று குடிக்கத் தண்ணீர் இல்லை ஆனைமேல் அம்பாரி வேணுமாம்.
அன்னைக்கு உதவாதவன் யாருக்கும் ஆகான்.
அன்னம் இட்டவர் வீட்டில் கன்னம் இடலாமா?
ஆய்ந்து பாராதான் காரியந் தான் சாந்துயரந் தரும்.
ஆரால் கேடு, வாயால் கேடு.
ஆரியக் கூத்தாடினாலும் காரியத்தில் கண்ணாயிரு.
ஆலும் வேலும் பல்லுக்குறுதி, நாலும்[ நாலடியார்] இரண்டும்[குறள்] சொல்லுக்குறுதி.
ஆலை இல்லாத ஊரிலே இலுப்பைப் பூச்சக்கரை.
ஆழமறியாமல் காலை இடாதே.
ஆவும் தென்னையும் ஐந்து வருடத்தில் பலம் தரும்.
ஆளனில்லாத மங்கைக்கு அழகு பாழ்.
ஆள் கொஞ்சமானாலும் ஆயுதம் மிடுக்கு.
ஆறிலுஞ் சாவு நூறிலுஞ் சாவு.
ஆறின கஞ்சி பழங் கஞ்சி.
ஆறு கடக்கிறவரையில் அண்ணன் தம்பி, ஆறு கடந்தால் நீ யார் நான் யார்?
ஆற்றிலே போட்டாலும் அளந்து போடு.
ஆறுகெட நாணல் இடு, ஊரு கெட நூலை விடு.
ஆறு போவதே போக்கு அரசன் சொல்வதே தீர்ப்பு.
ஆனை கறுத்தால் ஆயிரம் பொன்.
ஆனைக்கு ஒரு காலம் பூனைக்கு ஒரு காலம்.
ஆனைக்கும் அடிசறுக்கும்.
ஆனை படுத்தால் ஆள் மட்டம்.
ஆனை வரும் பின்னே. மணி ஓசை வரும் முன்னே
இக்கரை மாட்டுக்கு அக்கரை பச்சை.
இங்கே தலை காட்டுகிறான், அங்கே வால் காட்டுகிறான்.
இஞ்சி இலாபம் மஞ்சளில்.
இடம் கொடுத்தால் மடம் பிடுங்குவான்.
இட்ட உறவு எட்டு நாளைக்கு நக்கின உறவு நாலு நாலைக்கு.
இட்டுக் கெட்டார் எங்குமே இல்லை.
இட்டார் பெரியோர் இடாதார் இழி குலத்தோர்.
இமைக்குற்றம் கண்ணுக்குத் தெரியாது.
இரக்கப் போனாலும் சிறக்கப் போ.
இரண்டு ஓடத்தில் கால் வைக்காதே.
இரவற் சீலையை நம்பி இடுப்புக் கந்தையை எறியாதே.
இராகு திசையில் வாழ்ந்தவனும் இல்லை
இராச திசையில் கெட்டவணுமில்லை
இராசா மகளானாலும் கொண்டனுக்கு பெண்டுதான்.
இரும்பு பிடித்த கையும் சிரங்கு பிடித்த கையும் சும்மா இரா.
இராமனைப்போல் இராசா இருந்தால் அனுமானைப்போல் சேவகனும் இருப்பான்.
இருவர் நட்பு ஒருவர் பொறை.
இல்லாது பிறாவது அள்ளாது குறையாது.
இழவுக்கு வந்தவள் தாலி அறுப்பாளா?
இழுக்குடைய பாட்டிற்கு இசை நன்று.
இளங்கன்று பயமறியாது
இளமையிற் கல்வி கல் மேல் எழுத்து.
இளமையில் சோம்பல் முதுமையில் வருத்தம்.
இறங்கு பொழுதில் மருந்து குடி
இறுகினால் களி , இளகினால் கூழ்.
இறைக்க ஊறும் மணற்கேணி, ஈயப் பெருகும் பெருஞ்செல்வம்.
இறைத்த கிண்று ஊறும், இறையாத கேணி நாறும்.
இனம் இனத்தோடே வெள்ளாடு தன்னோடே
இன்றைக்கு இலை அறுத்தவன் நாளைக்கு குலை அறுப்பான்.
ஈக்கு விடம் தலையில், தேளுக்கு விடம் கொடுக்கில்.
ஈட்டி எட்டு முழம் பாயும் பணம் பாதாளம் மட்டும் பாயும்.
ஈயார் தேட்டைத் தீயார் கொள்வர்.
ஈர நாவிற்கு எலும்பில்லை.
உடல் உள்ள வரையில் கடல் கொள்ளாத கவலை.
உடம்பு போனால் போகிறது கை வந்தால் போதும்.
உடைமையும் வறுமையும் ஒரு வழி நில்லா
உடையவன் பாரா வேலை ஒரு முழங் கட்டை.
உடைத்த சங்கு ஊத்துப் பறியுமா?
உண்ட உடம்பிற்கு உறுதி, உழுத புலத்தில் நெல்லு.
உட்கார்ந்தால் அல்லவா படுக்க வேண்டும்.
உண்டு கொழுத்தால் நண்டு வலையில் இராது.
உண்ணாச் சொத்து மண்ணாய்ப் போகும்.
உண்ணீர் உண்ணீரென்றே ஊட்டாதார் தம் மனையில் உண்ணாமை கோடி பெறும்.
உத்திராடத்தில் ஒரு பிள்ளையும், ஊர் வாரியில் ஒரு நிலமும்.
உரலில் அகப்பட்டது உலக்கைக்கு தப்புமா?
உருட்டும் புரட்டும் ஒடுக்கும் சிறப்பை.
உலோபிக்கு இரட்டை செலவு.
உழுகிற நாளில் ஊருக்குப் போனால், அறுக்கிற நாளில் ஆள் தேவையில்லை.
உழுதவன் கணக்குப் பார்த்தால் உழக்கேனும் மிஞ்சாது.
உளவு இல்லாமல் களவு இல்லை.
உள்ளது சொல்ல ஊரு மல்ல நல்லது சொல்ல நாடுமல்ல
உள்ளது போகாது இல்லது வாராது.
உள்ளம் தீயெரிய உதடு பழஞ் சொரிய
உறியிலே வெண்ணெய் இருக்க நெய்க்கலைவானேன்
உறவு போகாமல் கெட்டது கடன் கேட்காமல் கெட்டது. [இதனை இப்படி கூட கூறுவார்கள்-பார்க்காத உறவும் கேட்காத கடனும் பாழ்]
ஊசியைக் காந்தம் இழுக்கும் உத்தமனைச் சிநேகம் இழுக்கும்.
ஊணுக்கு முத்துவான் வேலைக்குப் பிந்துவான்.
ஊண் அற்றபோது உடலற்றது.
ஊமையாய் இருந்தால் செவிடும் உண்டு
ஊர் உண்டு பிச்சைக்கு, குளம் உண்டு தண்ணீருக்கு.
ஊர் வாயை மூட உலைமுடி இல்லை.
ஊழி பெயரினும் ஊக்கமது கைவிடல்.
எங்கள் வீட்டுக்கு வந்தால் என்ன கொண்டு வருகிறாய், உங்கள் வீட்டுக்கு வந்தால் என்ன தருவாய் ?
எங்கே புகையுண்டோ அங்கே நெருப்பு உண்டு.
எச்சிற் கையால் காக்கை ஓட்டாதவன் பிச்சை கொடுப்பானா?
எடுக்கிறது பிச்சை ஏறுகிறது பல்லாக்கு.
எட்டி பழுத்தென்ன, ஈயார் வாழ்த்தென்ன?
எண் இல்லாதவர் கண் இல்லாதவர்,
எழுத்து இல்லாதவர் கழுத்து இல்லாதவர்.
எண்சாண் உடம்பிற்கு சிரசே பிரதானம்.
எண்ணிச் செய்கிறவன் செட்டி, எண்ணாமல் செய்கிறவன் மட்டி.
எண்ணிச்செய்வது செட்டு, எண்ணாமல் செய்வது வேளாண்மை.
எண்ணை முந்துதோ திரி முந்துதோ?
எதார்த்தவாதி வெகுசன விரோதி.
எதிர்த்தவன் ஏழை என்றால் கோபம் சண்டாளம்.
எதை அடக்காவிட்டாலும் நாக்கை அடக்கவேண்டும்.
எத்தனை புடம் போட்டாலும் இரும்பு பசும்பொன் ஆகுமா?
எத்தால் வாழலாம், ஒத்தால் வாழலாம்.
எந்நிலத்து வித்திடுனும் காஞ்சிரங்காய் தெங்காகா
எய்தவன் இருக்க அம்பை நோவானேன் ?
எரிகிறதைப் பிடுங்கினால் கொதிக்கிறது அடங்கும்.
எரிகிற வீட்டில் பிடுங்கினது இலாபம். எருமை வாங்கும் முன்னே நெய் விலை கூறாதே.
எருது நோய் காக்கைக்கு தெரியுமா?
எலி அழுதால் பூனை விடுமா?
எலி இருக்கிற இடத்தில் பாம்பு இருக்கும்.
எலிக்குத் திண்டாட்டம் பூனைக்குக் கொண்டாட்டம்
எலி வளை யானாலும் தனி வலை வேண்டும்.
எலும்பு கடிக்கிற நாய் இரும்பைக் கடிக்குமா?
எல்லோருக்கும் ஒவ்வொன்று எளிது
எல்லோரும் பல்லக்கு ஏறினால் பல்லக்கைத் துக்குகிறவர் யார்?
எழுதாக் கடனுக்கு அழுதால் தீருமா?
எழுதியவன் ஏட்டைக் கெடுத்தான், படித்தவன் பாட்டைக் கொடுத்தான்
எழுதி வழங்கான் வாழ்க்கை கழுதை புரண்ட களம்.
எழுத்தறச் சொன்னாலும் பெண் புத்தி பின் புத்தி.
எளியவன் பெண்டாட்டி எல்லோருக்கும் மைத்துனி.
எளியாரை வலியார் அடித்தால் வலியாரை தெய்வம் அடிக்கும்
எள்ளூ என்கிறதற்கு முன்னே எண்ணெய் கொண்டு வருகிறான்.
எள்ளுக்கு ஏழு உழவு , கொள்ளுக்கு ஓர் உழவு.
எறும்பு ஊர கல்லுந் தேயும்.
எறும்புந் தன் கையால் எண் சாண்
ஏதென்று கேட்பாருமில்லை எடுத்துப் பிடிப்பாருமில்லை
ஏரி நிறைந்தால் கரை கசியும்.
எருழுகிறவன் இளப்பமானால் எருது மச்சான் முறை கொண்டாடும்.
ஏர் பிடித்தவன் என்ன செய்வான்? பானை பிடித்தவள் பாக்கியம்.
ஏவுகிறவனுக்கு வாய்ச்சொல், செய்கிறவனுக்குத் தலைச்சுமை
ஏழை அமுத கண்ணீர் கூரிய வாளை ஓக்கும்.
ஏழை என்றால் எவர்க்கும் எளிது
ஏழைபேச்சு அம்பலம் ஏறாது
ஏறச் சொன்னால் எருது கோபம், இறங்கச் சொன்னால் நொண்டிக்குக் கோபம்.
ஐங்காயம் இட்டு அரைத்துக் கரைத்தாலும் தன் நாற்றம் போகா தாம் பேய்ச்சுரைக்காய்க்கு.
ஐயமான காரியத்தைச் செய்தல் ஆகாது
ஐயர் வருகிற அமாவாசை நிற்குமா?
ஒட்டத்கூத்தன் பாட்டுக்கு இரட்டை தாழ்ப்பாள்.
ஓதிய மரம் தூணாமோ, ஒட்டாங் கிளிஞ்சல் காசாமோ?
ஒரு காசு பேணின் இரு காசு தேறும்
ஒரு குடம் பாலுக்கு ஒரு துளி பிரை
ஒரு கை தட்டினால் ஓசை எழும்புமா?
ஒரு கை (அல்லது வெறுங்கை) முழம் போடுமா?
ஒரு நன்றி செய்தவரை உள்ள அளவும் நினை
ஒரு நாள் கூத்துக்கு மீசையைச் சிரைக்கவா?
ஒரு பானைச் சோற்றுக்கு ஒரு சோறு பதம்.
ஒரு பொய்யை மறைக்க ஒன்பது சொல்லுதல்
ஒரு பொய்யை மறைக்க ஒன்பது பொய் சொல்லுதல்.
ஒருமைப் பாடில்லாத குடி ஒருமிக்கக் கெடும்.
ஒருவர் அறிந்தால் இரகசியம், இருவர் அறிந்தால் அம்பலம்.
ஒருவனாய் பிறந்தால் தனிமை, இருவராய்ப் பிறந்தால் பகைமை.
ஒழுக்கம் உயர்குலத்தின் நன்று.
ஒளிக்கப் போயும் தலையாரி வீட்டிலா!
ஓசை பெறும் வெண்கலம் ஓசை பெறா மட்கலம்.
ஓடிப்போனவனுக்கு ஒன்பதாம் இடத்தில் இராசா, அகப்பட்டவனுக்கு அட்டமத்திலே சனி.
ஓடுகிறவனைக் கண்டால் துரத்துகிறவனுக்கு இலேசு.
ஓட்டைக் கப்பலுக்கு ஒன்பது மாலுமி.
ஓதாதார்க்கு இல்லை உணர்வொடு ஒழுக்கம்.
ஓதுவார் எல்லாம் உழுவான் தலைக்கடையிலே.
ஓர் ஊருக்கு ஒரு வழியா? ஒன்பது வழி.
ஓர் ஊர்ப்பேச்சு ஓர் ஊருக்கு ஏச்சு.
ஒளவை சொல்லுக்கு அச்சம் இல்லை.

துணிவை துணையாக்குவோம்!

2009-06-18T18:58:00.006+05:30

துணிவைத் துணையாக்கிஅச்சத்தை அச்சப்படுத்துவோம்!
அகிலமே நமதென்றுஎதிலும் வெற்றி கொள்வோம்!
மனதில் அச்சம் குடிகொண்டிருந்தால் உங்களால் எதையும் முழுமையாகச் செய்ய முடியாது. ஆகவே முதலில் அச்சத்தை மனதில் இருந்து வெளியேற்ற வேண்டும். அச்சத்தை வெளியேற்றும் ஆற்றல் தன்னம்பிக்கைக்குத் தான் உள்ளது. எனவே மனதில் தன்னம்பிக்கை சுடர் விட வேண்டும். மேலும் உங்கம் வாழ்க்கையில் வெற்றிபெற சமுதாயத்தில் உள்ள பல்வேறு தரப்பட்ட மக்களிடையே சுமூகமாகவும் இணக்கமாகவும் பழகவேண்டும். அப்பொழுது தான் அவர்களின் அன்பையும், உதவியையும் பெற்று உங்களால் உயர முடியும். அவ்வாறு அனைவரிடமும் அன்பாகவும், இயல்பாகவும் பழகுவதற்கும் அச்சம் தடையாக இருக்க ஒரு போதும் அனுமதிக்கக்கூடாது. அதாவது நாம் யாரைப் பார்த்து பயப்படுகின்றோமோ அவர்கம் மீது அன்பு செலுத்த முடியாது. அச்சம் நீங்கினால் தான் ஒருவர் மீது அன்பு செலுத்த முடியும். அவருடைய நல்ல பண்புகளை புரிந்து கொள்ள முடியும்.
நடந்தவைகளை எண்ணி சிலர் வருந்துவதன் காரணமாகவும் மனதில் அச்சம் குடிபுகுந்து விடுகின்றது. ஆகவே நடந்த தவறுகளை திருத்திக் கொண்டு முன்னேற வேண்டுமே தவிர தேவையில்லாமல் வருந்தக் கூடாது.
மரியாதை வேண்டும்
மண்ணைப் பார்த்து விதை அச்சப்படுகின்றது என்றால் அது முளைப்பது எப்படி? நீரைப் பார்த்து மீன் அச்சப்படுகின்றது என்றால் அது பிழைப்பது எப்படி? அச்சம் என்பது வேறு; மரியாதை என்பது வேறு. அச்சம் நமது சிந்தனைகளை முடக்கும். மரியாதை நமது சிந்தனைகளைச் சீராக்கும். ஆகவே எதையும் அச்சமின்றி அணுகுமாறு தன்னம்பிக்கையை வளர்த்துக் கொள்ள வேண்டும். வளர்கின்ற வயதில், நமது இளைய மனங்களில் பிறர் அச்சத்திற்கு அஸ்திவாரம் அமைத்திருக்கக் கூடும். ஆகவே நமது செயல்களை சுயமாகக் கண்காணித்து, நமது சுபாவத்தை மாற்றியமைத்துக் கொள்ள வேண்டும்.
மரியாதை செலுத்தினால் மதிப்பு உயரும். அதாவது, மரியாதை என்பது மனதால் ஒருவரை மதிப்பது; அச்சம் என்பது அவரைப் பார்த்து உடலும், உள்ளமும் நடுங்க பயப்படுவதால் உண்டாகும் தாழ்வான எண்ணம். மேலும் அச்சம் தாழ்வு மனப்பான்மையையும் கோழைத்தனத்தையும் உண்டாக்கும். மரியாதை தன்னம்பிக்கையையும் துணிச்சலையும் உருவாக்கும். ஆகவே மற்றவர்கும் மீது மரியாதை செலுத்தக் கற்றுக் கொள்ளுங்கள்.
தன்னம்பிக்கை வேண்டும்
`தவறு நேர்ந்துவிடுமோ?' என்ற அச்சமே தவறு ஏற்படுவதற்கான அடிப்படைக் காரணமாக இருக்கிறது என்று மனோதத்துவ அறிஞர்கள் கூறுகிறார்கள் மேலும், எதையும் சிறப்பாகச் செய்து முடிக்க முடியும் என்று நம்புகின்றபோது, உங்களுடைய ஆழ்மனதின் முழு ஆற்றலும் வெளிப்பட்டு, எதுவாயினும் அதைச் சிறப்பாகவும் முழுமையாகவும் செய்து உங்களால் வெற்றி பெற முடிகின்றது. சிறுசிறு முயற்சிகளைச் செய்து கொண்டே இருங்கள். முயற்சிச் சிறகுகள் முளைக்கும் போது அச்சத்தின் ஆதிக்கம் குறைத்து விடுவதை உணர்வீர்கள்.
நல்லதே நடக்கும் என்ற நம்பிக்கையும், வீழ்ந்தாலும் உங்களால் எழுந்துவிட முடியும் என்ற தன்னம்பிக்கையும் உங்களுடைய மனதில் சுடர் விட்டுக் கொண்டே இருக்க வேண்டும். பிரச்சினைகளின் தொகுப்பே வாழ்க்கை என்பதையும், பிரச்சினைகளை தீர்ப்பதே வெற்றி என்பதையும் புரிந்து கொம்ளுங்கள். பின்னர் பிரச்சினைகள் உங்களை பயமுறுத்துவது குறைந்து விடும். சிக்கல்களைத் தீர்க்க ஆக்கப்பூர்வமாக சிந்திக்க வேண்டுமே தவிர அச்சப்படக்கூடாது.பிரச்சினைகளை எதிர்கொள்ளுங்கள்
பிரச்சினைகளை எதிர்கொள்ளும் போது, பிரச்சினைகள் நம்மைப் பார்த்து பின்வாங்கத் தொடங்குகின்றது. துணிச்சல் நம்மிடம் துணைக்கு இருக்கும் போது எரிமலையும் பணிந்து பனிமலையாகின்றது. ஆம்! எதையும் நமக்குச் சாதகமாக மாற்றும் சக்தி துணிச்சலுக்கு உள்ளது. எதிர்த்து நிற்கும் போது, அச்சம் நம்மைவிட்டு விடை பெற்றுக் கொள்கின்றது.
ஒருசமயம் சுவாமி விவேகானந்தர் காசி நகரில் ஒரு சாலையில் நடந்து சென்று கொண்டிருந்தார். அப்போது ஒரு குரங்கு அவரைப் பின் தொடர்ந்து வந்து கொண்டு இருந்தது. உருவத்தில் மிகவும் பெரியதாக இருந்த அக்குரங்கு அச்சத்தை ஊட்டுவதாக இருந்தது. குரங்கைப் பார்த்து அஞ்சிய விவேகானந்தர் வேகமாக நடந்தார். குரங்கும் அவரை வேகமாக பின் தொடர ஆரம்பித்தது. பின்னர் அவர் ஓட ஆரம்பித்தார். குரங்கும் ஓடி வந்தது.
பின்னர் திடீரென அப்படியே நின்று குரங்கையே உற்றுப் பார்த்தார் விவேகானந்தர். குரங்கும் அப்படியே நின்று கொண்டது. பின்னர் சில நொடிகளில் திரும்பி ஓட ஆரம்பித்தது.
இந்நிகழ்ச்சி, நமக்கு ஒன்றைத் தெளிவு படுத்துவதாக இருக்கின்றது. அதாவது சிக்கல்களைக் கண்டு நாம் அஞ்சி ஓடினால் சிக்கல்களும் நம்மை விடாமல் துரத்தும். அவ்வாறு ஓடாமல், துணிந்து நின்று எதிர்க்க தொடங்கினால் சிக்கல்கள் சிதறுண்டு போகும்.
செயல்திறனை அதிகமாக்குங்கள்
ஒருவருக்கு செயல்திறன் குறைவாகும் போது அவருடைய மனதில் தாழ்வு மனப்பான்மை தவழ்ந்து கொண்டு இருக்கும். `நம்மால் நன்றாகச் செய்ய முடியுமா?' என்ற அவநம்பிக்கையும் அவ்வப்போது மனதில் தலைதூக்கிக் கொண்டே இருக்கும். ஆகவே உங்களுடைய அறிவையும் செயல் திறனை அதிகமாக்கிக் கொள்ள முயலுங்கள். முறையான பயிற்சியும் முழுமையான முயற்சியும் உங்களிடம் இருக்குமானால் எத்தகைய சிறப்புத் திறமைகளையும் எளிதில் கற்றுக் கொம்ள முடியும். ஆகவே உங்களை நீங்களே சுய ஆய்விற்கு உட்படுத்துங்கம். உங்களுடைய திறமைகம் எவ்வாறு உள்ளன என்பதை அறிந்து கொள்ளுங்கள். அதாவது அவை நீங்கள் செய்யும் பணியை சிறப்பாகச் செய்வதற்குப் போதுமானதாக உள்ளதா? அவ்வாறு போதுமான திறமைகம் இருந்தும் உங்களால் ஏன் செம்மையாகச் செயல்பட முடியவில்லை? என்பது போன்ற பல்வேறு வினாக்களை மனதில் எழுப்பி, உங்களை நீங்களே எடை போடுங்கம். அப்பொழுதுதான் உங்களை நீங்களே புரிந்து கொள்ள முடியும்.
மேலும், உங்களுக்கு இருக்கும் திறமைகம் போதுமானதாக இல்லாவிட்டால், தேவையான திறமைகளை வளர்த்துக் கொள்ள திட்டமிட்டு முயலத் தொடங்குங்கள். முயற்சிச் சிறகுகள் அசையும் போது அகன்ற வானத்தையும் அகப்படுத்த முடியும். முயலுங்கள்! வெற்றிக் கனியின் சுவை உணரத் தொடங்குங்கள்.
துணிவைத் துணையாக்குங்கள்
`நடப்பது நடக்கட்டும்! எதுவாயினும் சந்திப்பேன்! சவால்கம் என்னை எதுவும் செய்து விட முடியாது' என்று எண்ணிக் கொண்டே இருங்கம். பின்னர் படிப்படியாக அச்ச மேகங்கம் விலகுவதையும் தன்னம்பிக்கைச் சூரியனின் சுடரொளி உங்களுக்கும் பரவத்தொடங்குவதையும் உங்களால் உணர முடியும். கடந்த காலத்தில் ஏற்பட்ட தோல்விகம் மற்றும் அவமானங்களை குறித்து அடிக்கடி எண்ணுவதை விட்டு விட்டு, நடந்த நல்ல நிகழ்வுகளையும், உங்களுக்குக் கிடைத்த பாராட்டுக்களையும் மனத்திரையில் ஓடவிடுங்கம். உங்களை நீங்களே உணரத் தொடங்குவீர்கம். உங்களுக்கும் புதைந்தும்ள ஆற்றலின் அடையாளம் மெல்ல மெல்ல தெரியத் தொடங்கும்.
துணிவைத் துணைவனாக்குங்கம். வெற்றி என்பது துணிந்து செய்தவைகளின் விளைச்சலாகும். உங்களுக்கும்ள திறமைகளை வெளிக்காட்டும் சந்தர்ப்பங்களை சவால்கம் உருவாக்கிக் கொடுக்கும். ஆகவே எத்தகைய சவால்களையும் தன்னம்பிக்கையோடு எதிர்நோக்குங்கம். தோல்விகம் உங்களைக் கண்டு பின்வாங்கத் தொடங்கும்.
திட்டமிட்டுச் செயல்படுங்கள்
எதைச் செய்வதாயினும் திட்டமிட்டுச் செய்வதை உங்களுடைய பழக்கமாக்கிக் கொம்ளுங்கம். திட்டமிட்டுச் செயல்படும் போது, உங்களுடைய செயல்கம் வெற்றியைக் கொடுப்பது உறுதியாகின்றது. மேலும் ஒரு செயலைச் செய்யும் முன்னர், அச்செயலைச் செய்வதால் ஏற்படும் விளைவுகளைச் சற்று எண்ணிப்பாருங்கம். விளைவுகளை முன்கூட்டியே எண்ணிப் பார்க்கும் ஆற்றல் மனித இனத்திற்கு மட்டும் சிறப்பாக உம்ள முக்கிய திறமையாகும். ஆகவே இத்திறமையைப் பயன்படுத்தி விரும்பிய முடிவுகளை பெற்று முன்னேறுங்கம்.
வாழ்க்கை என்பது ஒரு நதி என்றால், அதில் எதிர் நீச்சல் போடுபவர்களே சாதனை படைக்கின்றார்கம். எதிர் நீச்சல் போடுவதற்கு உம்ளத்தில் துணிவும் சிந்தனையில் தெளிவும் வேண்டும். ஆகவே ஒவ்வொரு விடியலிலும் புத்துணர்வோடு கண்களை விழித்தெழுங்கம். உம்ளத்தில் உற்சாகம் ஊற்றெடுக்க செயலைத் தொடங்குங்கம். சவால்களைச் சந்திக்கும் துணிச்சலோடு உழைப்பு வீதிகளில் உலாப் போங்கம். வெற்றியின் விடியல் உங்களுக்கும் நிகழத் தொடங்கும்.தன்னம்பிக்கையும் தளராத முயற்சியும் இதயத்தின் இருப்புக் கணக்கில் இருந்தால் சோதனைகளை வென்று சாதனை படைக்கலாம்.

நன்றி. இளைஞர் மலர் - தன்னம்பிக்கை தொடர்

அதிவீரராம பாண்டியர் இயற்றிய வெற்றி வேற்கை (நறுந்தொகை)

2009-06-04T15:44:00.002+05:30

இந்நூலை இயற்றியவர் கொற்கை நகரத்திலிருந்து ஆட்சி புரிந்த அரசர் அதிவீரராம பாண்டியன் என்பவர். இவர் பாண்டிய மரபினர். இவரை தென்காசிப் பாண்டியர் என்றும் கூறுவர். இவருடைய ஆட்சிக் காலம் 11-12ம் நூற்றாண்டு எனத் தெரிகிறது. இவர் தமிழிலும் வடமொழியிலும் புலமை மிக்கவர். குருமூலமாக சிவ தீட்சை பெற்ற சிவபக்தர். இவர் இயற்றிய பிறநூல்கள் நைடதம், இலிங்கபுராணம், காசிக் காண்டம், வாயு சங்கிதை, திருக்கருவை அந்தாதி போன்றவை. இவருடைய சகோதரர் புலவர் வரதுங்க ராம பாண்டியன்.
கடவுள் வாழ்த்து
பிரணவப் பொருளாம் பெருந்தகை ஐங்கரன்சரண அற்புத மலர் தலைக்கு அணிவோமே.
நூல் பயன்
வெற்றி வேற்கை வீர ராமன்கொற்கையாளி குலசேகரன் புகல்நற்றமிழ் தெரிந்த நறுந்தொகை தன்னால்குற்றம் களைவோர் குறைவிலாதவரே!
வாழ்த்து
வாழிய நலனே; வாழிய நலனே!
(சில பிரதிகளில் இப்பாடல் காணப்படவில்லை)

எழுத்து அறிவித்தவன் இறைவன் ஆகும்
கல்விக்கு அழகு கசடு அற மொழிதல்
செல்வர்க்கு அழகு செழுங்கிளை தாங்குதல்
வேதியர்க்கு அழகு வேதமும் ஒழுக்கமும்
மன்னவர்க்கு அழகு செங்கோல் முறைமை
வைசியர்க்கு அழகு வளர் பொருள் ஈட்டல்
உழவர்க்கு அழகு ஏர்உழுது ஊண் விரும்பல்
மந்திரிக்கு அழகு வரும் பொருள் உரைத்தல்
தந்திரிக்கு அழகு தறுகண் ஆண்மை
உண்டிக்கு அழகு விருந்தோடு உண்டல்
பெண்டிர்க்கு அழகு எதிர் பேசாது இருத்தல்
குலமகட்கு அழகு தன் கொழுநனைப் பேணுதல்
விலை மகட்கு அழகு தன் மேனி மினுக்குதல்
அறிஞர்க்கு அழகு கற்று உணர்ந்து அடங்கல்
வறிஞர்க்கு அழகு வறுமையில் செம்மை
தேம்படு பனையின் திரள் பழத்து ஒரு விதைவானுற ஓங்கி வளம் பெற வளரினும்ஒருவருக்கு இருக்க நிழல் ஆகாதே
தெள்ளிய ஆலின் சிறு பழத்து ஒரு விதைதெண்ணீர் கயத்துச் சிறுமீன் சினையினும்நுண்ணிதே ஆயினும் அண்ணல் யானை அணிதேர் புரவி ஆள் பெரும் படையொடுமன்னர்க்கு இருக்க நிழல் ஆகும்மே
பெரியோர் எல்லாம் பெரியரும் அல்லர்
சிறியோர் எல்லாம் சிறியரும் அல்லர்
பெற்றோர் எல்லாம் பிள்ளைகள் அல்லர்
உற்றோர் எல்லாம் உறவினர் அல்லர்
கொண்டோ ர் எல்லாம் பெண்டிரும் அல்லர்
அடினும் ஆவின்பால் தன் சுவை குன்றாது
சுடினும் செம் பொன் தன் ஒளி கெடாது
அரைக்கினும் சந்தனம் தன் மணம் மாறாது
புகைக்கினும் கார் அகில் பொல்லாங்கு கமழாது
கலக்கினும் தண் கடல் சேறு ஆகாது
அடினும் பால் பெய்து கைப்புஅறாது பேய்ச் சுரைக்காய்
ஊட்டினும் பல் விரை உள்ளி கமழாதே
பெருமையும் சிறுமையும் தான் தர வருமே
சிறியோர் செய்த சிறு பிழை எல்லாம்பெரியோர் ஆயின் பொறுப்பது கடனே
சிறியோர் பெரும் பிழை செய்தனராயின் பெரியோர் அப்பிழை பொறுத்தலும் அரிது
நூறு ஆண்டு பழகினும் மூர்க்கர் கேண்மைநீர்க்குள் பாசிபோல் வேர் கொள்ளாதே
ஒருநாள் பழகினும் பெரியோர் கேண்மைஇரு நிலம் பிளக்க வேர் வீழ்க்கும்மே
கற்கை நன்றே கற்கை நன்றேபிச்சை புகினும் கற்கை நன்றே
கல்லா ஒருவன் குல நலம் பேசுதல்நெல்லினுள் பிறந்த பதர் ஆகும்மே
நாற்பால் குலத்தின் மேற்பால் ஒருவன்கற்றிலன் ஆயின் கீழ் இருப்பவனே
எக்குடி பிறப்பினும் யாவரே ஆயினும்அக்குடியில் கற்றோரை மேல் வருக என்பர்
அறிவுடை ஒருவனை அரசும் விரும்பும்
அச்சம் உள் அடக்கி அறிவு அகத்து இல்லாக்கொச்சை மக்களைப் பெறுதலின் அக்குடிஎச்சம் அற்று ஏமாந்து இருக்கை நன்று
யானைக்கு இல்லை தானமும் தருமமும்
பூனைக்கு இல்லை தவமும் தயையும்
ஞானிக்கு இல்லை இன்பமும் துன்பமும்
சிதலைக்கு இல்லை செல்வமும் செருக்கும்
முதலைக்கு இல்லை நீத்தும் நிலையும்
அச்சமும் நாணமும் அறிவு இல்லோர்க்கு இல்லை
நாளும் கிழமையும் நலிந்தோர்க்கு இல்லை
கேளும் கிளையும் கெட்டோ ர்க்கு இல்லை
உடைமையும் வறுமையும் ஒரு வழி நில்லா
குடை நிழல் இருந்து குஞ்சரம் ஊர்ந்தோர்நடை மெலிந்து ஓர் ஊர் நண்ணினும்
சிறப்பும் செல்வமும் பெருமையும் உடையோர்அறக் கூழ் சாலை அடையினும் அடைவர்
அறத்திடு பிச்சை கூவி இரப்போர்அரசோடு இருந்து அரசாளினும் ஆள்வர்
குன்று அத்தனை இரு நிதியைப் படைத்தோர்அன்றைப் பகலே அழியினும் அழிவர்
எழு நிலை மாடம் கால் சாய்ந்து உக்குகழுதை மேய் பாழ் ஆயினும் ஆகும்
பெற்றமும் கழுதையும் மேய்ந்த அப்பாழ்பொற்றொடி மகளிரும் மைந்தரும் கூடிநெற்பொலி நெடு நகர் ஆயினும் ஆகும்
மண அணி அணிந்த மகளிர் ஆங்கேபிண அணி அணிந்து தம் கொழுநரைத்தழீஇஉடுத்த ஆடை கோடி யாகமுடித்த கூந்தல் விரிப்பினும் விரிப்பர்
இல்லோர் இரப்பதும் இயல்பே இயல்பே
இரந்தோர்க்கு ஈவதும் உடையோர் கடனே
நல்ல ஞாலமும் வானமும் பெறினும்எல்லாம் இல்லை இல் இல்லோர்க்கே
தறுகண் யானை தான் பெரிது ஆயினும்சிறு கண் மூங்கில் கோற்கு அஞ்சுமே
நெடும் காடு ஊடே வாழினும்புன் தலைப் புல்வாய் புலிக்கு அஞ்சுமே
பள்ளத்து ஊடே வாழினும் தேரை பாம்புக்கு மிக அஞ்சுமே
கொடுங்கோல் மன்னர் வாழும் நாட்டில்கடும் புலி வாழும் காடு நன்றே
சான்றோர் இல்லாத் தொல்பதி இருத்தலின்தேன் தேர் குறவர் தேயம் நன்றே
காலையும் மாலையும் நான் மறை ஓதாஅந்தணர் என்போர் அனைவரும் பதரே
குடி அலைத்து இரந்து வெங்கோலோடு நின்றமுடியுடை இறைவனாம் மூர்க்கனும் பதரே
முதல் உள பண்டம் கொண்டு வாணிபம் செய்துஅதன் பயன் உண்ணா வணிகரும் பதரே
வித்தும் ஏரும் உளவா இருப்பஎய்த்து அங்கு இருக்கும் ஏழையும் பதரே
தன் மனையாளைத் தாய் மனைக்கு அகற்றிப்பின்பு அவள் பாராப் பேதையும் பதரே
தன் மனையாளைத் தன் மனை இருத்திப் பிறர் மனைக்கு ஏகும் பேதையும் பதரே
தன் ஆயுதமும் தன்கையில் பொருளும்பிறன் கையில் கொடுக்கும் பேதையும் பதரே
வாய் பறையாகவும் நாக்கு அடிப்பாகவும்சாற்றுவது ஒன்றைப் போற்றிக் கேண்மின்
பொய்யுடை ஒருவன் சொல் வன்மையினால்மெய் போலும்மே மெய் போலும்மே
மெய்யுடை ஒருவன் சொல மாட்டாமையால்பொய் போலும்மே பொய் போலும்மே
இருவர் தம் சொல்லையும் எழுதரம் கேட்டேஇருவரும் பொருந்த உரையார் ஆயின்மனுமுறை நெறியின் வழக்கு இழந்தவர் தம்மனமுற மறுகி நின்று அழுத கண்ணீர்முறை யுறந்தேவர் மூவர் காக்கினும்வழி வழி ஈர்வதோர் வாளாகும்மே
பழியா வருவது மொழியாது ஒழிவது
சுழியா வரு புனல் இழியாது ஒழிவது
துணையோடு அல்லது நெடு வழி போகேல்
புணை மீது அல்லது நெடும் புனல் ஏகேல்
ஏழிலார் முலைவரி விழியார் தந்திரம்இயலாதன கொடு முயல்வு ஆகாதே
வழியே ஏகுக வழியே மீளுக
இவை காண் உலகிற்கு இயலாமாறே!
(முடிந்தது).